Биз билан боғланинг:

   

Бизга қӯшилинглар

ХАБАРЛАР

ИЛМ

Муаллиф: Super user Категория: ИЛМ
Чоп этилган 27 Июл 2018 Кӯришлар: 254
Печат

 

kitob 2018- Мен «Халқ овози» газетасининг ҳар бир сонини йиғиб, боғлаб қўйганман, - дейди биз билан суҳбатда газетамизнинг ашаддий муштарийси вахшлик Намозали Тўхтаров. – Қишлоғимиздагилар менда газетанинг барча сонлари борлигини билишади. Кўпинча ёш ўғил-қизлар мендан сўраб олиб, мутолаа қилишади.

Хатлонлик фахрий ўқитувчи, Тожикистон маорифи аълочиси,

маърифатпарвар инсон Намозали Тўхтаров бугунги ёшлар ҳақида жўяли гапларни айтди.

- Замонавий технология мислсиз равишда тараққий этган давримизда, ёшларимизни китоб ўқиш, газета-журналлар мутолаасига жалб қилиш муҳим вазифа ҳисобланади, - дейди фахрий ўқитувчи. – Бугун интернет тармоғига телефонини уламаган ёшларни топиш амри маҳол. Улар ўша чексиз маълумотлар манбаидан ўз хоҳишларига кўра фойдалана олишлари ҳам инсониятнинг чексиз тараққиёт сари юз бурганлигининг нишонаси. Аммо глобал тармоқдаги айрим маълумотлар қуруқ, мазмунсиз ва унда таълим-тарбиянинг нишони ҳам йўқ. У фақат маълумот, холос. Китобдан олинган билим эса, ҳамиша тарбиявий аҳамияти билан муҳим ҳисобланган.

Ҳақиқатдан ҳам, тажрибали ўқитувчининг куюнганича бор. Бугунги ёшларга чексиз имкониятлар берилган. Интернет орқали маълумот олиш уларнинг, нафақат, вақтини тежабгина қолмай, балки дунёқарашларини кенгайтириш, жаҳоннинг турли бурчагида бўлаётган воқеа-ҳодисалардан зудлик билан огоҳ бўлиш имконини беради.

- Олийгоҳда таҳсил олган пайтларимиз А. Фирдавсий номли кутубхона адабиётларидан фойдаланардик, - дейди республикамизда таниқли хонанда Чиллахон Холов. – Баъзан керакли адабиётни олиш учун икки-уч кун навбат пойлаган пайтларимиз ҳам бўлган. Бугунги ёшларга ҳавас қиламан. Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг саъй-ҳаракатлари билан пойтахтимиз марказида замонавий Миллий кутубхона қурилди ва бу муассаса самарали фаолият юритмоқда. Бу маърифат даргоҳидаги шароит ва имкониятларни кўриб, истиқлолиятимиз, юртимиздаги фаровонлик, осойишталикка бот-бот шукрона келтирасан.

Алоҳида ўқув заллари, бой китоблар хазинаси, замонавий электрон китоблардан фойдаланиш учун ўрнатилган компютерларни кузатиб, ёшларимизнинг ўқиб-ўрганишлари учун жуда кенг қулайликлар яратилганлигининг гувоҳи бўласан. Олийгоҳда тўрт-беш йиллик таҳсили давомида кутубхона остонасига қадами етмаган талабалар ҳам борлиги барчамиздан ёшлар таълим-тарбиясига жиддий эътибор қаратишимизни тақозо этади. Шу ўринда, Давлатимиз бошлиғи муҳтарам Эмомали Раҳмон ташаббуси билан қабул қилинган ва ҳаётга татбиқ этилаётган «Фарзанд таълим-тарбиясида ота-она масъулияти тўғрисида»ги Тожикистон Республикаси қонунининг аҳамияти янада ортади.

- Ўтган 2017 йилда республикамиз судларида «Фарзанд таълим-тарбиясида ота-она масъулияти тўғрисида»ги Тожикистон Республикаси қонуни талаблари бузилганлигига доир 17136та маъмурий ҳуқуқбузарлик ишлари кўриб чиқилди, - деганди йил якунига бағишланган матбуот конференциясида Тожикистон Республикаси Олий суди раиси Шермуҳаммад Шоҳиён. – Натижада, 5028 кишига нисбатан огоҳлантириш берилиб, 10629 нафар эса, маъмурий жаримага тортилди.

