Биз билан боғланинг:

   

Бизга қӯшилинглар

ХАБАРЛАР

НАСР

Муаллиф: Super user Категория: НАСР
Чоп этилган 22 Декабр 2016 Кӯришлар: 2423
Печат

 

kurgim kelarЁмғирли куй, беором оқшом,

Тун қадаҳин тутар юлдузга.

Қутлар бу кеч кекса ойни ғам,

Мен ҳам кетгим келади Сизга!

Олисдаги яқиним, негадир дилим безовта!

Мана, кунлар ботиб, тонглар отмоқда, ниманидир ташиб, ниманидир талашиб. Бу ҳаётда дилим умидсизлик ботқоғига ботмоқда. Негадир, ғам-ташвиш ҳаётга бўлган интилишимдан устун келмоқда. «Нима қилсам азоблардан, тушкун ҳолатдан қутуламан?»- дея ўз-ўзимга савол бераман. Бироқ жавобсиз сўроқлар… Албатта, ҳаёт бир текис эмас, унинг пасту баландликлари, ғамлари-ю, шодликлари бор. Ушбу синовларга бардош бериш учун бу кун менга сиздек сирдош, кўмакдош зарур эканлигини ич-ичимдан ҳис этдим, АЗИЗИМ!

Қайлардасиз, қалбим эгаси? Сизни зор-зор соғинаман. Ўйларнинг туманли пардаси ортидан сиз томонга термуламан. Сизни кўргим ва яна кўргим келади. Аммо сиз томонга элтгувчи сўқмоқлар мен учун берк. Энди менга МУҲАББАТ эртак, энди менга СИЗ ҳақдаги хаёллар эрмак…

 

Яқинсиз сиз менга жуда ҳам,

Осмондан олиссиз аслида.

Яшасам яшарман энди мен,

Кимингиздир бўлиш қасдида.

Мен сизни бахтим дердим, сизни бахтим деб шивирлаган ўшал дамлар, чиндан ҳам бахтли эканман. Сизни ҚУВОНЧИМ дердим, ўша қувонч юракнинг биринчи ва сўнгги кулгуси эканлигини, ушбу дам англадим, азизим!

Эҳ, қанийди, ортда қолган йилларимга қайта олсайдим. Қанийди, сиз томонга қанот қоқиб учиб боролсам эди. Йўқ! Учолмайман… Чунки, отам мажбурлаб ўшал қанотларимни қайирган. Сизни мендан, мени эса, сиздан айирган. Ўшанда, тақдир мендан юз ўгирган. Энди бўлса, отамнинг шаъни ва обрўси учун гулдек умрим кузнинг хазонларига асир тушган. Отам мени бахтли қиламан деб бахтсизлик ботқоғига итарди. Мендан сўрамасдан, шўрлик дилимни хўрлаб, ўзга бир йигитга турмушга берди. Мен ким бўлибманки, отамнинг гапини икки қилгани. Отамнинг фикрини ҳаттоки, ўз отаси, яъни бобом ҳам ўзгартира олмади. Мен ўша тун тонгга қадар ёстиғимнинг гулларига кўзларимнинг косасидан сув қуйиб чиқдим. Аммо на илож! Тақдирга тан беришдан ўзга чорам қолмаган эди…

Юрагим аламлардан ёниб, орзулардан аланга олиб, ўзим севмас йигит билан чимилдиққа кирдим. Етим қолган муҳаббатимни қон йиғлатиб ташлаб кетдим. Бу кун бўлса, ич-этимни армон кемиради. Ёрим ёнимда бўлса-да, худди ёлғиздек қийналаман. Ҳаётдан кўнглим совиб, умидсизликка тушганимни кўрган отам эса, қилган ишидан минг бор пушаймон, афсус чекади. Бироқ, кеч! Жуда ҳам кеч энди. Бундан сўнг умримнинг қолгани афсус ва надоматда ўтади. Энди севгим мени қарғаб қабрга солади. Чунки, мен севгимга хиёнат қилдим. Унга хиёнат қилгандан кўра, кўзларимга қум тўлса бўлмасмиди-я?!

Мен севги бобида телбаман, сабаби севган инсонимга етолмадим. Кўзларим кўр, аро йўлда қолиб кетдим. Бундай бахтсиз яшаш менинг тақдир битикларимга азалдан битилган бўлса керак.

Азизларим! Сизлардан ўтиниб сўрайман, умр савдосида ҳеч хато қилманг. Сизларга бахт тилаб қолувчи:

 

Ҳусниябону,

Ашт ноҳияси. 

КАЛЕНДАР

« Июл 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Баҳор фасли сайёҳлик учун мувофиқ айём

 

Ўлкамизда ҳукм сурган шиддатли ва сурункали ёмғирли кунлардан сўнг, ўтган ҳафта истироҳат кунлари ҳаво очилиб, сайру гашт учун қулай кунлар бўлди. Бу ёқимли ҳавода юртдошларимиз орасида ички сайёҳликка қизиққанлар сони ортганлигини кузатиш мумкин эди. Оила аъзоларимиз билан Ҳисор шаҳрининг сайёҳлик ва тарихий мавзеларига сафаримиз ниҳоятда кўнгилли кечди.

Саёҳатимизни Ҳисор шаҳрининг Шарора шаҳарчаси ҳудудидаги бозордан

Муфассал...

Файзали ИДИЕВ: - МАҚСАДИМИЗ – ҲУҚУҚИЙ САВОДХОНЛИКНИ ОШИРИШ

 

Тожикистон Республикаси Президенти ҳузуридаги Миллий қонунчилик марказининг ўтган 2017 йил якунига бағишланган матбуот конференциясини идорага яқинда тайинланган янги раҳбар Файзали Идиев очиқ, дея эълон қилар экан, йил давомида қўлга киритилган ютуқлар тўғрисида маълумот берди.

-Марказимиз қонунлар сифатини юксалтириш, меъёрий-ҳуқуқий ҳужжатлардаги қарама-қаршиликларга барҳам бериш ва улардаги бўшлиқни

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2146440

ӮҚУВЧИЛАР СОНИ

8402062
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
144
2601
4603
8370164
50631
99827
8402062

Сизнинг IPнгиз: 216.73.217.10
Бугун: 16-07-2025 01:06:18

ҲАМКОРЛАР

 

 

   

2015