Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 10 Май 2019 Кӯришлар: 85
Печат

 

lola 2019Тинчлик ва миллий бирлик асосчисиМиллат пешвоси, Тожикистон    Президенти   муҳтарам Эмомали Раҳмоннинг ободончилик ва бунёдкорлик ҳақидаги кўрсатмаларини ҳаётга татбиқ этиш, Тожикистон Республикаси давлат мустақиллигининг 30 йиллигини муносиб кутиб олиш тадбирлари доирасида мамлакатимизнинг барча гўшаларида «Лола сайли» тадбирлари ўтказилди. Айниқса, мамлакатимиз пойтахти – Душанбе шаҳри бу айёмда гулларга бурканди,

десак муболаға бўлмайди. Шаҳар раиси Рустами Эмомалининг бевосита саъй-ҳаракатлари натижасида, пойтахтнинг тўртта ноҳияси ҳудудларида ўтқазилган гул кўчатлари шаҳримиз чиройига чирой қўшди. Халқаро Наврўз байрами арафасида бошланган ободончилик ишлари самараси байрам кунлари, ундан сўнг  ҳам душанбеликлар ҳамда пойтахт меҳмонларига завқ-шавқ улашганлиги табиий.

- Душанбе шаҳри раиси муҳтарам Рустами Эмомалининг 2018 йил 1 ноябрдаги «2018 йилнинг кузи ва 2019 йилнинг баҳор мавсумида кўкаламзорлаштириш ишларини жонлантириш ҳақида»ги қарори ижроси доирасида пойтахт ҳудудида турли дарахт, мавсумий ва кўп йиллик гул кўчатлари ўтқазилди ва бу иш мунтазам давом этмоқда, - дейди Душанбе шаҳри раиси аппаратининг Ободонлаштириш ва кўкаламзорлаштириш бўлими бошлиғи Шерали Раҳмонов.

Бўлим бошлиғининг маълумотига кўра, ўтган йилнинг 1 ноябридан шу кунгача пойтахт ҳудудида 106 минг 240 туп дарахт ва бута ниҳоллари ўтқазилган. Жумладан, 38 минг тупдан ортиқ манзарали дарахтлар, мевали дарахтлар кўчати 5315 туп ва буталар кўчати 2525 тупни ташкил этади. Айниқса, мавсумий ва кўп йиллик гуллар кўчатини ўтқазиш ишларига алоҳида эътибор берилиб, бу даврда 4 миллион 30 минг 133 дона гул ўтқазилган. Жумладан, мавсумий гуллар 30 минг 133 дона ва 299 минг 498 дона кўп йиллик гуллар кўчат қилинган. Шунингдек, шаҳар кўчалари ва хиёбонларида 1 миллион 139 минг лола пиёзи ўтқазилиб, бугун улар очилган ва пойтахт ҳуснига ҳусн қўшмоқда.

Шуни ҳам алоҳида қайд этиш ўринлики, Душанбе шаҳри раиси қарори билан пойтахтда «Лола сайли» танлови эълон қилинганди. Яқинда Исмоил Сомоний ноҳияси ҳудудидаги С. Айний номидаги маданият ва истироҳат боғида мазкур танлов якунланди. Унда Тожикистон Республикаси Президенти Ижроия аппарати, вазирлик ва идоралар вакиллари, ижодий ва маърифат ташкилотлари, пойтахт фаоллари иштирок этишди.

Шаҳар маъмуриятидан журналистларга берилган маълумотга кўра, танлов ғолибларига Тожикистон Республикаси Президенти ҳузуридаги Маҳаллий ривожланиш комитети раиси Қосим Раҳбар ва Душанбе шаҳри раиси ўринбосари Мавсума Муинийлар мукофотларни топширишди.

«Лола сайли» танловида пойтахт ноҳиялари ўртасида биринчи ўрин давлат ҳокимияти Исмоил Сомоний ноҳияси ижроия органига насиб этди ва улар 1-даражали диплом билан тақдирланишди. Иккинчи ва учинчи ўрин ҳамда 2-3-даражали дипломлар давлат ҳокимияти Фирдавсий ноҳияси ижроия органи ҳамда давлат ҳокимияти Шоҳмансур ноҳияси ижроия органига топширилди.

