17 март, куннинг иккинчи ярмида мамлакат Президенти Эмомали Раҳмон тамал тошини қўйиш, келгуси авлод учун капсула жойлаштириш билан Тожикистон Миллий театри қурилишини бошлаб берди. Бу иншоот мамлакат Миллий музейи ва Миллий байроқ боғи ёнида қурилади.

Мамлакат Миллий театри биноси иккита ер ости ва бешта ер усти қаватларига эга бўлиб, унинг баландлиги 34,5 метрни ташкил қилиши таъкидланди.  

Лойиҳага мувофиқ, театр биносидан 3 та катта зал, кўп сонли заллар ва бошқа хоналар ўрин олади. Театр асосий зали 2500 томошабин ўрни, бошқа иккита зали эса 1200 ва 1000 ўринга эга бўлади. Асосий зал баландлиги 16-18 метрни, узунлиги ва кенглиги 30х21,6 метрни ташкил қилади. Асосий залда, шунингдек,  оркестр ўтириш жойи,  2 та ён томондаги саҳна, орқа саҳна, машғулотлар зали ҳамда жаҳон даражасидаги бошқа керакли шароитлар бўлади.

Юқори қаватлардан кўргазма ва бадиий заллар ҳамда машғулотлар биноси, бадиий устахона ва бошқа хоналар жой олади.

Ер ости қаватларидан 250 машина учун машиналар тўхташ жойи, кўп сонли техник ва ёрдамчи хоналар ўрин олади.

Театр биноси иситиш, шамоллатиш, ҳавони тозалаш тизими ва бошқа керакли тармоқлар билан жиҳозлантирилади.

Таъкидлаш жоизки, Тожикистон Миллий театри лойиҳаси беш йил давомида дунёнинг энг яхши театрлари дизайн ва режалаштириш лойиҳаларини ўрганиш асосида ишлаб чиқилган.  Бу театр келажакда барча замонавий стандартларга жавоб беради.

Мутахассисларнинг таъкидлашларича, ушбу театр бутун Марказий Осиё бўйлаб энг гўзал ва йирик театрлардан бирига айланади.

«Ховар» ТМАА.