Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 16 Феврал 2017 Кӯришлар: 958
Печат

 

hosilot«Осиё футбол конфедерацияси кубоги-2017» турнирининг квалификацион босқичидан муваффақиятли ўтган Тожикистон вице-чемпиони, Фархор ноҳиясининг «Ҳосилот» клуби мусобақанинг плей-офф босқичига йўлланма олди.

Маълумки, тожик футболчилари икки ўйин натижасига кўра, Афғонистон чемпиони «Шоҳин Осмоий» жамоасини доғда қолдиришди.

Маҳмаджон Ҳабибуллоев шогирдлари плей-офф раундида Қирғизистон чемпионати кумуш медали соҳиби Бишкекнинг «Дордой» жамоасига қарши тўп суришади.

Қўшни давлат клуби ўтган босқичда Туркманистоннинг «Болқон» жамоаси устидан эришилган ғалабаси ҳисобига плей-офф босқичига чиқди.

Жамоалар ўртасидаги дастлабки учрашув 21 феврал куни Ўш шаҳрида, жавоб ўйини эса, 28 февралда Душанбеда ўтказилади.

-----------    Яккакураш    -----------

«ЧЕМПИОНЛАР ЖАНГИ» ҒОЛИБЛАРИ

Душанбе шаҳрида аралаш қоидали яккакураш бўйича «Чемпионлар жанги» туркумидаги халқаро турнир бўлиб ўтди.

Мазкур турнирда майдон эгалари тожикистонлик жангчилардан ташқари Афғонистон Ислом Республикаси, Ўзбекистон ва Қирғизистон давлатлари вакиллари ҳам ўз Ватанлари шарафини ҳимоя қилишди.

Қизғин курашлар асосида ўтган жангларда Муҳаммад Олимов, Жомий Латипов, Маҳмадуллои Искандар (Тожикистон), Ҳайдари Исмоил, Нусратулло Охунзода, Нисор Аҳмад (Афғонистон), Бакйит Туйчиев, Бекбулат Абдиш уули (Қирғизистон) ва Бобур Қурбонов (Ўзбекистон) сингари жангчилар ўз вазн тоифаларида ғолиб бўлишди.

Эслатиб ўтиш жоизки, илгари ҳам мамлакатимизнинг Душанбе ва Данғара шаҳарларида касбий бокс ва аралаш қоидали яккакураш бўйича халқаро мусобақалар ўтказилган эди. 

-----------    Спорт иншооти    -----------

СТАДИОН НОМИ ЎЗГАРТИРИЛАДИ

Халқаро Наврўз байрамининг Тожикистон миқёсидаги тантаналари Турсунзода шаҳрида нишонланиши муносабати билан «Металлург» стадиони таъмирланиб, қайта тикланмоқда.

Энди спорт иншооти башқача кўриниш касб этибгина қолмай, унинг номи ҳам ўзгариб, «ТАЛКО-Арена»га айланади.

Бу ҳақда «Тожикистон алюминий компанияси» касаба уюшмалари ташкилотидаги манба хабар тарқатди.

«Металлург» стадиони Тожикистон алюминий заводи қурувчилари томонидан бунёд этилиб, 1988 йилнинг 10 июнида фойдаланишга топширилган. Ўйингоҳ дастлаб 3050 ўринга мўлжалланган.

Тўққиз йил муқаддам, яъни 2008 йилда амалга оширилган қайта тиклаш  ишларидан сўнг, тўрт баравардан ортиқроққа кенгайиб, 13 минг 770 ўринга эга бўлган.

Стадионда, асосан, футбол бўйича юқори дивизион вакили Турсунзода шаҳрининг «Регар-ТадАЗ» жамоаси мезбон сифатида учрашув ва машғулотлар ўтказади.

 

======    Жаҳонда    ======

-----------    Хоккей    -----------

ШВЕЦИЯ ТЕРМАСИ – ЭНГ КУЧЛИ

Тўпли хоккей бўйича жаҳон чемпионати мусобақалари ўз ниҳоясига етди.

Швециянинг Сандвикен шаҳрида бўлиб ўтган мундиал ғолибини аниқлаш учун кечган учрашувда Россия ва майдон эгалари Швеция термалари беллашди.

