Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 15 Ноябр 2018 Кӯришлар: 812
Печат

 

kurash 2018Руминия Республикасининг пойтахти Бухарест шаҳрида курашнинг юнон-рум тури бўйича жаҳон чемпионати мусобақалари бўлиб ўтмоқда.

Ушбу нуфузли турнирда 82 килограмм вазн тоифасида чиқиш қиладиган Суҳроб Абдулҳаев Тожикистон шарафини ҳимоя қилмоқда.

Мутахассислар яхши натижалар кўрастишига умид билдирган Суҳроб

Абдулҳаев мундиалга тайёргарлик ўқув-машғулотларини Россия Федерациясининг Краснодар шаҳрида ўтказган.

Мундиал 18 ноябргача давом этади.

------------   Футбол   ------------

ГУРУҲ БОСҚИЧИГА ҚУРЪА ТАШЛАНДИ

Ёшлар ўртасида (U-23) 2020 йилда ўтказиладиган Осиё чемпионати турнирнинг Ғарбий минтақаси иштирокчи жамоалари учун саралаш гуруҳ босқичига қуръа ташланди.

Тожикистон ёшлар терма жамоаси "Ғ" гуруҳида Ўзбекистон, Покистон ва Ҳиндистон термаларига рақиблик қилади.

Ташланган қуръа натижаларига кўра, Мубин Эргашев шогирдлари келгуси йилнинг 22, 24, 26 март кунлари Ҳиндистон, Покистон ва Ўзбекистон вакилларига қарши майдонга тушишади.

Қитъа чемпионатида ғолиб чиққан учта жамоага 2020 йилда Японияда ўтказиладиган ёзги олимпиада ўйинларида қатнашиш ҳуқуқи берилади.

 

"ИСТИҚЛОЛ" - ТОЖИК ФУТБОЛИДА ТЕНГСИЗ

Тожикистон футбол лигасининг юқори дивизион жамоалари ўртасидаги мамлакат XXVII чемпионати мусобақалари ўз ниҳоясига етди.

Уч давра давом этган беллашувлар натижасига кўра, амалдаги Тожикистон чемпиони, пойтахтнинг "Истиқлол" жамоаси ўз унвонини еттинчи бор шараф билан ҳимоя қилиб, тожик футболида тенги йўқ клуб эканлигини исботлади.

Тожикистон чемпионати турнир жадвалининг иккинчи поғонаси Хўжанд шаҳрининг "Хўжанд" клубига насиб этди. Сир соҳили футболчилари кумуш медал соҳибига айланишди.

Мамлакат биринчилигининг кучли учлигига Рўдакий ноҳиясининг "Кўктош" жамоаси нуқта қўйди.

Чемпионат совриндорларига Осиё қитъасининг клублар ўртасидаги мусобақаларида иштирок этиш йўлланмаси берилади.

 

=======   Жаҳонда   =======

------------   Шаҳмат   ------------

"ЖАҲОН ТОЖИ": КУРАШ АВЖ НУҚТАСИДА

Буюк Британиянинг Лондон шаҳрида шаҳмат бўйича "Жаҳон тожи" учун кураш ўзининг авж нуқтасига чиқди.

"Жаҳон тожи" учун амалдаги жаҳон чемпиони, норвегиялик Магнус Карлсен ва даъвогарлар турнири ғолиби, америкалик Фабиана Каруаналар қизғин баҳс олиб боришмоқда.

Ғолиб ўн икки партия натижасига кўра аниқланади. Кучлар тенг келган тақдирда эса, қўшимча тўрт партия рапид (тезкор шаҳмат)да кучлар синалади. Натижада, ким омадли бўлса, "Жаҳон тожи"ни ўзиники қилиб олади.

Ўтган мавсум мусобақаларида норвегиялик "дона сурувчи" Россия Федерацияси намояндаси Сергей Карякинни доғда қолдирган эди.

 

------------   Оғир атлетика   ------------

САЙЁРА ТОШ КЎТАРУВЧИЛАРИ СИНОВИ

Туркманистон Республикаси бош шаҳри Ашхободда оғир атлетика бўйича жаҳон биринчилиги мусобақалари бўлиб ўтди.

Турнирнинг сўнгги кунида ўта оғир вазн - 109 килограммдан юқори залворга эга бўлган спортчилар синовдан ўтказилди.

Икки йўналиш - даст ва силтаб кўтаришда 474 килограмм оғирликдаги тошни ўзига бўйсундирган грузиялик Лаша Тапахадзе жаҳон чемпиони унвонига муносиб топилди.

Иккинчи ўринни арманистонлик Гор Миносян (450 килограмм) эгаллади.

Учинчи жойни ишғол этган ўзбекистонлик Рустам Жангабаев 447 килограммлик натижа кўрсатди.

 

-------------   Хоккей   -------------

"КАРЯЛ КУБОГИ" РОССИЯ ТЕРМАСИДА

Россия терма жамоаси шайбали хоккей бўйича Евротурнир туркумига кирувчи "Карял кубоги"ни муддатидан илгари қўлга киритди.

Швеция терма жамоасини 4:1 ҳисобида "таслим" қилган рус хоккейчилари икки учрашувда 6 очко жамғаришди ва мусобақа жадвали пешқадамига айланишди.

Чехия ва Финляндия терма жамоалари ўртасидаги кураш 0:3 ҳисобида финлар фойдасига ҳал бўлгач, рақиб жамоаларда кубокка эгалик қилиш имконияти қолмади.

Россияликлар илгари 2006-2009, 2011, 2016 йилларда ҳам мазкур мусобақада ғолиб чиқишган.

 

"Халқ овози"нинг спорт шарҳловчиси.

КАЛЕНДАР

« Апрел 2021 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

МАҚОЛАЛАР

Навоий асарларида Жомий тимсоли

 

XV аср темурийлар сулоласи даврида яшаб ижод этган буюк мутафаккир сиймолар ва оламга машҳур зотлар Алишер Навоий ва Нуриддин Абдураҳмон Жомий муносабати илиқ, самимий, дўстона ва биродарлик нафаси билан йўғрилган, жумладан, устозу шогирдлик юзасидан келиб чиққан ажойиб маърифий-маданий ҳамкорликлари XV асрдан бошлаб то ҳалигача адабиётшунослик фанимизда тинимсиз ўрганиб келинмоқда. Аммо чуқурроқ

Муфассал...

Хосиятли пойқадам

 

Бугун қондош ва жондош, оға-ини, дўст ва биродар икки халқ - тожикнинг ҳам, ўзбекнинг ҳам кўзи, нигоҳи икки давлат бошлиқларининг гулдиёримиз Тожикистонда олий мақомда бўлиб ўтадиган учрашувига қадалган. Бу учрашув ён қўшнимиз Ўзбекистон Президенти Шавкат Мирзиёевнинг юртимизга илк ташрифи ила амалга ошади. Илк ташриф эса, ҳамиша қадрли ва қутлуғ, файзли ва баракали бўлади. Унинг қувончи ва хосияти ўзгача. Қўшни

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1023901

ӮҚУВЧИЛАР СОНИ

4018298
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2293
2414
4707
3982309
42994
86977
4018298

Сизнинг IPнгиз: 3.236.231.14
Бугун: 13-04-2021 16:32:11

ҲАМКОРЛАР

 

 

   

2015