Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 31 Май 2018 Кӯришлар: 351
Печат

 

tajikistan-team-2Тожикистон кубоги турнирининг навбатдаги ярим чорак финал босқичига қуръа ташлаш маросими ўтказилди. Мусобақанинг мазкур босқичида 8та олий, 7та биринчи ва битта иккинчи лига жамоалари бош соврин учун рақиблик қилади.

Қуръа ташлаш натижаларига кўра, жамоалар қуйидаги жуфтликларга тақсимланди: "Истиқлол" (Душанбе)-ЦСКА "Памир" (Душанбе), "Локомотив-Памир" (Душанбе)-"Исфара" (Исфара шаҳри),

"Панжшер" (Жалолиддин Балхий ноҳияси)-"Файзканд" (Восе), "Душанбе-83"-"Саройкамар" (Панж), "Хатлон" (Бохтар)-"Ваҳдат" (Ваҳдат шаҳри), "Регар-ТадАЗ" (Турсунзода шаҳри)-"Истаравшан" (Истаравшан шаҳри),

"Барқчи" (Ҳисор)-"Кўктош" (Рўдакий ноҳияси), "Сомон" (Данғара)-"Хўжанд" (Хўжанд шаҳри).

Тожикистон кубоги мусобақасида ғолиб чиққан жамоа "Осиё конфедерацияси кубоги-2019" турнирида қатнашиш ҳуқуқини қўлга киритади.

-----------   Футзал   -----------

ЁШЛАР ТЕРМАСИДА ЯНГИ МУРАББИЙ

Тожикистон футбол федерациясидаги манба тарқатган хабарга кўра, 33 ёшли эронлик мини-футбол мутахассиси Мустафо Ашрафий футзал бўйича мамлакат ёшлар (U-20) терма жамоасига Бош мураббий этиб тайинланган.

Ёшлар термаси янги устозининг журналистларга берган интервюсида таъкидлашича, жамоа олдига келгуси йилда ўтказиладиган Осиё чемпионатининг финал босқичи йўлланмасига эгалик қилиш вазифаси қўйилган.

Мустафо Ашрафий илгари мамлакатимизнинг бир қатор футзал клубларида ўйинчи сифатида фаолият юритган. Кейинчалик маълум муддат "ДИСИ-Инвест" клубини бошқарган. Тожикистон футбол федерацияси техник директори Комрон Шодиев таклифи билан мазкур лавозимга тайинланди.

 

=======   Жаҳонда   =======

-----------   Футбол   -----------

"РЕАЛ" - ТЎРТИНЧИ МАРТА ҒОЛИБ

Украина пойтахти Киев шаҳрининг марказий стадионида Европа клубларининг энг нуфузли турнири - Чемпионлар лигасининг финал босқичи учрашуви бўлиб ўтди.

Бош совринга эгалик қилиш учун Мадриднинг "Реал" (Испания) ҳамда Англиянинг "Ливерпул" жамоалари "яшил майдон"га тушди.

Ўйин буюк британияликлар устунлиги билан бошланди, аммо "Ливерпул" дарвозабони йўл қўйган қўпол хатодан усталик билан фойдаланган мадридликлар ҳужумчиси Карим Бензема биринчи бўлиб ҳисобни очди.

Орадан кўп ўтмай, Юрген Клопп шогирдлари ҳисобда тенглик ўрнатишди.

Учрашувнинг иккинчи қисмида "Реал" Бош мураббийи Зайниддин Зидан захира ўриндиғидан ҳужумкор ўйинчи Гарет Бейлни майдонга туширди.

Айнан, шу ўйинчи ўзининг бир-биридан чиройли голлари билан "дубл" қайд этди ва жамоаси ғалабасини таъминлади.

Шундай қилиб, "Реал" сурункасига учинчи марта чемпионлар лигасида ғолиб чиқди. Бу кейинги йилларда испанияликлар эришган тўртинчи муваффақиятдир.

Эслатиб ўтиш жоизки, яқинда яна бир қитъа кубоги - Европа лигаси турнирининг ҳам финал учрашуви бўлиб ўтган.

