Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 06 Январ 2017 Кӯришлар: 1620
Печат

 

sh zulqaynarova Россия Федерациясининг Нижневартовск шаҳрида аёллар ўртасида Жаҳон кубоги туркумига кирувчи халқаро мусобақалар ўз ниҳоясига етди.

Турнирда дунёнинг 14 давлатидан 130 нафар боксчи ўзаро ғолиблик учун кураш олиб борди.

Мусобақаларда 64 килограмм вазн тоифасида рингга чиқиб, Ватанимиз

шарафини ҳимоя қилган Шоира Зулқайнарова Жаҳон кубогининг кумуш медалини қўлга киритди.

У саралаш босқичида хитойлик Лина Баодан устун келган бўлса, ярим финал жангида россиялик Елена Устиновани енгди. Ҳал қилувчи босқичда эса, ринг эгаси Ирина Сафаровага имкониятни бой бериб қўйди.

Эслатиб ўтамиз, Шоира Зулқайнарова ўтган 2015 йилда Хитойда ўтказилган аёллар ўртасидаги Осиё чемпионатининг бронза медали совриндори ҳамдир.

 

------------    Енгил атлетика    ------------

ДИЛШОД НАЗАРОВ – ЙИЛ СПОРТЧИСИ

Тожикистон спорт журналистлари ассоциацияси томонидан ўтказилган сўров натижаларига кўра, тожик енгил атлетикасининг лидери, босқон ирғитувчи Дилшод Назаров 2016 йилнинг энг яхши спортчиси, деб топилди.

Дилшод Назаров жорий йилда Бразилияда ўтказилган «Рио-2016» ёзги олимпиада ўйинларида босқонни 78,68 метрга улоқтириб, Тожикистон спорти тарихида биринчи маротаба олимпиада чемпиони унвонига сазовор бўлганди.

Шунингдек, сўров натижалари Тожикистоннинг энг кучли ўн нафар спортчисини ҳам аниқлаб берди. Улар қуйидагилар: Комроншо Устопириён (дзюдо), Анвар Юнусов (бокс), Ҳамро Ражабов (самбо), Моҳруҳ Ҳалимова (таэквонда ВТФ), Шаҳриёр Даминов (эшкак эшиш), Зуҳро Холова (кикбоксинг), Фаррух Амонатов (шаҳмат), Вера Семашко (алпинизм), Жаҳонгир Мажидов (ёшлар ўртасида дзюдо бўйича).

 

----------------    Футбол    ----------------

«ҲОСИЛОТ» НАЗОРАТ УЧРАШУВЛАРИ ЎТКАЗМОҚДА

Футбол бўйича олий лига жамоалари ўртасида ўтказилган мамлакат XXV чемпионати кумуш медали соҳиби - Фархор ноҳиясининг «Ҳосилот» клуби янги «Футбол-2017» мавсумига тайёргарлик доирасида назорат учрашувлари ўтказмоқда.

Маҳмаджон Ҳабибуллоев шогирдлари биринчи учрашувни пойтахтнинг ЦСКА «Памир» жамоаси билан ўтказишди ва жамоа синовида бўлган Шодибек Ғаффоров киритган ва армиячилар ҳимоячиси Фуруғ Қодировнинг ўз дарвозасига йўллаган автоголи эвазига 2:0 ҳисобида зафар қучишди.

Фархорликлар иккинчи учрашувда мамлакатнинг амалдаги чемпиони «Истиқлол»га қарши майдонга тушишди ва бу беллашув дуранг - 2:2 ҳисобида якун топди.

Шуни таъкидлаш ўринлики, «Ҳосилот» жамоаси «Осиё футбол конфедерацияси-2017» турнирида қатнашиш ҳуқуқига эга бўлиб, клуб курашни квалификацион раунддан бошлайди ва Афғонистон чемпиони «Шоҳин Асмаи» билан куч синашади. 

 

=======    Жаҳонда    =======

------------    Шаҳмат    ------------

ЯПОНИЯ ВА СИНГАПУР – АСОСИЙ ДАЪВОГАРЛАР

Шаҳмат бўйича 2018 йилда ташкиллаштирилиши назарда тутилган навбатдаги жаҳон чемпионати турнирига мезбонлик қилиш учун Осиёнинг икки давлати - Япония ва Сингапур асосий даъвогар бўлиб турибди.

Бу ҳақда, Халқаро шаҳмат федерацияси (FIDE) президенти Кирсан Илюмжинов журналистларга маълум қилди.

