Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 08 Июн 2018 Кӯришлар: 294
Печат

 

d medvedev 201831 май куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Тожикистон Республикасига расмий ташриф билан келган Россия Федерацияси Ҳукумати Раиси Дмитрий Медведев билан учрашди.

Суҳбат чоғида Тожикистон-Россия дўстлик муносабатлари ва ўзаро самарали ҳамкорликларининг ҳозирги ҳолати ҳамда истиқболлари кўриб чиқилди.

Миллат пешвоси ўз томонидан, Тожикистон-Россия ўртасидаги стратегик шерикчилик муносабатлари аҳамиятини таъкидлар экан, уларнинг Тожикистон ташқи сиёсати учун келгусидаги тараққиёти истиқболли хусусиятини қайд қилди.

Тожикистон Президенти ҳал этилиши учун биргаликдаги ҳаракатларни талаб қилувчи бир қатор долзарб масалаларга эътибор қаратар экан, савдо-иқтисодий ҳамкорликларни икки томонлама муносабатларнинг муҳим йўналиши сифатида баҳолади.

Шу сабабли, томонларнинг бу соҳадаги алоқаларини келгусида ривожлантириш бугун биринчи даражали аҳамият касб этаётганига ишора қилинди.

Таъкидлаш жоизки, Россия бугун Тожикистоннинг савдо ва сармоя шериклари орасида етакчи мавқени эгаллайди. 2017 йили икки мамлакат ўртасида маҳсулот айирбошлаш тўққиз юз миллион Америка долларидан зиёдни ташкил қилди.

Бугунги босқичда иқтисодиётнинг томонлар манфаатларига тегишли бўлган секторларида алоқаларни ривожлантириш масалаларини ҳал этишга диққат қаратиш муҳим эканлиги борасида умумий фикр билдирилди.

Жумладан, минтақалараро алоқалар географиясини кенгайтириш, тожик иқтисодиёти реал секторида сармоявий лойиҳаларни ишлаб чиқиш ва амалга татбиқ этиш бўйича биргаликдаги саъй-ҳаракатлар аҳамияти кўрсатиб ўтилди.

Бу борада иқтисодий ҳамкорликлар бўйича ҳукуматлараро комиссияси иши доирасида қабул қилинаётган қарорлар белгиланган муддатда амалга татбиқ этилиши муҳимлиги қайд қилинди.

Томонлар, шунингдек, ҳамкорликнинг энг муҳим соҳаларидан бири – меҳнат муҳожирлигига ҳам тўхталишди.

Суҳбат чоғида тожик меҳнат муҳожирларининг у ерда бўлиш қоидаларини соддалаштириш ва ижтимоий таъминотини яхшилаш, уларнинг Россия меҳнат бозорига уюшқоқлик билан жалб этилишлари бўйича комплекс масалаларни келгусида биргаликда ишлаб чиқиш долзарблиги ҳақида сўз юритилди.

Тожикистон Республикаси Президенти ва Россия Федерацияси Ҳукумати Раиси маданий-гуманитар соҳадаги алоқалар масалаларини ҳам батафсил муҳокама қилишиб, бу йўналишда биргаликдаги самарали чора-тадбирларни келгусида қабул қилиш борасида бир фикрга келишди.

Тожикистон фуқароларининг рус тилида таълим олишга ошиб бораётган қизиқишларини қондириш учун қулай шароитлар яратиш муҳимлигига алоҳида эътибор қаратилди.

Шунга мувофиқ, Россия олий таълим муассасаларида тожикистонлик ёшларнинг таҳсил олишлари ҳамда Тожикистонда таълим рус тилида олиб бориладиган ўрта умумтаълим муассасалари тармоғини кенгайтириш бўйича аввал эришилган келишувларни татбиқ этиш масалаларига эътибор қаратилди.

