Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 02 Август 2018 Кӯришлар: 1002
Печат

 

spitamen rayonСпитамен ноҳиясида Тожикистон мустақиллигининг 30 йиллиги санасигача камида 120та иншоот бунёд этилади. Жумладан, хизмат кўрсатиш, саломатлик марказлари ва уйлари, кутубхоналар, тикувчилик цехлари, ҳаммомлар, спорт майдончалари фойдаланишга топширилади.

Ноҳиядаги ҳар бир қишлоқ ва маҳаллада шонли санани муносиб кутиб олиш учун ишчи гуруҳлари ташкил этилган. Бу гуруҳлар олдига ҳар бир аҳоли

манзилини ободонлаштириш, аҳолига қулайликлар яратиш вазифалари қўйилган.

Яқинда ноҳия марказида мустақилликнинг 30 йиллигини муносиб кутиб олишга бағишланган йиғилиш бўлиб ўтди. Ноҳия раиси Акрам Сулаймонзода ишчи гуруҳлари ўз олдиларидаги вазифалар нақадар муҳимлигини англаган ҳолда фаолият юритишлари, бунёд этилажак ҳар бир иншоотнинг айни муддатида фойдаланишга топширилиши учун ҳар бир масъул раҳбарнинг мунтазам равишда қурилиш майдончаларида бўлиб, ишнинг бориши билан танишиб туришлари зарурлигини таъкидлади.

 

Гулистонлик саноатчилар ютуғи

Гулистон шаҳрида йилнинг биринчи ярмида 1,8 миллиард сомонийлик саноат маҳсулотлари ишлаб чиқарилди. Бу ўтган йилнинг шу даврига нисбатан 33,4 миллион сомоний ортиқдир.

Шаҳарда саноатни янада ривожлантириш учун тобора кўпроқ хорижий инвестициялар жалб этилмоқда. Шаҳар саноатига киритилган 254 миллион сомонийлик инвестициянинг 211,7 миллион сомонийси хорижий давлатлар чекига тўғри келади.

Ҳозир Гулистонда вилоят саноат маҳсулотларининг учдан биридан кўпроғи ишлаб чиқарилмоқда.

Саноатга эътиборнинг кучайиши шаҳарда ўртача иш ҳақининг ортишига олиб бормоқда. Ҳозирда ўртача ойлик иш ҳақи 1776 сомонийга етди. Бу вилоятдаги энг яхши кўрсаткич саналади.

 

Онахон ҳиммати

Аштлик Турсунбиби Одибоева ўзининг нафақа пулига Мулломир ва Қулихўжа қишлоқларини ноҳия маркази билан боғлайдиган кўприкни таъмирлаш ва қайта қуришга сарфлашга аҳд қилди.

Понғоз қишлоқ жамоатининг Бободархон қишлоғида яшайдиган 76 ёшли бу онахон 18 йил олдин нафақага чиққанди. Йиллар орасида онахон жамғарган нафақа пулининг чўғи анчагина кўпайган. Етти нафар фарзандини оқ ювиб-оқ тараб катта қилган онахоннинг фикрича, инсон фақат ўзи ё оиласинигина эмас, балки ҳамқишлоқлари, юртдошлари манфаатини ҳам ўйлаши зарур.

Онахоннинг ўғли Фируз Одибоевнинг айтишича, Турсунбиби опа ҳар гал кўприкдан ўтганда уни тузатиш ҳақида ўйлайверган. Чунки бир неча йил олдин сел келиши натижасида кўприк зарарланган эди. Ҳайдовчилар машиналарида кўприкдан ўтиб олгунча хавотирланишган. Бу хавотирликни онахон сезмай қолмаган ва нафақа пулини кўприкни тузатиш учун сарфлаш нияти қатъийлашаверган.

Шундай қилиб, онахон ҳиммати билан кўприкни қайта қуриш иши бошланиб кетди. Кўприкнинг узунлиги 13, эни деярли 5 метр. Уни қайта қуриш учун 22 минг сомонийга яқин маблағ зарурлиги ҳисоблаб чиқилган.

