Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 07 Сентябр 2018 Кӯришлар: 483
Печат

 

olimpiada 2018Индонезиянинг Жакарта ва Палембанг шаҳарлари мезбонлик қилган XVIII "Осиё ўйинлари-2018" мусобақалари ўз ниҳоясига етди.

Икки ҳафтадан кўпроқ вақт мобайнида қитъа спорт мухлислари диққатини ўзига жалб этган беллашувларда, албатта, кимнингдир ўз юрти спортчилари эришган ютуқлардан фахрланиб кўнгли кўтарилган бўлса, бошқа бир спорт мухлисининг ҳолатида бунинг аксини кузатиш мумкин.

Осиё ўйинлари мусобақаларида "сариқ қитъа"нинг 45 давлатидан 9704 нафар вакил спортнинг 42 тури бўйича чиқиш қилиб, ўз ватани шарафини ҳимоя қилди.

Беллашувларда 476та медаллар мажмуаси учун кураш борди. Ва бу борада хитойлик спортчиларнинг қўли баланд келди. Улар 132та олтин, 92та кумуш, 65та бронза, жами "Осиё ўйинлари"нинг 289та медалига эгалик қилишди.

"Кичик олимпиада"нинг 205та, яъни 75та олтин, 56та кумуш, 74та бронза медалларига эга чиққан японияликлар иккинчи ўринга мустаҳкам жойлашиб олишди.

Кучли учликка кирган Жанубий Корея намояндалари 50та олтин, 57та кумуш, 70 бронза медалига муносиб кўрилишди ва ўз жамғармаларини умумий 177та медал билан тўлдиришди.

Шунингдек, "Осиё ўйинлари-2018" турнири беллашувларида иштирок этган мамлакатлардан Индонезия, Ўзбекистон, Эрон Ислом Республикаси, Хитой Тайпэй, Ҳиндистон, Қозоғистон, Корея Халқ Демократик Республикаси жамоалари кучли ўнликдан жой олди.

Осиё ўйинлари мусобақаларида юқори кўрсаткичлар қаторида, янги рекордлар ҳам қайдга олинди.

Ўзбекистон Республикаси терма жамоаси аъзоси, оғир атлетикачи Руслан Нуриддинов 105 килограмм вазн тоифасидаги тош кўтарувчилар орасида Осиё ўйинлари турнирининг янги рекордини ўрнатди.

Қўшни давлат вакили, енгил атлетиканинг баландликка сакраш тури бўйича куч синаб кўрган Светлана Радзивил 2010 йилда ўрнатган рекордини янгилаш билан бирга, Осиё ўйинлари мусобақаларининг уч карра чемпионига айланиб олди.

Унинг жамоадоши, байдарка ва каноэда эшкак эшувчи Вадим Менков Осиё ўйинлари беллашувларида ғолиб чиқди ва мазкур турнирнинг тўрт карра чемпиони бўлган қитъанинг ягона спортчиси бўлиб қолди.

"Осиё ўйинлари-2018" мусобақаларининг рингларида чиқиш қилган жамоалар орасида Ўзбекистон термаси "ҳукмронлик" ўрнатди.

Ўзбек чарм қўлқоп усталари етти вазн тоифасининг бештасида олтин медалга соҳиблик қилишган бўлишса, Мўғулистон ва Ҳиндистон боксчилари атиги биттадан олтин медалига муносиб топилдилар.

Тожикистон делегацияси спортнинг енгил атлетика, байдарка ва каноэда эшкак эшиш, кураш, дзюдо, самбо турлари бўйича жами 7та: тўртта кумуш, учта бронза медалига эга бўлиб, ўттизинчи ўрин билан қаноатланди. Бу кўрсаткич XIV Осиё ўйинларида кўрсатилган натижадан паст саналиб, етти поғона қўйилаб кетди. Ўшанда, мамлакатимиз терма жамоаси 23-ўринни ишғол қилган эди.

Умуман, Осиё ўйинлари турнирида иштирок этган 45 давлат делегациясининг 37таси камида битта медалга эгалик қилди. Саккиз делегация эса, бирорта ҳам медал ололмади.

Навбатдаги XIX Осиё ўйинлари мусобақалари 2022 йилда ўтказилади.

Энди барча давлат спортчилари 2020 йилда Токиода ўтказиладиган ёзги олимпиада ўйинларига расман ҳозирлик кўришни бошлайдилар.

 

Абдуҳафиз МИРЗААҲМЕДОВ,

"Халқ овози"нинг спорт шарҳловчиси.

КАЛЕНДАР

« Феврал 2020 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29  

МАҚОЛАЛАР

Сўқир келинчак

 

Ёхуд хатога бой берилган умр

Таҳририят ходимлари билан биргаликда газетанинг кейинги сонини тайёрлашга киришдик. Хато ва камчиликлар бартараф этилиб, чоп этишга олиб кетилди. Ходимларимиз бирин-кетин уйларига йўл олишди. Иш вақти тугаб, идорада ёлғиз қолдим. Ишидан қайтаётган ўғлимни кутиб, тахланиб ётган қўл ёзмаларга кўз югуртириб ўтирардим.

Ташқарида чанг-тўзон кўтарилиб, шамол увиллай бошлади. Шом ўз

Муфассал...

РОҒУН – АСР ИНШООТИ, ҚУРУВЧИЛАРИ – ЗАМОНАМИЗ ҚАҲРАМОНЛАРИ

 

Юртимизда - баҳор. Баҳор - яшариш, янгиланиш фасли, бунёдкорлик ва ободончилик мавсуми, улкан мақсадларни рўёбга чиқариш учун белни маҳкам боғлайдиган палла. Олдинда эса, Наврўз шодиёналари. Ҳар гўшада - байрам, ҳар бир кишида байрамона кўтаринки кайфият.

Яқинда аср қурилиши, юртимизнинг улкан гидроэнергетик иншооти - Роғун ГЭСи қурувчиларига ана шундай баҳор нафаси,

Муфассал...

СТАТИСТИКА

Сайтга кирганлар
1
Мақолалар
840
Мақолаларни кӯрганлар сони
629701

ӮҚУВЧИЛАР СОНИ

2680779
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
783
2920
16564
2642513
61617
87258
2680779

Сизнинг IPнгиз: 18.232.125.29
Бугун: 23-02-2020 09:35:13

ҲАМКОРЛАР

 

 

   

2015