22 октябр куни Миллий кутубхонада Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмон «Қадимги маданият бўйича тадқиқот: кечадан бугунгача» халқаро илмий симпозиумда иштирок этиб, нутқ сўзлади.

Унинг ишида мамлакат зиёлилари ва хорижий мамлакатлардан меҳмонлар – халқаро симпозиум иштирокчилари қатнашишди.

Симпозиумни мамлакат Фанлар академияси президенти Фарҳод Раҳимий очиб, сўз навбатини Тожикистон Президенти муҳтарам Эмомали Раҳмонга берди.

Миллат пешвоси симпозиум ва Тожикистон пойтахтида олимлару экспертларни йиғишдан мақсадни тожик халқи фахрли даври ҳисобланган Сомонийлар давлати 1120 йиллигига ушбу буюк мерос, яъни Сомонийлар давлатчилиги даври тариху маданияти, бу ориёий сулоланинг тожиклар ва минтақа-ю жаҳоннинг бошқа халқлари давлатчилиги ривожланишида яратувчанлик ролига эҳтиром кўрсатиш ҳамда уни ижтимоий-тарихий, фалсафий ва маданий қадриятлар принциплари нуқтаи назаридан кўриб чиқиш, маданий тарихий анъаналар, айниқса, ориёий халқларнинг миллий байрамлари – Наврўз, Меҳргон ва Саданинг Шарқу Ғарб тамаддуни шаклланишидаги муносиб ўрни, шунингдек, Куруши Кабир ва Борбад Марвазийнинг ролига янгича нигоҳ билан қарашдан иборат, дея баҳолади.

Мамлакат Президенти олимлар бу байрамлар фалсафий ва ижтимоий моҳиятини тадқиқ этиб, бугунги кун дунёқараши ва фикрлари асосида бу анъаналарнинг асил маъносини янада ойдинлаштиришларига ишонч билдирди.

Халқаро симпозиум ишида мамлакат Президентидан кейин, шунингдек, Франциянинг «Рўдакий» анжумани раиси, профессор Масъуд Миршоҳий, Россия Федерацияси Новосибирск шаҳри консерваторияси ходими, мусиқашунос Мария Дрожжина, Америка Қўшма Штатларининг «Манучеҳр Фарҳангий» фонди раиси Ромин Фарҳангий, Австралиянинг «Куруши Бузург» маданий ташкилоти раиси Ҳуммер Абрамиён, Швейцариядан профессор Ҳусейн Содиқий, Ўзбекистондан Бобур Ҳамидов ва шоир Масъуд Сипанд чиқиш қилишди.

«Ховар» ТМАА.