Унда бош соврин учун Испаниянинг "Атлетико" ҳамда Франциянинг "Марсел" клублари куч синашди. Беллашув 3:0 ҳисобида атлетикачилар фойдасига ҳал бўлганди.

Энди УЕФА (Европа футбол ассоциациялари бошқармаси)нинг Суперкубок соврини учун Испаниянинг икки номдор клуби "Реал" ва "Атлетико" кураш олиб боради.

-----------   Теннис   -----------

ЧЕМПИОНЛИК УНВОНИ БОЙ БЕРИЛДИ

Франциянинг пойтахти Париж шаҳрида теннис бўйича "Ролан Гаррос" мамлакат очиқ чемпионати давом этмоқда.

Ушбу турнирнинг ўтган йилги ғолиби латвиялик Елена Остапенко беллашувларнинг биринчи давридаёқ, мағлубиятга учраб, чемпионлик унвонини муносиб ҳимоя қила олмади.

Турнирда жаҳоннинг бешинчи ракеткаси сифатида чиқиш қилган Латвия вакили бир соату 34 дақиқа давом этган икки сетда украиналик Екатерина Козловага 5:7, 3:6 ҳисобида имкониятни бой берди.

Шундан сўнг, Елена Остапенко ҳам мусобақани давом эттириш, ҳам чемпионлик унвонидан маҳрум бўлди.

-----------   Бокс   -----------

НАВБАТДАГИ ЖАНГ МУДДАТИ АНИҚ

Касбий бокснинг WBA (Бутунжаҳон боксчилар ассоциацияси) йўналиши бўйича WBA International чемпиони, "Олимпиада-2012"нинг бронза медали совриндори, икки марта жаҳон чемпиони, россиялик Михаил Алоян касбий рингда навбатдаги жангини жорий йил сентябр ойининг охири, октябр ойининг бошларида ўтказадиган бўлди.

Жангнинг аниқ санаси ва рақиб ҳақида қўшимча маълумот берилади.

Михаил Алоян иккинчи енгил вазн тоифаси (52,16 килограмм)даги сўнгги муштлашувини Сочи шаҳрида никарагуалик Александре Эспиносага қарши ўтказиб, очколар ҳисобида ғалаба қозонган эди.

Россиялик касбий бокс намояндаси фаолиятида иштирок этган тўртта жангнинг барчасини ғалаба билан якунлаган.

 

"Халқ овози"нинг спорт шарҳловчиси.

КАЛЕНДАР

« Январ 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Тожик Мирзачўлидагиўн учинчи завод

 

Зафаробод ноҳиясида янги пахта тозалаш заводи ишга туширилди. У тадбиркор Абдусамад Нормаматов томонидан бунёд этилди. Завод қурилиши учун 2 ярим миллион сомоний маблағ сарфланган.

Янги корхона Америка Қўшма Штатларида ишлаб чиқарилган замонавий ускуналар билан жиҳозлантирилган. Корхона йилига 300 тонна пахта толаси тайёрлаш иқтидорига эга.

Муфассал...

Завод қайта қурилади

 

Хитойлик мутахассислар Қўрғонтепа шаҳри трансформатор заводини қайта қуриш масаласини ўрганиб чиқишмоқда. Хитойнинг «Лю Мин» компанияси бу мақсадда юртимизга ўз мутахассисларини юборади.

- Бу борада мулоқотлар Хитойда ўтказилганди, - деди «Трансформатор» ОҲЖ директори Назарали Давлатшоев журналистларга. – Мулоқотлар якунига кўра, хитойлик мутахассислар заводимизга ташриф буюришади.

Муфассал...

СТАТИСТИКА

Сайтга кирганлар
1
Мақолалар
675
Мақолаларни кӯрганлар сони
349956

ӮҚУВЧИЛАР СОНИ

1884960
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
269
2006
2275
1864499
53209
77394
1884960

Сизнинг IPнгиз: 18.205.246.238
Бугун: 22-01-2019 02:41:01

ҲАМКОРЛАР

 

 

   

2015