Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 10 Май 2018 Кӯришлар: 209
Печат

 

j toshtemirov 2018ТОЖИКИСТОН

Тароватинг гўё тўлин ой,

Лаҳза-лаҳза очасан чирой,

Йўқ гўзалроқ сендан, ҳойнаҳой,

Гул диёрим - жон Тожикистон.

     Етти пуштим илиқ бағрингда,

     Жисмим туташ банди-бандингга.

     Меҳрим пайванд алп қоматингга,

     Жисму жоним - жон Тожикистон.

Боғинг десам, тоғларинг қолар,

Сувинг десам, чоғларинг қолар,

Ношукрда доғларинг қолар,

Хуррам юртим - жон Тожикистон.

     Миллатинг тўқ, обод ҳар деҳа,

     Гурунглардан эсар бадеҳа,

     Бир зумга ҳам қаҳ-қаҳа,

     Куй, сурурим - жон Тожикистон.

 

     Қатор ГЭСлар яралган бугун,

     Сангтўдалар, Норак ҳам Роғун,

     Юлдуз рашкдан ёнар узоқ тун,

     Нур маконим - жон Тожикистон.

Узоқ кетсам ҳислар паришон,

Кўнгил интиқ сенга ҳар қачон,

Қушим қўнмас, учар сен томон,

Дил хуморим - жон Тожикистон.

     Жайлов тинмай сўз, маъно истар,

     Васфинг куйлар, ғазаллар битар,

     Шундагина тафтларим тинар,

     Ифтихорим - жон Тожикистон.

 

ОНА-ВАТАН

Шуҳратингни эшитган оним,

Завқланаман ҳар лаҳза сайин.

Юртим экан жаннат маконим,

Кўнгил шавққа тўлса нетайин.

Осмоним соф, қуёш чароғон,

Она-Ватан силайди бошим.

Илиқ макон ардоғида жон,

Оқиб турар севинч кўз ёшим.

Қучоғингда сайр этган чоғим,

Кўнгил боғи очилар шу дам.

Завқ ўтига тўлиб қароғим,

Тетикланиб бўламан бардам.

Эрким қуши доим парвозда,

Нени десам, сенда муҳайё.

Меҳнат, ижод, нозу ниёзда,

Дилим ёнар тилларим гўё.

Менинг каби қўйнингда минглаб,

Ғурур сақлаб яшайдилар шод.

Шундай диёр бахтини тилаб,

Паноҳида топаман мурод.

 

МУБОРАК

Муборак - эй, муборак, жумла ёрон муборак,

Зебу зийнат яралди, яна ҳар ён муборак.

Ҳуру зиё ёғилди, олам чакан дилоро,

Сайр қуши парвозда, сизга имкон муборак.

Рангу бўёқ ёғилди, атроф мисли камалак,

Майса, гулу райҳонлар, дуру маржон муборак.

Онам каби қучибди, гул атридан этиб маст,

Ҳар қадам то «каҳкашон» қасри алвон муборак.

Кўк бағрида сузмоқда, паға булут қучиб нам,

Яшин турди – гулдурос, файзу эҳсон муборак.

Ҳар ғунча лабига нам, қатра-қатра дурдона,

Шарбат инди мўл ҳосил, нон фаровон муборак.

Сўлим баҳор ёронлар тинч элимга ярашиқ,

Хуррам диёр қўйнида қутлуғ ҳар жон муборак.


 

Жайлов Тоштемиров,

Ёвон ноҳияси.

КАЛЕНДАР

« Октябр 2018 »
Дш Сш Чш Пш Жм Шб Яб
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

МАҚОЛАЛАР

Тожикистон Республикаси Президенти Эмомали Раҳмоннинг БМТ телевидениеси рус хизматига берган интервюси

 

- Жаноби олийлари, ушбу кунларда, Тожикистон ва Марказий Осиёнинг бошқа мамлакатлари Наврўз байрамини нишонламоқда. Шу муносабат сабабли, Сиз ва Тожикистоннинг қадимий халқини байрам билан табриклаб, Сизга мустаҳкам соғлиқ ва муваффақиятлар тилашни истардим. 2009 йили Тожикистон ва бошқа бир қатор мамлакатлар БМТ Бош Ассамблеясининг 21 мартни халқаро Наврўз куни сифатида,

Муфассал...

Табрик телеграммалари

 

13 январ куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон ва Қирғизистон Республикаси Президенти Сооронбай Жээнбеков икки мамлакат ўртасида дипломатик муносабатлар ўрнатилганининг 25 йиллиги муносабати билан табрик телеграммалари алмашишди.

Муфассал...

СТАТИСТИКА

Сайтга кирганлар
1
Мақолалар
582
Мақолаларни кӯрганлар сони
274207

ӮҚУВЧИЛАР СОНИ

1664918
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1987
1130
4261
1643767
39129
59102
1664918

Сизнинг IPнгиз: 54.161.77.30
Бугун: 17-10-2018 18:30:00

ҲАМКОРЛАР

 

 

   

2015