Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 31 Декабр 2019 Кӯришлар: 349
Печат

 

v muhamedov 2019Чошгоҳга яқин эшик тақиллади. Ўғлим Шуҳрат эшикни очиб, келган киши билан самимий сўраша кетди. Мен зал ўртасидаги хонтахта ёнида ёнбошлаб, чой хўплаганимча телевизор томоша қилардим. Хона эшигидан "Ассалому алайкум, акажоним", дея Абдужаббор Мўминов кириб келди. Уй ёришиб кетгандай бўлди. Бир амаллаб, ўрнимдан турдим. Қучоқлашиб кўришдик, сўнг ўтириб фотиҳа қилдик, ҳол-аҳвол сўрашдик.

Дастурхон атрофида суҳбатимиз қизигандан-қизиган бўлди. Мавзу "Халқ овози"нинг 90 йиллиги устида борарди.

-Газетанинг ижодий жамоаси сайъ-ҳаракати билан шонли юбилейни муносиб нишонлаш учун кенг газетхонлар оммасини жалб қилиш айни муддао, - дедим. Ҳар сонини ўқиб бораман. Сизнинг таржималарингизни ҳам мириқиб ўқидим…

-Тушундим, - деди Абдужаббор, бугунги сонини ўқимадингизми? Менинг ҳам 90 йилликка оид хотираларим босилган.

-Раҳмат, укам! Савоб иш қилибсиз.

Абдужаббор мамнун илжаяркан, девордаги соатга қараб:

-Бир жойга боришим керак, менга жавоб берсангиз, узр-да. Яхши суҳбат узиладиган бўлди… Насиб этса, яна келаман, - деди.

Хайрлашдик. Орадан 15 дақиқа ўтар-ўтмас эшикдан Мамаражаб "Халқ овози"нинг олдинги сонини олиб келиб қолди. Мен газетани олиб, қатини очдим кўзим Абдужабборнинг суратига тушди. Юзимдаги табассумни кўриб Мамаражаб ҳам илжайди-да, деди:

-Устоз, газета ходимлари сизга салом айтдилар ва келгуси сонга бирор нарса ёзишингизни илтимос қилдилар. Қанча тез бўлса, шунча яхши. Мен: -Ҳаракат қилиб кўраман, - дедим.

Мамаражаб хайрлашар экан, ўғлимга қараб:

-Материал тайёр бўлса менга телефон қилсангиз, ўзим редакцияга олиб бориб бераман, - деди-да, чиқиб кетди.

Редакцияда салкам 47 йил қалам тебратган, шундан 36 йили масъул котиблик қилиб, қанчадан-қанча материалларни, ҳатто, отахон журналистлар қаламига мансуб мақола, очерк, лавҳаларни холис таҳрир қилган киши… муаммони ечиш керак.

Ўйлана-ўйлана эсладим. Йигирманчи аср бошларида биринчи космонавт Юрий Гагарин билан учрашув лаҳзаларини ихчамгина қоғозга тушириб, космонавтика кунига бағишланган сонга берган эдим. Мен буни космонавтика кунига арзигулик бошқа материал бўлмаганидан ёзган эдим. Душанба куни "летучка"да шу соннинг энг яхши материалидай сифатланди. Йиғилишда бўлим мудири Турғунбой Дадабоев ўрнидан туриб:

-Сафимизда шундай улуғ инсон борлигидан фахрлансак арзийди. Бу материални рағбатлантириш керак! - таклиф киритди. Мажлис аҳли бир овоздан маъқуллади. Бу ҳам етишмагандай "Куръер" газетасининг бош муҳаррири Муҳаммаджон иш кабинетимга кириб:

-Табриклайман, устоз, тарихда қоладиган мақолангизни ўқиб танамга сиғмай суюниб кетдим. Дунё торлик қилгандай ҳузурингизга югурдим. Шундай зўр фактни икки қоғозлик қамоққа қамабсиз-а! Юринг ошхонага. Мен сизни бир зиёфат билан сийлай.

-Жуда оширвордингиз-ов, - дедим жилмайиб.

-Ҳеч-да! Шу материални менга берганингизда газетанинг бир саҳифасини тўлдирардим.

