Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 29 Август 2019 Кӯришлар: 413
Печат

 

lager 2019Давлат ҳокимияти Темурмалик ноҳияси маориф ва илм бўлими масъуллари ноҳия ўрта умумтаълим муассасалари ўқувчиларининг ёзги таътилини мазмунли ўтказиш мақсадида талайгина ишларни амалга оширишди. Бу йўналишда мактаблар қошида таътил жараёнида ташкил этилган ёзги мавсумий лагерлардан ташқари, ўқувчиларнинг мамлакатимизнинг сайёҳларбоп мавзеларига сафарини уюштиришда ҳам мутасаддилар саъй-ҳаракат қилишди.

Айниқса, Тожикистон Республикаси Ҳукуматининг 2019 йил 1 мартда қабул қилинган 103-қарори, яъни ўқувчиларнинг ёзги дам олиш мавсумини самарали ташкил этишга қаратилган қарорини ҳаётга татбиқ этишда, нафақат, маориф ва илм бўлими масъуллари, балки ўрта умумтаълим муассасалари раҳбарлари ва ўқитувчилари ҳам четда туришмади.

Ноҳиянинг Лақай Қармишев номли қишлоқ жамоати ҳудудидаги Нурафшон қишлоғида жойлашган 21-ўрта умумтаълим муассасаси маъмурияти ва ўқитувчилар жамоаси ҳам ўқувчиларнинг ёзги таътиллари мазмунли кечишини ташкил қила олдилар, десак тўғри бўлади.

Мактаб директори Амонулло Ражабов бошчилигидаги педагогик жамоа таътилнинг дастлабки кунлариданоқ билим даргоҳи қошида бошланғич синфлар ўқувчилари учун мавсумий лагер ташкил этишда фидойилик кўрсатишди. Ҳар куни 1-4-синф ўқувчилари бу лагерда ғамхўрлик билан қамраб олинди. Бу давр мобайнида ўқувчиларга қўшимча машғулотлар, спорт ўйинлари, турли мусобақалар, танловлар ташкил этилди. Муассаса касаба уюшмаси раиси Некрўз Қаюмов ўқувчиларнинг таътили мазмунли ўтиши учун касаба уюшмаси ҳисобидан турли тадбирларни ташкил этишда бош-қош бўлди.

- Мактабимиз директори ўринбосари Меҳрож Умаров, бошланғич синфлар ўқитувчилари Ражабгул Холмуродова, Саидмўмин Эмомов, Маҳбуба Имомова, Сорбон Сангиновлар ёзги таътил даврида ўқувчиларнинг ҳордиқларини мазмунли ўтказиш учун қўшимча машғулотлар, китобхонлик дарслари, қизиқарли ўйинлар, мусиқа ва санъат дарслари ҳамда рассомчилик тўгаракларини қизиқарли тарзда ўтказганликлари ўқувчилар ҳамда ота-оналарга манзур бўлди, - дейди 21-ўрта умумтаълим муассасаси директори А. Ражабов. - Бир сўз билан айтганда, мактабимиз ўқитувчилар жамоаси мамлакатимиз Ҳукуматининг талабалар ёзги дам олиш мавсумини самарали ташкил этишга қаратилган қарорини ҳаётга татбиқ этишда бошқа билим даргоҳларига намуна бўлди, десак муболаға бўлмайди.

- Ўтган йили йўлланма билан ёзги таътил пайтида мамлакатимизнинг хушманзара мавзеси - Варзоб дарасида жойлашган талабалар лагерида бўлдим, - дейди биз билан суҳбатда 9-синф ўқувчиси Улуғбек Турсунов. - Лагер ҳамма томонлама менга маъқул келди. Айниқса, у ерда мамлакатимизнинг турли гўшаларидан бўлган янги дўстлар орттирганим кўнгилдагидек иш бўлди. Ёвонлик Азиз, душанбелик Умар, фархорлик Сирожиддин, кўлоблик Муҳаммаджонлар билан телефон ва ижтимоий тармоқлар орқали муттасил боғланиб турамиз. Улар менга ўз мактабларидаги янгиликларни улашишади, мен ҳам қишлоғимиз ҳамда жонажон мактабимиздаги ўзгаришлар билан ўртоқлашаман. Бир сўз билан айтганда, дўстларим туфайли менинг мамлакатимиз ҳақидаги таассуротларим янада бойимоқда.