Сурункасига тўрт йилдан буён жаҳон чемпионлигини қўлдан бермай келаётган россияликлар учрашув тугашига саноқли дақиқалар қолганида ҳам 3:1 ҳисобида олдинда бораётган эдилар.

Аммо шведлар қисқа фурсатда ўз ўйин тактикаларини ўзгартиришнинг уддасидан чиқишди ва рақиблари дарвозасига жавобсиз учта тўп киритишга муваффақ бўлдилар. 

Якуний ҳисоб - 4:3. Швеция термаси – жаҳон чемпиони.

Беш йилдан сўнг, швецияликларга яна олий унвон насиб этди.

-----------    Футбол    -----------

КАМЕРУН – АФРИКА ЧЕМПИОНИ

Камерун терма жамоаси футбол бўйича «Африка миллий кубоги-2017» турнири ғолиби бўлди.

Габон давлатида ташкиллаштирилган бу мусобақанинг финал босқичида камерунлик тўптепарлар Миср терма жамоаси билан ўзаро куч синашишди.

Учрашувнинг биринчи қисми ва иккинчи қисмнинг 15 дақиқаси мисрликлар устунлигида ўтди.

Киритилган ягона гол ҳисобига улар «Қора қитъа» чемпионлигига яқин туришганди.

Шундан сўнг, ўйин «жилови»ни ўз қўлларига олган камерунликлар рақиблари дарвозасини икки марта забт этиб, чемпионликни илиб кетишди.

Энди Камерун терма жамоаси жорий йилда Россияда ўтказиладиган «Конфедерациялар кубоги-2017» турнирида иштирок этади ва Германия, Чили ҳамда Австралия термалари билан бир гуруҳда майдонга тушади.

-----------    Шаҳмат    -----------

ХАЛҚАРО ТУРНИР ЯКУНЛАНДИ

Гибралтарда шаҳмат бўйича халқаро мусобақалар якунланиб, унинг совриндорлари аниқланди.

Ўтказилган ўн турдан сўнг, испаниялик Давид Антон Гихарро, америкалик Хикару Накамура, хитойлик Юй Янилар бир хил – 8 очкодан жамғаришди.

Ғолибни аниқлаш учун Накамура ва Яни ўртасида тўрт партия тай-брек учрашуви ўтказилди. Америкалик дона сурувчи 3:1 ҳисобида устунликка эришди.

Шундан кейин Накамура ҳамда Гихарро ўзаро икки партия тезкор шаҳматда дона суришишди. Бунда ҳам омад Накамурага кулиб боқди ва 2:0 ҳисоби қайд этилди.

Хикару Накамура – халқаро шаҳмат турнири ғолиби.

Аёллар ўртасида хитойлик Цзюй Вэниз энг яхши натижага эришиб, 7 очко жамғарди.

«Халқ овози»нинг спорт шарҳловчиси.

КАЛЕНДАР

« Октябр 2020 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Янги йил арчаси – қувончимиз омили. Хлопушкалар эса…

 

- Пойтахтимиз марказида ўрнатилган Янги йил арчаси, ҳақиқатдан ҳам, ҳашаматли ва гўзал бўлибди, - дейди Рўдакий ноҳияси, Фалакон қишлоғида яшовчи Даврон Ҳасанов. - Бундан ташқари, Душанбенинг тўртта ноҳиясида ҳам Янги йил арчалари безатилаётганлиги кўнгилларга қувонч улашади.

Дарҳақиқат, Душанбе шаҳри раиси Рустами Эмомалининг топшириғи билан пойтахт маркази - "Дўстий" майдонида ҳашаматли ва гўзал Янги йил арчаси

Муфассал...

Миллат пешвосининг Бохтар ноҳиясига иш сафари

 

16 август куни Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон бунёдкорлик ишлари билан танишиш, бир қатор ҳаётан муҳим иншоотларни фойдаланишга топшириш ва қишлоқ хўжалиги соҳаси билан танишиш мақсадида Хатлон вилоятининг Бохтар ноҳиясига ташриф буюрди.

Раҳбарият, фаоллар, маориф ва маданият арбоблари, ёшлар намояндалари

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
885271

ӮҚУВЧИЛАР СОНИ

3522481
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2888
2675
26482
3465263
87685
97897
3522481

Сизнинг IPнгиз: 18.207.102.38
Бугун: 25-10-2020 18:02:22

ҲАМКОРЛАР

 

 

   

2015