Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 28 Июл 2017 Кӯришлар: 2104
Печат

 

s hojiboev 2017Уруш йиллари эди,

Ёғарди чилла қори.

Боболаринг фронтда,

Қон кечар кўп қатори.

Оч қолсак-да, ишлардик,

Жангчилар тўқ бўлсин, деб.

Гўринг куйгур фашистлар,

Эртароқ йўқ бўлсин, деб.

Боримизни фронтга

Жўнатишга шошардик.

Ўзимиз очу наҳор,

Бир амаллаб яшардик.

Бир куни уйимизда

Тамом бўлди унимиз.

Ейишга ҳеч вақо йўқ,

Сувга қолди кунимиз.

Бошимга бир ўй келди-

Ноиложликдан чора.

Қўшниникига борай,

Нон енг, дейишса, зора.

Бир бурдани отангга

Олиб берсам, овунса.

«Оч қолдим, нон-нон бер» деб,

Йиғлаши бир дам тинса.

Уч-тўрт эшикка кирдим,

Кўринмади дастурхон.

Кўпчилик биздай эди,

Йўқ эди бир бурда нон.

Узоқ қариндошимиз -

Қаҳҳор мудир бор эди.

Элдан юлиб яшарди,

Ин - жойи омбор эди.

Қоп-қоп дони бўларди,

Доим нони бўларди.

Ўшаларнинг уйига,

Кириб бордим, тортиниб...

Мени деразасидан

Кўриб қолди хотини.

Билдимки, шоша-пиша,             

Дастурхонни ўради.

На бир оғиз, кел, деди,

На аҳволим сўради.

Ортимга қайтдим шартта,

Номусдан ўша пайтда.

Гўё тириклай ўлдим,

Ерга киргандай бўлдим.

Уйга келсам бир аҳвол,

Ўтирибди қайнонам.

Мени кўриб, хўрсинди,

Кўзларига чиқди нам.

Деди: -«Бу кун ўтади,

Келади яхши кунлар.

Нон ҳам сероб бўлади,

Босилиб ётар унлар.

Ҳа, мени айтди, дерсан,

Ажал яқин Гитлерга.

Халқ ғазаби, албатта,

Киргизар уни ерга».

Дегани бувимларнинг

Эсимда ҳали-ҳали.

Шунданми, ерда ётган

Нонни кўрган маҳали,

Олиб, ўпиб, суртади

Сал ёшланган кўзига.

Бир нималар деб қўяр,

Сўзланиб ўз-ўзига.

Мана, шу кун келди-я,

Бувимиз айтган кунлар.

Дўконларда босилиб,

Ётипти қоп-қоп унлар.

Дастурхонни тўлдириб,

Туради хилма-хил нон.

Фақат, фақат, сиз қани,

Бувижоним, бувижон...

 

Султонмурод Ҳожибоев, Истаравшан шаҳри. 

КАЛЕНДАР

« Июл 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Санъатнинг сеҳрли кучи

 

Яқинда Озарбайжон Республикасининг пойтахти – Боку шаҳрида “Муғом олами” V халқаро мақом фестивал-танлови бўлиб ўтди. Бундан роппа-роса ўн йил муқаддам ЮНЕСКОнинг номоддий маданий мероси рўйхатига киритилган озар мақоми ихлосмандларини бир жойга жамлаган бу йилги фестивалда мумтоз қўшиқларнинг моҳир ижрочиси, юртдошимиз Сардор Солиев ҳам қатнашиб, фахрли иккинчи ўринни олишга муваффақ

Муфассал...

Баҳор фасли сайёҳлик учун мувофиқ айём

 

Ўлкамизда ҳукм сурган шиддатли ва сурункали ёмғирли кунлардан сўнг, ўтган ҳафта истироҳат кунлари ҳаво очилиб, сайру гашт учун қулай кунлар бўлди. Бу ёқимли ҳавода юртдошларимиз орасида ички сайёҳликка қизиққанлар сони ортганлигини кузатиш мумкин эди. Оила аъзоларимиз билан Ҳисор шаҳрининг сайёҳлик ва тарихий мавзеларига сафаримиз ниҳоятда кўнгилли кечди.

Саёҳатимизни Ҳисор шаҳрининг Шарора шаҳарчаси ҳудудидаги бозордан

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2142368

ӮҚУВЧИЛАР СОНИ

8381765
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2575
5015
11601
8349015
30334
99827
8381765

Сизнинг IPнгиз: 216.73.216.216
Бугун: 09-07-2025 16:55:49

ҲАМКОРЛАР

 

 

   

2015