-Кечирасиз-у, мен устозим Аширмат ака насиҳатини сира унутмайман. "Журналист сўзга мумсик - зиқна бўлиши керак, ёзувчидан фарқи ҳам шунда. Бир сўз билан ифодалаш мумкин бўлган нарсани резинкадай чўзишдан нима фойда".

Биз гап талашиб, ошхонага кириб қолгандик. Тоштемиров бурчакдаги бўш столни кўрсатиб, ўша томон одимлади. Мен беихтиёр унга эргашдим.

-Сиз шу ерда ўтира туринг, мен овқатни ўзим олиб келаман, - дея ошпазлар олдига бориб нималарнидир таъкидлаган бўлди ва кассага бориб пул тўлади. "Жумҳурият"нинг собиқ редактори Муҳаббатшоев келиб:

-Иштаҳаларга барака, - дея икки қўлларини елкамга қўйиб, устоз сизни чин юракдан табриклайман! Биринчи рақамли фазогир Гагарин билан бевосита мулоқот қилган тожикистонлик журналист эканингизни бугунги "Совет Тожикистони"да чиққан материалингиздан билиб олдик. Раҳмат сизга! Офарин! -деди.

***

1961 йил 12 апрел. Исмоилжон Муҳсинов, Муҳаммаджон Хўжаев ва мен Душанбе маданият ва истироҳат боғида овқатланиб ўтирардик. Истироҳат боғи марказий хиёбонига ўрнатилган устундаги узун радиокарнай баланд овозда: "Диққат! Диққат! Совет Иттифоқи граждани Юрий Алексеевич Гагарин "Восток" кемасида космосга чиқди! Ракета белгиланган режада Ер атрофида айланмоқда!" дея жар солди. Еяётган овқатни ҳам чала қолдириб, редакцияга югурдим. Иллюстрация бўлимига кириб, рассомимизга дарҳол скафалдаги космонавт қиёфасини плакат қилишини буюрдим-да, ўзим биринчи саҳифа устида кетадиган лавҳани ёзиб, цинкографияга жўнадимда, рассом ҳузурида турдим. Кўчаларда ҳамма радиокарнай остига тўпланиб ахборот тингларди. Космонавт ер куррасини айланиб ўтиб, эсон-омон ерга қўнганда «Ур-ра!» садолари оламни тутди…

Эртасига эрталаб газета киоскалари олдида навбат турнақатор эди. Марказий газеталарда Юрий Гагариннинг катта портрети босилган. Шуниси қизиқки, рассомимиз тахминан чизган плакатдаги фазогир асл нусхасига жуда ўхшар эди. Редакторимиз мени чақириб: Гагарин сурати қаердан олинганини сўради. Мен бўлган воқеа тафсилотини гапириб бердим. (Редактор Тожикистон Марказий комитетининг навбатдан ташқари пленумида иштирок этгани учун бу ишлардан бехабар эди.

1964 йили мен Саноат, транспорт ва қурилиш бўлимини бошқарар эдим. Бир куни Ҳамид Гадоевич чақириб қолди. Олдига кирсам диванни кўрсатиб, ўтиришга таклиф қилди ва ёнимга келиб ўтирди.

Уй-рўзғор, отам, бола-чақалардан ҳол сўради. Кейин: "Ҳозир Марказий комитетдан келяпман, олий партия мактаби журналистика бўлимига республикамизга битта ўрин берилган. Ўқиш муддати икки йил, стипендия шу ердаги маошинг миқдорида. Шунга сени тавсия қилмоқчиман. Нима дейсан? - деди.

-Иккита болам бор, отам қари, қийналиб қолишмасмикан? - дедим.

-Отанг билан ўзим гаплашаман, сен келинни кўндирсанг бўлди. Оилангга қўлимиздан келганича ёрдам бериб турамиз. Хавотир олма, келажакни ўйла, - деди редактор.

…Шундай қилиб, мен ўқишга кетдим. Ўқиш жуда қийин ҳам эмас, осон ҳам эмасди. Йирик олимлар, академиклар фалсафа, сиёсий иқтисод, партия темасида мароқли лекциялар ўқирдилар. Маданият ва маърифат, санъат ва адабиёт мавзусида етук мутахассислар таклиф қилинарди. Бундан ташқари атоқли олимлар, уруш ва меҳнат қаҳрамонлари, дипломатик корпус вакиллари, разведкачилар, космонавтлар билан учрашувлар ўтказиларди. Мени, айниқса, ана шу учрашувлар қизиқтирарди. Октябр охирлари ё ноябр ойининг бошларида космонавтлар билан учрашув бўлишини маълум қилишди. Менга жон кирди.