Юқорида келтирилган рақамлар шунчаки кўрсаткич эмас, балки унинг ортида инсонлар, айниқса, ёшлар тақдири турибди. Шунинг учун ҳам, келажагимиз бунёдкорлари бўлган ёшларимизнинг тақдирига бефарқ бўлмай, уларни тўғри йўлга бошлаш ҳар биримизнинг инсоний бурчимиз эканлигини унутмайлик. Китоб ўқиш, маърифат муассасаларига бориш, газета ва журналлар мутолааси, шубҳасиз, ёшларнинг маънавий оламини бойитади. Бу ўринда катталар уларга ўрнак кўрсатмоқлиги давр тақозосига айланиб бормоқда.

Албатта, замонавий техника ва технологияни ўрганиш, замон билан ҳамқадам бўлиш – жуда ҳам муҳим. Бусиз бўлмайди ҳам. Зеро, бугун дунё илмидан хабардор бўлиш учун худди ана шу воситалар қўл келади. Лекин шу билан бирга, ёшларимизда миллий қадриятларимиз, ота-боболаримиз суннатларига эҳтиром ҳиссини уйғотишимиз лозим. Шундагина ҳар бир ёшнинг юрагида ватанпарварлик ҳисси жўш уради.

Ўсиб келаётган авлодга оила ва оиладорлик маърифатини сингдириш ҳам ота-оналарнинг бурчи. Бу йўналишда етарлича маълумотга эга бўлмаган ёшларнинг шошқалоқлик билан никоҳдан ўтишлари, уларнинг оила юритишга тайёр эмасликлари ҳар йили мамлакатимизда 10 мингга яқин оиланинг бузилишига олиб келаётганлиги ҳам аянчли ҳолатдир.

Фахрий ўқитувчи Намозали Тўхтаров таъкидлаганидек, китобнинг ўрни бошқа ва ҳеч қачон интернет унинг ўрнини боса олмайди…

 

Искандар МАҲМАДАЛИЕВ,

«Халқ овози».

КАЛЕНДАР

« Феврал 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

МАҚОЛАЛАР

Конспиратор

 

Кўзларимиз нимқоронғиликка кўниккандан кейин ҳужра ичкарисида озғиндан келган кампирнинг миқтигина жуссаси кўринди. Унинг қорачадан келган ориқ юзларидаги ажинлар бўртиб чиққанди. У муштдеккина, хотиржам, бамисоли сояга ўхшаб кетарди. Агар унинг бошида кўпчилик кекса лақай аёллари бошига олиб юрадиган минорага ўхшаш дўмпайган бош кийими бўлмаганда, биз уни пайқамаган бўлардик.

Муфассал...

Миллий либослар

 

Ёки уларнинг чўнтак кўтармас нархлари хусусида

Шаҳар кўчасида бир қиз кетаяпти. Эгнида атлас кўйлак, узун сочлари майда ўрилган. Кичкина дуррани яраштириб ўраган. Ўтган-кетганнинг кўзи унга тушади. Бири унга ҳавас билан боқса, бошқа бири: "Либосларининг ярашганини қаранг-а",- дейиши турган гап. Ҳа, мамлакатимиз хотин-қизларининг миллий либослари ўзининг ранг-баранглиги, жилоси, кўзни қувонтириши билан ажралиб туради. Миллий либослар аёллар кўрки эканлиги бежизга таъкидланмайди.

Муфассал...

СТАТИСТИКА

Сайтга кирганлар
1
Мақолалар
689
Мақолаларни кӯрганлар сони
366205

ӮҚУВЧИЛАР СОНИ

1937593
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
612
2217
11712
1910548
32828
73014
1937593

Сизнинг IPнгиз: 3.80.38.5
Бугун: 16-02-2019 05:51:39

ҲАМКОРЛАР

 

 

   

2015