Марҳабо азизам, қорли маликам,

Янги йил юртимга талқин бӯлиб кир.

Дилга яқин қорқиз, қорбобонг ундан,

Янги йил яна ҳам яқин бӯлиб кир!

Кечалар бир узун, юлдузлар – чироқ,

Қушлар учиб кетди, йӯл сӯнгги сӯроқ.

Музлаган тарновлар, тафт истар, бироқ,

Янги йил беморга таскин бӯлиб кир!

Ёвузлик, қабоҳат қолмасин, ӯлдир,

Кулмасни кулдиргин, бӯлмасни бӯлдир.

Бӯшаб қолган не бор сеҳринг-ла тӯлдир.

Янги йил дил қушдир, сен ин бӯлиб кир.

Ӯзидан ӯтганни ӯзи билар эл,

Керак бӯлса ҳатто қорни элар эл.

Умрига эзгу бир истак тилар эл,

Янги йил сен унга мазмун бӯлиб кир!

Висолдан яйрасин ошиқ юраклар,

ӯсиб чарчамасин мағрур тераклар.

Ёзга қӯшиқ, кузга сирли эртаклар.

Янги йил баҳорга чақин бӯлиб кир!

Дастурхон тузалган, келсин келмаслар,

Жон берсам шукр этсин кӯзга илмаслар.

Танисин сийратин, билсин билмаслар,

Янги йил минг турли нақшин бӯлиб кир!

Зулфия БОБОЕВА,  Ғончи.