Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 29 Август 2019 Кӯришлар: 540
Печат

 

yul 2019ПАЙВАНДИЖОН

Қайда бор ўзбегу тожик сингари пайвандижон,

Қанчаси бир-бирига ҳамоила, ҳамхонадон,

Тиллари бошқа, демангким, дилларидир ҳамзабон,

Қўшилиб келар уларда кўп қадимдан хуну қон,

Ўзбегу тожикнинг асли битта жисму битта жон!

 

Ҳардуяш монанди битта юздаги қош-кўз каби,

Ё ғазал сарбайтида ҳамқофия, қўш сўз каби,

Бир-бирин дардин сезарлар ўзга эрмас, ўз каби,

Қўшилиб келар уларда кўп қадимдан хуну қон,

Ўзбегу тожикнинг асли битта жисму битта жон!

 

Ҳазрати Жомий, Навоий чашмаҳои покимиз,

Бир замин тупроғида аждодимиздан хокимиз,

Жонлари пайванду пайваст, бор эканмиз токи биз,

Қўшилиб келар уларда кўп қадимдан хуну қон,

Ўзбегу тожикнинг асли битта жисму битта жон!

 

Кўнгли кир, бадхоҳу номард орасига тушмасин,

Бир-бирининг дастини иккиси маҳкам ушласин,

Доимо арзи муҳаббат бирла кўнгил хушласин,

Қўшилиб келар уларда кўп қадимдан хуну қон,

Ўзбегу тожикнинг асли битта жисму битта жон!

 

Қанчасига бири модар, бошқаси эса падар,

Айлайин жуфтликларини тожи заррин ман ба сар,

Бўлса Султони Муроднинг шеъри ҳам ширу шакар,

Қўшилиб келар уларда кўп қадимдан хуну қон,

Ўзбегу тожикнинг асли битта жисму битта жон!

***

Неча йил ўзбегу тожик ташнаи дийдор эди,

Хайрият, очилди йўллар, бунга диллар зор эди.

Дўст, десак, камлик қилар, қондошу жондошмиз, ахир,

Ажратиб ҳамхуну жонни ўртада девор эди.

Қулаган девору насиб этгани дийдор учун,

Йўлни очганларнинг умри йўл каби бўлсин узун.

 

Ҳатто, ота-она ҳам жудо эди фарзандидан,

Тушга кирса, тинчмикан, деб, кечалар бедор эди.

Ака-ука, опа-сингил соғиниб бир-бирини,

Айрилиқ ранжини тортиб, дилда дард-озор эди.

Ота-она, ака-ука, опа-сингиллар учун,

Йўлни очганларнинг умри йўл каби бўлсин узун.

 

Тўю сур майли-ку, аммо ногаҳон келса ажал,

Бора олмай «виза»сиз кўз ёши шашқатор эди.

Қонию жони қўшилган битта халқмиз аслида,

Битта жонни бўлиб икки, симтиканлар бор эди.

Қонни қонга, жонни жонга қўшгани савоб учун,

Йўлни очганларнинг умри йўл каби бўлсин узун.

 

Шундайин қийин эди, ҳа, чегарадан ўтгани,

Бир эмас, неча азоблар бор эди, қатор эди.

Ёлбориб холиқ-худога, ноумид шайтон, дея,

Икки бу халқ бир-бирига интиқ-интизор эди.

Кўзда ёш бирла дуо қилмоқдамиз бу йўл учун,

Йўлни очганларнинг умри йўл каби бўлсин узун.

 

Султонмурод Ҳожибоев,

Суғд вилояти, Истаравшан шаҳри.

КАЛЕНДАР

« Август 2020 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

Сир-Зарафшон илҳомлари

 

Суғд вилояти ҳудудидан оқиб ўтадиган Сирдарё ва Зарафшон сувидан ичган экинзорлар, мевазорлар гуллаб-яшнайди. Бу икки дарё соҳилларида яшаётган инсонлар эса, яратувчанлик ишқида меҳнат қилишади. Икки улуғ шоир – Абуабдулло Рўдакий ва Камол Хўжандий ҳам ана шу икки дарё соҳилларида туғилиб, вояга етганлар. Ҳозирда эса, Суғдда уларнинг ворислари ижод этишмоқда.

Муфассал...

«Лола сайли» айёмида гулларга бурканди пойтахт

 

Тинчлик ва миллий бирлик асосчисиМиллат пешвоси, Тожикистон    Президенти   муҳтарам Эмомали Раҳмоннинг ободончилик ва бунёдкорлик ҳақидаги кўрсатмаларини ҳаётга татбиқ этиш, Тожикистон Республикаси давлат мустақиллигининг 30 йиллигини муносиб кутиб олиш тадбирлари доирасида мамлакатимизнинг барча гўшаларида «Лола сайли» тадбирлари ўтказилди. Айниқса, мамлакатимиз пойтахти – Душанбе шаҳри бу айёмда гулларга бурканди,

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
815719

ӮҚУВЧИЛАР СОНИ

3261639
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3390
4502
7892
3219967
51873
138308
3261639

Сизнинг IPнгиз: 54.160.19.155
Бугун: 11-08-2020 15:42:17

ҲАМКОРЛАР

 

 

   

2015