Пойтахт маданият ва истироҳат боғлари ўртасида биринчиликни давлат ҳокимияти Душанбе шаҳри ижроия органининг «Иншоотларни сақлаш ва улардан фойдаланиш» давлат муассасасига насиб этди. Иккинчи ўрин Абулқосим Фирдавсий номидаги маданият ва истироҳат боғига, учинчи ўрин Тожикистон Республикаси Президенти меҳмонхоналар мажмуасининг «Тожикистон марказий ботаника боғи»га берилди.

Шунингдек, танловда иштирок этган бошқа ташкилот ва муассасалар ҳам тақдирланиб, танлов мусиқали намойиш билан якунланди.

- Мамлакатимиз Президентининг ташаббуси билан юртимизда йўлга қўйилган ободончилик ишларига таҳсин айтгингиз келади, - деди Душанбе шаҳри Давлат цирки биноси ҳовлисидаги лолазорни завқ-шавқ билан томоша қилаётган юртдошимиз Дониёр Қурбонов биз билан суҳбатда. – Оилам ва фарзандларим билан ҳар куни кечки пайт бу ерда саёҳат қиламиз. Душанбе шаҳри маъмурияти ташаббуси билан йўлга қўйилган «Лола сайли» танлови «2019-2021 йиллар – Сайёҳлик ва халқ ҳунармандчилигини ривожлантириш йиллари»га бағишлаб ўтказилаётган тадбирлар доирасидаги энг яхши амаллардан бири, деб ҳисоблайман. Зеро, шаҳримиз чиройига чирой қўшган гулзору лолазорлар, нафақат, пойтахтликлар, балки хорижий меҳмонларни ҳам ўзига жалб қилаётганлигига гувоҳ бўляпмиз. Майдонларда ўрнатилган замонавий ёритгичлар туфайли, ярим тунгача пойтахтликлар ва меҳмонлар сайр қилиш имкониятига эга бўлаётганлигига қувонмай бўлмайди.

Дарҳақиқат, пойтахтимизнинг қайси гўшасига борманг, бу ерда одамлар издиҳоми гуллардан завқ-шавқ олаётганлигини кузатасиз.

Бир сўз билан айтганда: «Лола сайли» пойтахтимизни гулларга, кўнгилларимизни қувончга буркади…

 

Искандар МАҲМАДАЛИЕВ,

«Халқ овози».

КАЛЕНДАР

« Сентябр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Икки пешво жасорати

 

Халқ донишмандлигида: “Икки шиддатли оқим туташган жойда улкан дарё ҳосил бўлади. Бу кўплаб инсонлар учун бахт-саодат келтириб, уларнинг имкониятларини рўёбга чиқариб, турмушларини фаровон, ҳаётларини чароғон қиладиган дарёдир”, - деган ҳикмат бор.

Бу том маъноси билан Ўзбекистон Республикаси Президенти Шавкат Мирзиёевнинг шу йил баҳор кунларида Тожикистон Республикасига қилган

Муфассал...

Паём ва ташқи сиёсат

 

Тинчлик ва миллий бирлик асосчисиМиллат пешвоси, Тожикистон Республикаси Президенти муҳтарам Эмомали Раҳмоннинг Тожикистон Республикаси Олий Мажлисига йўллаган навбатдаги Паёмида ташқи сиёсатнинг асосий йўналишларига алоҳида тўхталиб ўтилди. Миллат пешвоси жаҳон ҳамжамиятининг бугунги вазиятини ҳар томонлама таҳлил қилиб, республикамизнинг миллий манфаатларни татбиқ этиш асосида танлаган

Муфассал...

СТАТИСТИКА

Сайтга кирганлар
1
Мақолалар
798
Мақолаларни кӯрганлар сони
491219

ӮҚУВЧИЛАР СОНИ

2294278
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
595
1998
595
2279827
50248
51022
2294278

Сизнинг IPнгиз: 18.205.109.82
Бугун: 23-09-2019 07:30:13

ҲАМКОРЛАР

 

 

   

2015