Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 23 Август 2019 Кӯришлар: 1733
Печат

 

Ёхуд жойлардаги спорт иншоотлари ва уларнинг фаолияти хусусида

sport 2019Тожикистон Республикаси Ҳукумати, хусусан, унинг Раиси муҳтарам Эмомали Раҳмон томонидан олиб борилаётган одилона ижтимоий сиёсатнинг асосий йўналишларидан бири ёшлар сиёсати бўлиб, унинг моҳияти миллат келажаги бўлган ёшларни жисмонан етук қилиб тарбиялашдир.

Шу боисдан ҳам, мамлакат Ҳукумати ёшлар ўртасида спортни

оммалаштириш борасида қатор қарорлар қабул қилиб, мақсад сари тинимсиз саъй-ҳаракат қилмоқда.

Кейинги йилларда Миллат пешвосининг кўрсатма ва топшириқлари билан хоҳ шаҳар, хоҳ қишлоқ минтақалари бўлсин, спорт иншоотларини бунёд этиш ва ёшларни спорт билан шуғулланишга жалб этиш орқали соғлом турмуш тарзи муҳитини яратишга катта аҳамият берилмоқда.

Шунинг учун ҳам, Давлат сарвари мамлакатнинг қайси минтақасига сафар қилмасин, энг аввало, жойларда спорт иншоотлари қуриш ва уларни ишга туширишга алоҳида эътибор қаратмоқда.

Албатта, спортни оммавийлаштириш борасида қишлоқлар шаҳар ва ноҳия марказлари даражасидаги имкониятларга эга эмаслигини рўй-рост қайд этиш инсоф даражасида бўлади, дейиш мумкин.

Аммо…

Бу дегани жойларда мамлакат Ҳукумати томонидан олиб борилаётган ёшлар сиёсати амалга ошмайди ёки бунинг имконияти йўқ, дегани эмас. Масаланинг ижобий ҳал бўлиши давлат ҳокимияти маҳаллий ижроия органлари раҳбарларининг Давлат бошлиғининг бу борадаги кўрсатма ва топшириқларини ҳаётга татбиқ этишдаги масъулиятларини ҳис этишларига боғлиқ, биринчи навбатда.

Афсуски, ҳозир бундай совуққонликлар йўқ, деб бўлмайди.

Фикримизнинг исботи сифатида далил келтирамиз: Шаҳринав ноҳиясининг Мирзо Турсунзода номли шаҳарча жамоати ҳудудидаги Чептура паррандачилик фабрикасига қарашли ҳамда «Боғистон» қишлоқ жамоати ҳудудидаги «Шаҳринав» агро-саноат ишлаб чиқариш бирлашмасига тегишли бўлган ўйингоҳларда илгари халқаро футбол мусобақалари ўтказилган. Уларда Тошкентнинг «Пахтакор», Фрунзе (ҳозирги Бишкек)нинг «Олға», қолаверса, Киевнинг машҳур «Динамо» клублари ва Шўролар давлати таркибига кирган республикаларнинг бошқа нуфузли жамоалари қатнашган.

Ҳозирчи!?.

Мазкур ўйингоҳлар чорва боқиш яйловларига айлантирилган, хароб, ачинарли бир аҳволда…

Бу ниманинг оқибати?!.

Ўз-ўзидан маълумки, маҳаллий ижроия органлари масъуллари томонидан давлатнинг бу йўналишдаги сиёсатини ҳаётга татбиқ этишга панжа орасидан қарашдан бошқа нарса эмас.

Нега энди, шу ўйингоҳни минтақада истиқомат қилаётган обрўли бир спортчи (футболчи, курашчи, таэквондочи, каратэчи, боксчи, енгил атлетикачи ва бошқалар)га хоҳ ижара, хоҳ бошқа шаклда бириктириб бўлмайди!?. Токи, спортчи ҳам манфаатдор, ўйингоҳ ҳам обод бўлсин. Ёш авлоднинг жисмонан баркамол бўлишига хизмат қилсин.

