15 октябр куни Душанбе шаҳрининг «Кохи Борбад» давлат муассасасида «Тадбиркорлар куни» байрамининг тўртинчи марта нишонланиши шарафига Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам   Эмомали Раҳмоннинг бевосита бошчилигида «Тадбиркорлигу сармояларни ривожлантириш ва янги иқтисодий жараёнлар» мавзусидаги «Душанбе-2018

- халқаро тадбиркорлик форуми» бўлиб ўтди.

Мазкур форум бошланишидан аввал, «Маҳаллий тадбиркорлар молу маҳсулотлари кўргазмаси» ўтказилиб, унда 50 нафардан зиёд ишлаб чиқарувчилар ўз молу маҳсулотларини кўргазмага қўйишди.

Форумда мамлакат қонунчилик органлари намояндалари, Тожикистон Республикаси Ҳукумати аъзолари, сармоячилик лойиҳаларини татбиқ этиш марказлари раҳбарлари, халқаро молиявий ташкилотлар олий мартабали намояндалари, дипломатик корпуслар, Тожикистоннинг муқим тараққиёт шериклари, хориждаги тадбиркорлар (диаспоралар), маҳаллий ва хорижий сармоядорлар, дунёнинг 21та давлатидан компаниялар намояндалари ва маҳаллий тадбиркорлар, умуман, 2000 нафардан зиёд киши иштирок этди.

Форум расмий маросими Миллат пешвоси муҳтарам Эмомали Раҳмоннинг кириш сўзи билан бошланиб, унда мамлакат иқтисодиётининг энг муҳим қирралари, жумладан, иқтисодиёт глобализацияси босқичида тадбиркорлигу сармоядорлик ва бугунги иқтисодий жараёнларни ривожлантириш, ахборот-инновацион технологиялардан фойдаланиш орқали рақамли иқтисодиётни ривожлантириш, жаҳон ҳамжамиятининг мавжуд имконият ва захиралардан оқилона фойдаланиш йўлида янада кўпроқ саъй-ҳаракати зарурати, молу хизмат кўрсатиш шаффофлиги сифатини таъминлаш ҳамда рўйхатини кенгайтириш ва умуман, миллий иқтисодиёт устувор тараққиёти воситасида фаолият натижалари самарадорлигини юксалтиришда бугунги кун иқтисодий жараёнлари роли кўриб чиқилди.

Форум очилишида, шунингдек, Европа қайта қуриш ва тараққиёт банкининг Марказий Осиёдаги минтақавий директори жаноб Нил Маккейн, Кореянинг «Сеул Мачинери» компанияси президенти жаноб Вон Ҳии Ким, Бирлашган Миллатлар Ташкилоти доимий мувофиқлаштирувчиси, Бирлашган Миллатлар Ташкилотининг Тожикистондаги Тараққиёт дастури раҳбари хоним Пратибҳа Меҳта, Франциянинг «Файвс Груп» компанияси президенти ўринбосари жаноб Жан Франсуа Легран ва Халқаро молиявий корпорациянинг Тожикистондаги минтақавий директори хоним Кассандра Колбертлар чиқиш қилишди.

Форум натижалари, қўлга киритилган келишувлар ва унинг доирасида имзоланган шартномалар фойдали иқтисодий, савдо муносабатлари асосларини мустаҳкамлаш, иқтисодий тараққиётни таъминлаш, Тожикистон ва минтақа фуқаролари ҳаётининг фаровонлик даражасини юксалтириш, шунингдек, имкониятларимиздан биргаликда ва самарали фойдаланиш йўналишида бирдамлик иродамизни мустаҳкамлашга ҳисса қўшишига ишонч билдирилди.

«Ховар» ТМАА.