16 феврал куни Тинчлик ва миллий бирлик асосчиси - Миллат пешвоси, Тожикистон Республикаси Президенти Эмомали Раҳмон Мудофаа, Ички ишлар вазирликлари, Миллий хавфсизлик давлат комитети ва Чегара қўшинлари Бош бошқармасининг масъул вазифаларига тайинланган кадрлар гуруҳи билан суҳбат ўтказди.

Тожикистон Республикаси Ҳукумати қарорлари билан Воҳидов Фарҳод Камолович Миллий хавфсизлик давлат комитети раиси ўринбосари, Файзуллоев Изатулло Ҳабибуллоевич - Чегара қўшинлари Бош бошқармаси бошлиғи биринчи ўринбосари - Миллий хавфсизлик давлат комитети Чегара қўшинлари Бош штаби бошлиғи этиб тайинланди. Бундан ташқари, Тожикистон Республикаси Президенти билан келишилган ҳолда Шарипов Шомуддин Ҳасанович Миллий хавфсизлик давлат комитети Хатлон вилояти бошқармаси бошлиғи ва Худойбердиев Муродали Ражабалиевич - Тожикистон Республикаси Миллий хавфсизлик давлат комитети Чегара қўшинлари Бош бошқармаси ҳарбий тайёргарлик тизими бошлиғи этиб тайинланди.  

Шунингдек, Мудофаа ва Ички ишлар вазирликларининг халқаро ташкилотлар, жумладан, Коллектив Хавфсизлик Шартномаси Ташкилотидаги намояндалари ҳамда дунёнинг бир қатор мамлакатларида ҳарбий атташелар тайинланди.

Тинчлик ва миллий бирлик асосчиси - Миллат пешвоси, Тожикистон Республикаси Президенти Эмомали Раҳмон масъулиятли вазифаларга тайинланган кадрлар билан суҳбатда уларни ҳалол ва виждонан хизмат қилиш, давлат ва миллат манфаатларини муносиб ҳимоялаш, халқ ва Ватанга садоқат кўрсатиш, хизмат вазифаларини ижро этиш, касбий малакаларини ошириш, тиллар ўрганиш ва ёш кадрларни тарбиялашга ҳидоят қилди.

"Ховар" ТМАА.