Пекин шаҳрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон иштирокида Тожикистон Республикаси Ҳукумати ва Хитой Халқ Республикаси Экспорт-импорт банки ўртасида республика бўйсунишидаги ноҳиялар 500 киловолтли электр узатиш линиялари лойиҳаси амалга татбиқ этилиши учун 79 миллион Америка доллари ҳажмида имтиёзли кредит

ажратиш тўғрисида кредит келишувини имзолаш маросими бўлиб ўтди.

Келишувни Тожикистон Республикасидан Молия вазири Абдусалом Қурбониён ва Хитой Халқ Республикасидан ушбу давлатнинг Экспорт-импорт банки вице-президенти Сун Пинглар имзолашди.

Шунингдек, Тожикистон Республикаси Президентининг Хитой Халқ Республикасига давлат ташрифи доирасида Пекин шаҳрида Тожикистон ва Хитой компаниялари ўртасида ҳамкорлик тўғрисида қуйидаги икки томонлама келишувлар ҳам имзоланди:

- Тожикистон Республикасининг Шириншо Шотемур номли Аграр университети ҳамда Хитой Халқ Республикасининг Қишлоқ хўжалиги академияси Илмий-тадқиқот институти ўртасида илм ва техника соҳасидаги ҳамкорликлар тўғрисида келишув;

- Тожикистон Республикасининг Шириншо Шотемур номли Аграр университети ҳамда Хитой Халқ Республикасининг Қишлоқ хўжалиги академияси ўртасида меморандум;

- Тожикистон Республикаси Фанлар академияси ва Хитой Халқ Республикасининг Миллий атом корпорацияси ўртасида атом технологияларидан тинчлик мақсадларида фойдаланиш соҳасидаги ҳамкорликлар тўғрисида меморандум;

- Тожикистон Республикаси Фанлар академияси ва Хитой Халқ Республикасининг Авиацион тараққиёт халқаро корпорацияси ўртасида турли мақсадлардаги учувчисиз ҳаво тизимларини ишлаб чиқишни ривожлантириш соҳасидаги ҳамкорликлар тўғрисида меморандум;

- «Ғаюр Саноат» компанияси ва «Синхуа Тиен Чен» МЧЖ ўртасида ҳамкорлик тўғрисида меморандум;

- «Ғаюр» компанияси ва «Жинно гласс серамик групп» МЧЖ ўртасида ҳамкорликлар тўғрисида меморандум;

- Тожикистон Республикасининг «ТАЛКО» компанияси ва «Юнан» компанияси ўртасида ҳамкорлик тўғрисида меморандум;

- «ТАЛКО» компанияси ва Хитойнинг йўллар ва кўприклар қурилиши бўйича компанияси («Чайна Роуд энд Бриж Корпорейшн») ўртасида ҳамкорлик тўғрисида меорандум;

- «ТАЛКО» компанияси ва «Женерал Найс Инвестмент» сармоявий компанияси ўртасида ҳамкорлик тўғрисида меморандум.