Шунга қарама-қарши ўлароқ, мазкур ноҳиянинг Акрам Ҳасанов номли қишлоқ жамоати ҳудудида жойлашган «Ҳаёти нав» қишлоғида қурилган кичик футбол майдончасида ҳар куни мунтазам икки маҳал мини-футбол машғулотлари ўтказилади. Зеро, спорт иншооти Тожикистон Жисмоний тарбия олийгоҳи битирувчиси Азимжон Отабоевга ишониб топширилган.

Ёхуд шу қишлоқ жамоатининг Муллошоди қишлоғидаги ўйингоҳда ҳар йили эрта баҳорда таълим муассасасини битирган йилларига қараб тузилган жамоалар ўртасида футбол мусобақалари ўтказилади.

Бу ёмон эмас, албатта, аммо тадбир мунтазам давом эттирилса, нур устига аъло нур бўларди…

Масаланинг «оқсаб» қолаётган томонлари ҳали кўп. Афсуски, аксарият маҳаллий ижроия органлари раҳбарларининг эътиборсизлиги туфайли, баъзи қишлоқлар атиги биттагина спорт иншоотига эга эмас.

Жумладан, Ҳисор шаҳрига қарашли Мирзо Ризо номидаги қишлоқ жамоатининг «Ҳосилот» қишлоғи фуқароси (номини ошкор этмаслик шарти билан) яшаб турган маконида спорт иншооти йўқлигидан куйиниб гапиради. Ёшларнинг жисмонан етук бўлиб, вояга етиши ҳақида қайғурувчи раҳбарнинг йўқлигидан қаттиқ надоматда.

Фуқаронинг куйинишида жон бор…

Бир қишлоқда, ақаллан, ёшларнинг спорт билан шуғулланишлари учун энг оддий шароитлар яратилмаган бўлса, бу, албатта, Тожикистон Ҳукумати ва унинг Раиси олиб бораётган сиёсатга хилофдир.

Нима бўлганда ҳам, Миллат пешвоси юритаётган ижтимоий сиёсатнинг асосий қирраларидан бўлган ёшлар сиёсатини ҳаётга татбиқ этиш, ҳар бир раҳбар (мавқеидан қатъий назар) учун ҳам қарз, ҳам фарз бўлиши лозим.

 

Ўз мухбир.

КАЛЕНДАР

« Март 2023 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Сармоячилик муҳитини яхшилашга оид кенгаш мажлиси

 

20 феврал куни Тинчлик ва миллий бирлик асосчиси - Миллат пешвоси, Тожикистон Республикаси Президенти, Сармоячилик фазосини яхшилашга доир маслаҳат кенгаши Раиси муҳтарам Эмомали Раҳмон бошчилигида кенгашнинг XIX мажлиси бўлиб ўтди.

Мажлис масалалари кўриб чиқилиши чоғида, Миллат пешвоси муҳтарам Эмомали Раҳмон республика ва минтақа мамлакатлари савдо шериклари билан

Муфассал...

Босқон урилганда сачрайди учқун…

 

Босқон ҳар урилганда сачраётган учқунлар гуриллаб ёнаётган олов, алангада қизиб, қип-қизил чўғ тусини олаётган темирдан чиққан ёндираман, деяётган иссиққа қўшилиб, атрофни аёвсиз қиздиради. Юз-кўзидан тер шовиллаб қуйилаётган уста Ҳабибназар босқон ураётган невараси, қўлида ясаётган тешасига бот-бот кўз қирини ташлаб олиб, ишида давом этаётган ўғлига меҳр билан қарайди. Барибир ҳар икковининг танасида ҳам бобокалонлари – устазода

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1623021

ӮҚУВЧИЛАР СОНИ

6397306
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2979
5006
12300
6364354
69720
99774
6397306

Сизнинг IPнгиз: 3.239.6.58
Бугун: 23-03-2023 23:10:30

ҲАМКОРЛАР

 

 

   

2015