Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 17 Март 2016 Кӯришлар: 2931
Печат

 

x sattorСадоқатни умр меҳвари билар

Муҳаббат қийматин аршларга илар.

Хиёнат булутин чақмоқдай тилар,

Номус қўрғонини қўриган аёл!

 

Гарчи узоқларда севикли ёри,

Соғинчдан жаранглар муҳаббат тори.

Хазон кўрмас асло севги баҳори…

Номус қўрғонини қўриган аёл!

 

Эгнида либоси зармас, ҳаёдир,

Феълини мунаввар этган ибодир.

Шу боис, оламда танҳо зебодир,

Номус қўрғонини қўриган аёл!

 

Кимдир умрин бодга совурар ҳайҳот,

Латиф жинс шаънига келтириб иснод...

Аммо вафо боғин айлагай обод…

Номус қўрғонини қўриган аёл!

Ёнида дилбанди - жигарпораси,

У билан кўнгли тўқ, йўқ дил яраси.

Асрагай мисоли кўзин қораси,

Номус қўрғонини қўриган аёл!

Майли, қай томондан эсса-да шамол,

Иффатин сақлагай покиза, зилол.

Босган изларининг гарди ҳам ҳалол…

Номус қўрғонини қўриган аёл!

Олмос чўққиларнинг ғурури Сиздан,

Шаффоф жилғаларнинг сурури Сиздан,

Нурафшон тонгларнинг файз-нури сиздан…

Номус қўрғонини қўриган аёл!

 

АЛВОН ЛОЛАЛАР

Гул баргида шабнам жилоси,

Ол ёғдуга чўмган далалар.

Қиз қўлига қўйган хиноси

Янглиғ яшнаб ётар лолалар.

Турфа рангда оламга боқиб,

Камалакдан инжу толалар.

Томчилардан исирға тақиб,

Нур таратар алвон лолалар.

Ер қирмизи, шафақ қирмизи,

Қирмизидир тоғлар, ёлалар.

Қувончларга беланиб юзи,

Яшнаб ётар алвон лолалар.

Лолазорда шодон қийқириқ,

Севинчлардан масрур болалар.

Косагули йирикдан-йирик,

Яшнаб ётар алвон лолалар.

Лола сайлин ихтиёр этгай,

Ёшу кекса, амма, холалар.

Яшартириб кўҳна дунёни

Яшнаб ётар алвон лолалар.

Лолазорга айланиб Ватан,

Бегонадир энди нолалар.

Бахтли ҳаёт рамзи ўлароқ,

Яшнаб ётар алвон лолалар.

 

Холмурод Саттор, Хуросон ноҳияси.

КАЛЕНДАР

« Ноябр 2026 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

ТАИЛАНД ҚИРОЛЛИГИ БОШ ВАЗИРИ БИЛАН МУЛОҚОТ

 

Ривожланаётган мамлакатлар ва БРИКСга аъзо давлатлар диалоги доирасида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Россия Федерацияси президенти Владимир Путин, Миср Араб Республикаси президенти Абдулфаттоҳ Ас-Сиси, Бразилия президенти Мишел Темер, Ҳиндистон Республикаси бош вазири Нарендра Моди, Мексика Қўшма

Муфассал...

Ҳазрати Султон мақбараси – муқаддас маскан

 

Хатлон вилоятининг Кўлоб минтақасида азалдан эл орасида машҳур бўлган зиёратгоҳ, тарихий обидалар жуда кўп. Айниқса, Султон Увайси Қараний оромгоҳи воҳа аҳли муқаддас билган масканлардан эканлиги диққатни жалб қилади. Собиқ Шўролар даврида ҳам ушбу масканга жуда кўплаб зиёратчилар ташриф буюрган. Қишлоғимиз оқсоқоллари ҳар йили махсус автобусда Мозори Ҳазрати Султонга бориб, 1-2 кун қолиб, зиёрат ва истироҳат олиб қайтишарди.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2621336

ӮҚУВЧИЛАР СОНИ

10389184
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2812
3713
31800
10316547
124696
161581
10389184

Сизнинг IPнгиз: 216.73.217.43
Бугун: 22-11-2026 13:54:47

ҲАМКОРЛАР

 

 

   

2015