Онахоннинг ҳимматидан руҳланган кўприк қурувчилари ғайрат билан ишлашмоқда ва уни қисқа фурсатда фойдаланишга топширишмоқчи.

 

Келажак учун қайғуриш

Хўжанд шаҳрида соҳа мутахассислари ўтказган тадқиқотлар ва таҳлилларга кўра, чақалоқлар ўлимининг асосий сабаби уларнинг енгил вазнда туғилишларидир. Етарли оғирликда бўлмаган чақалоқлар эса, муддатидан олдин туғилиш билан боғлиқдир. Кейинги пайтларда, айнан, ана шундай туғилиш кўпаймоқда.

Хўжанд шаҳридаги 1-саломатлик марказида учрашувда айни шу ташвишли ҳолат ҳақида ҳам гап борди. Шунингдек, учрашув қатнашчилари она ва болалар ўлими олдини олиш, уйда кўз ёриш хатарини тушунтиришнинг нечоғлик зарурлиги ҳақида фикрлашишди. Мазкур учрашувда шифокорлар, фаол аёллар, қайнона ва келинлар қатнашишди.

Мулоқотда қатнашган Хўжанд шаҳар раиси ўринбосари Фируза Нуруллозода болаларнинг соғлом ўсмаслигига оилавий ажралишлар, қариндошлар орасидаги никоҳ, оиладаги зўравонликлар ҳам таъсир кўрсатаётганини мисоллар билан айтди. У она ва бола ўлими, чақалоқларнинг ногирон туғилаётгани ниҳоятда ташвишли эканлигини таъкидлади. Энди шифокорлар ташвишли воқеалар юз бераётган маҳаллаларда маҳалла қўмитаси раиси, аёллар кенгаши раиси, кўпни кўрган кишилар билан бирга уйма-уй юриб, оилаларнинг яшаш тарзи билан танишишмоқда.

Мулоқотда Тожикистон Халқ-демократик партиясининг Хўжанд шаҳар қўмитаси аёллар билан ишлаш бўлими мудири Зеварой Бобоева, Хўжанд шаҳар таваллудхонаси врачи Наргис Ҳасанова она ва бола ўлимининг олдини олиш, уйда туғилган боланинг қийналиб ўсиши каби муаммолар ҳақида фикр билдиришди.

 

Ўз мухбир.

КАЛЕНДАР

« Май 2022 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

БАХТОВАРНИНГ ЖАСОРАТИ

 

Ёхуд  жонфидо  аскарнинг  эзгу  амали  ҳақида

Инсон қаҳрамон бўлиб туғилмайди. Йиллар давомидаги дуруст тарбия уни қаҳрамон қилиб вояга етказади. Юрагида Ватанга, халққа, инсонга меҳру муҳаббати кучлилар қаҳрамонона амалларни содир этишга қодир бўладилар…

Бахтовар Азимов мустақил Тожикистонимизнинг ор-номусли йигитларидан бири эди. У ўз ихтиёри билан жорий йилнинг баҳорги чақириғи пайтида ҳарбий комиссариатга келди.

Муфассал...

Шерхон САЛИМЗОДА: - Наркотик контрабандалари йўналишлари ўзгармоқда

 

- Ўтган йили мамлакатимиз бўйлаб 62та жиноий гуруҳ фаолиятига чек қўйилди, - деди яқинда бўлиб ўтган матбуот конференциясида Тожикистон Республикаси Президенти қошидаги Наркотикларни назорат қилиш агентлиги бошлиғи Шерхон Салимзода. - Жумладан, 4та уюшган жиноий гуруҳ ошкор қилинди.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1359388

ӮҚУВЧИЛАР СОНИ

5295621
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2728
2760
14026
5259133
61828
103378
5295621

Сизнинг IPнгиз: 18.205.176.39
Бугун: 18-05-2022 20:57:56

ҲАМКОРЛАР

 

 

   

2015