Америка Қўшма Штатларининг Ню-Йорк шаҳрида жаҳон шаҳмат тожи учун  ўтказилган (ноябр 2016 йил) мундиалда эса, амалдаги чемпион норвегиялик Магнус Карлсен ва чемпионликка даъвогар россиялик Сергей Карякинлар ўзаро дона суришган эди.

Қўшимча белгиланган партиялардан сўнг, 9:7 ҳисоби қайд этилиб, Магнус Карлсен ўз чемпионлик унвонини сақлаб қолишга муваффақ бўлганди. 

 

----------------    Бокс    ----------------

РОССИЯ ВАКИЛИНИНГ ЯНГИ КАМАРИ

Канаданинг Гатино шаҳрида касбий бокс кечаси бўлиб ўтди.

Унинг марказий жангида WBC NABA (Бутун жаҳон боксчилар кенгаши) йўналишининг чемпионлик камарига эгалик қилиш учун ярим оғир вазндаги «чарм қўлқоп усталари» россиялик, 31 ёшли Артур Бетербиев ва 30 ёшли Парагвай давлати намояндаси Исидро Приетолар рингга кўтарилишди.

Жанг бошидан устунликни ўз тарафига оғдириб олган россиялик спортчи илк уч дақиқаликдаёқ рақибини техник нокаут ҳолатига тушириб, муштлашувни муддатидан олдин тугатди ва янги WBC NABA чемпионлик камарини ўзиники қилиб олди.

Бу Артур Бетербиевнинг касбий рингда ўтказган ўн биринчи жанги бўлиб, боксчи уларнинг барчасини муддатидан илгари техник нокаутли ғалаба билан якунлаган.

 

----------------    Футбол    ----------------

«НАПОЛИ» - ДИЕГО МАРАДОНА МУЗОКАРАСИ

Италиянинг «Наполи» клуби маъмурияти жамоадаги менежерлик лавозими учун ўзининг собиқ тўптепари - аргентиналик афсонавий футболчи Диего Армандо Марадона билан музокара олиб бормоқда.

Диего Марадона етти (1984-1991) йил давомида «Наполи» жамоаси сафида тўп суриб, икки маротаба Италия чемпиони, бир марта УЕФА (Европа футбол ассоциациялари бошқармаси) кубогининг бош совриндори бўлган.

У клуб таркибида 188та расмий ўйинда майдонга тушиб, рақиблар дарвозасини 81 марта аниқ нишонга олган.

 

«Халқ овози»нинг спорт шарҳловчиси.

КАЛЕНДАР

« Июн 2023 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

МАҚОЛАЛАР

АЗМУ ИРОДА, ЭЗГУ ОРЗУ-НИЯТЛАР ИФОДАСИ

 

Тожикистон Республикаси Президенти муҳтарам Эмомали Раҳмон ва Ўзбекистон Республикаси Президенти муҳтарам Шавкат Мирзиёевларнинг шу йилнинг 17 августида ўзаро мулоқот ва учрашувлари сўнггида имзоланган дўстлик ва яхши қўшничиликни мустаҳкамлаш, стратегик шерикчилик тўғрисидаги Қўшма баёнот икки мамлакат учун ҳам ғоят муҳим аҳамият кашф этган тарихий ҳужжат бўлди. Халқларимизнинг азму иродаси, эзгу орзу ва

Муфассал...

РАМАЗОН Раҳимзода - ТОЖИКИСТОН ИЧКИ ИШЛАР ВАЗИРИ, МИЛИЦИЯ ГЕНЕРАЛ-ПОЛКОВНИГИ: «МИЛИЦИЯ ОРГАНЛАРИДА ИСЛОҲОТЛАР ДАВОМ ЭТАДИ»

 

Ички ишлар вазирлигида бўлиб ўтган матбуот анжумани, хусусан, вазир ташаббуси билан янгича услубда бўлиб ўтди. Видео пресс-конференцияда Хатлон, Суғд, Тоғли Бадахшон, Рашт минтақаси журналистлари ҳам бевосита иштирок этишди ва ўзларини қизиқтирган саволларга муфассал жавоблар олишди. Тожикистон Республикаси Ички ишлар вазири, милиция генерал- полковниги Рамазон Раҳимзоданинг бу ташаббусини бошқа вазирлик ва идоралар ҳам қўлласа

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1730747

ӮҚУВЧИЛАР СОНИ

6615354
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2676
4574
15968
6569564
2676
118086
6615354

Сизнинг IPнгиз: 44.192.79.149
Бугун: 01-06-2023 13:02:37

ҲАМКОРЛАР

 

 

   

2015