Ҳақиқатдан ҳам, Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон ташаббуси билан 2019-2021 йиллар - Қишлоқлар, сайёҳлик ва халқ ҳунармандчилигини ривожлантириш йиллари, деб эълон қилинган бир пайтда ёшларнинг мамлакатимиз сайёҳларбоп масканлари, тарихий жойлари билан танишишлари жуда муҳимдир. Бу йўналишда эса, таътил пайти жуда мувофиқ даврдир.

- Лагерда бизга тўрт маҳал овқат беришларидан ташқари, у ерда жуда қизиқарли тадбирлар уюштириларди, - дейди суҳбатини давом эттириб У. Турсунов. - Менга, айниқса, китобхонлик машғулоти маъқул эди. Бундан ташқари, футбол, волейбол, теннис каби спорт ўйинлари пайтида маҳоратимизни намойиш эта олардик. Бир нарсадан жуда хурсандман: мамлакатимиз Президенти муҳтарам Эмомали Раҳмоннинг биз - ёшларга кўрсатаётган ғамхўрликларидан бошимиз осмонга етади. Давлатимиз сарварининг бу ғамхўрликларига жавобан яхши ўқиб, келажакда мустақил Тожикистонимиз равнақига ўз улушимизни қўшиш бурчимиз эканлигини тенгдошларимиз ҳис этишларини истардим. Лагердан қайтгач, таассуротларимни синфдошларим, шунингдек, отам - мактабимиз химия-биология фанлари ўқитувчиси Нажмиддин Турсунов, онам - Гулсара Абдуллоева, акаларим - Азамат, Фахриддин, Жонибек, синглим - Шоира, укам Афзалшоларга сўзлаб берганимда, улар жуда хурсанд бўлишди.

Ҳа, ўқувчиларнинг ёзги таътилини мазмунли ўтказиш - уларнинг ўқишларига ижобий таъсир этиши турган гап. Қолаверса, ёшларимиз - келажагимиз бунёдкорлари. Уларнинг тақдирига бефарқ бўлмаслик, биз - катталарнинг кечиктирилмас вазифаларимиз сирасига киради…

Айни пайтда биз - Темурмалик ноҳиясидаги 21-ўрта умумтаълим муассасаси ўқитувчилар жамоаси кўтаринки руҳ билан янги ўқув йилини бошлашга тайёрмиз.

 

Ойша КЎГАНОВА,

Темурмалик ноҳияси, Лақай Қармишев номли қишлоқ жамоати, Нурафшон қишлоғи,

21-ўрта умумтаълим муассасаси ўқитувчиси.

КАЛЕНДАР

« Август 2020 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

Йўллар қурилиши – ободлик омили

 

Тожикистон Президенти муҳтарам Эмомали Раҳмоннинг Тожикистон Республикаси Олий Мажлисига Паём юбориши 17 йилдирки, анъанага айланди. Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг навбатдаги Паёми ҳам ўз мазмун-мундарижаси билан ўтган 2017 йил таҳлили ва жорий 2018 йил режаларини белгилаб берди.

Тожикистон Ҳукумати мустақиллик йилларининг дастлабки давриданоқ

Муфассал...

Бахт кимники?

 

“Мен бундан йигирма йил бурун бир марта ўлган эдим. Ўшанда суянч тоғи деб билганим, севиб турмуш қурганим – умр йўлдошим тили заҳар онасига аччиқ қилиб, болаларим ва ота-онаси олдида мени тепкилаганди. Иккинчи марта эрим хиёнат қилганида ўлгандим... Бугун учинчи марта ўлдим. Ҳаётимда не кунлар бўлмасин, “Бегим”, деб ардоқлаганим худбин укасининг дастидан келинларим, набираларим олдида ҳақоратлади...

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
817540

ӮҚУВЧИЛАР СОНИ

3269792
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3208
3611
16045
3219967
60026
138308
3269792

Сизнинг IPнгиз: 54.160.19.155
Бугун: 13-08-2020 20:12:25

ҲАМКОРЛАР

 

 

   

2015