Учрашув куни белгиланганидан икки соат олдин бориб, Ленин аудиторияси иккинчи қатор ўртасидан жой олдим. Ҳадемай, зал одамларга лиқ тўлди. Учрашувга тингловчиларгина эмас, кафедра, деканат ходимлари, профессору академиклар келишган эди. Белгиланган вақтда зал минбари орқасидаги эшикдан ректоримиз бошлиқ Ю.Гагарин билан Г.Питов киришди. Ҳамма ўрнидан туриб гулдурос қарсаклар билан кутиб олди. Гагарин юзида енгил табассум, Питов эса ўзини сипоҳ тутарди. Улар ўз парвозлари тўғрисида қисқача тўхталиб ўтдилар. Сўнгра ректоримиз 20 минутлик танаффус эълон қилди. Танаффусдан кейин савол-жавоблар бўлиши айтилди. Ҳамма гурр этиб ўрнидан туриб эшикка ошиқди. Мен Гагарин ўтирган жойнинг рўпарасидан жой олган эканман. Кўз узмай тикилардим унга. Бир-икки марта кўзларимиз учрашди ҳам.

Космонавтлар ўзлари кирган орқа эшикдан чиқишар экан, Юрий Алексеевич орқасига қараб қўйди.

Мен шошилиб чиқдимда иккинчи қаватдаги "курилка"га кирдим. 10-15 киши папирос, сигарета тутатишарди. Эшикдан Юрий Алексеевич кириб келдида:

-Йигитлар ким мени чектиради, - деди кулимсираб, -Ректор кабинетида чекиш мумкин эмас экан, ёзув осиғлик, - деди тутатаётганларга олазарак қараб, ҳамма бирдан чўнтак кавлади. Мен эса, ҳали қутини чўнтакка солганим йўқ эди. Гагарин кулимсираганича қўлимдаги сигарет қутисини олди-да, "Шипка"ли жуда соз, мен Болгарияда бўлганимда Шипкани кўрганман, яхши жой, - деди ва бир дона сигаретни олиб, эзғилай бошлади. Шу ерда биринчи космонавт билан анча гурунг қилган эдик…

 

Восит МуҳамМедов,

«Халқ овози» газетасининг собиқ ходими, нафақахўр.

КАЛЕНДАР

« Октябр 2020 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ОСМОНЎПАР ТОҒЛАРИМИЗ - САЙЁҲЛИКНИ РИВОЖЛАНТИРИШ ОМИЛИ

 

Азиз Тожикистонимиз - жаннатмакон диёр. Зилол сувли дарёларимиз, осмонўпар тоғларимиз, ўлкамизнинг нотакрор табиий манзаралари жаҳон аҳли эътиборини тортаётганлиги - рост.

Фусункор баҳор фаслининг дастлабки кунларида узоқ Германиянинг Берлин шаҳридан келган яна бир хушхабар кўнгилларимизни шод айлади. Бу ерда ўтказилган "ITB BERLIN - 2019" - халқаро сайёҳлик кўргазмасида "2019 йил

Муфассал...

АНИҚ ФАНЛАРНИ ЎРГАНИШНИНГ ЙИГИРМА ЙИЛЛИГИ – ДОЛЗАРБ ТАШАББУС

 

Ҳар йили Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг мамлакат парламентига йўллаётган паёмларини интиқлик билан кутиб, жамоа ҳолда томоша қиламиз. Бу йил ҳам шундай бўлди – устоз ўқитувчилар ҳамроҳлигида Паёмни томоша қилдик. Президентимиз айтаётган ҳар сўз, ҳар бир нуқта халқ кўнглидан ўтган ва амалга ошишини истаб юрган орзу-истаклар эди, ростданам.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
887485

ӮҚУВЧИЛАР СОНИ

3530957
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
215
2487
7814
3495999
96161
97897
3530957

Сизнинг IPнгиз: 34.232.51.240
Бугун: 29-10-2020 01:55:30

ҲАМКОРЛАР

 

 

   

2015