Давлат бошлиғи Россия томонидан Тожикистонда таълим рус тилида олиб бориладиган бешта мактаб қурилиши жараёнини тезлаштириш ҳамда Тожикистонга жўнатилаётган россиялик ўқитувчилар ҳайъатини ошириш аҳамиятини қайд қилди.

Хавфсизлик соҳасидаги ҳамкорликлар икки томонлама муносабатларнинг бошқа истиқболли йўналишларидан бири сифатида айтиб ўтилди.

Бу йўналишда бугунги куннинг глобал таҳдидларига қарши кураш масалалари диққат марказда бўлди.

Тожикистон Республикаси Президенти томонларнинг терроризм, экстремизм, наркотик моддалар ноқонуний савдоси ва трансмиллий уюшган жиноятчиликнинг бошқа шаклларига қарши курашиш соҳасидаги биргаликдаги иши самарали натижаларини қайд қилиб, томонларнинг бу соҳадаги яқин алоқаларини келгусида мустаҳкамлаш зарурлигини айтди.

Суҳбат охирида томонлар ушбу учрашув самарадорлигини таъкидлашиб, Тожикистон-Россия алоқаларини стратегик шерикчилик доирасида бундан кейин ҳам ривожлантириш ниятида эканликларини айтишди.

**

Зубайр Маҳмуд Ҳаёт билан учрашув

 

30 май куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Покистон Ислом Республикаси Қуролли кучлари Бош штаб бошлиқлари бирлашган комитети раиси, армия генерали Зубайр Маҳмуд Ҳаётни қабул қилди.

Учрашувда сиёсий ва ижтимоий-иқтисодий масалалар кенг кўламда муҳокама қилинди.

Мамлакат Президенти давлатлар бошлиқларининг саъй-ҳаракатлари туфайли янгича мазмун касб этаётган дўстлик муносабатлари ва кўп қиррали ҳамкорликлардан қониқиш изҳор қилди.

Томонлар терроризм, экстремизм, наркотик моддаларнинг ноқонуний савдоси ва трансмиллий жиноятчиликка қарши биргаликда курашиш йўналишидаги икки томонлама ҳамкорликларни мустаҳкамлаш масаласини муҳокама қилдилар.

Минтақавий муаммолар, Афғонистонда ҳарбий-сиёсий вазиятни ҳал этиш йўлини излаш учун Тожикистон ва Покистон хавфсизлик тузилмаларининг хавфсизлик ва мудофаа, ҳарбий-техник ҳамкорликлар соҳаларидаги алоқаларини кенгайтириш муҳим, дея баҳоланди.

Учрашув чоғида суҳбатдошлар САSА-1000 юқори волтли электр узатиш линияси қурилиши лойиҳасини татбиқ этиш ва Тожикистоннинг кенг гидротехник имкониятларидан фойдаланиш масалалари юзасидан фикр алмашишди.

«Ховар» ТМАА.

 

Украинанинг келажаги кандай?

КАЛЕНДАР

« Январ 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Насрдаги туйғулар

 

МУАЛЛИМА

Яқинда сизни учратиб қолдим. Ўқувчиларингиз орасида ёшариб кетгандайсиз. Сизни кўрдим-у болалигим ёдимга тушди. Дарсни:

-Болажонларим, деб бошлардингиз. Ўйинқароқ  эдик, сизни кўпинча койитиб қўйсак-да, кенг феъл, меҳрибон нигоҳ билан бизга сабоқ беришни давом эттирардингиз. Мулойим овозингиз ҳали-ҳануз қалбимда акс-адо бериб турибди. Биринчи ўқитувчимга, деб олиб борган даста гулларим  кўз ўнгимда.

Кейин йиллар ўтди. Сўнгги қўнғироқнинг жарангдор садоси юрагимизга жо бўлди. Беғубор болалик, ўсмирлик даври ортда қолди. Сиз каби устозлар дуоси билан мустақил ҳаётга дадил қадамлар қўйдик, муаллима.

Мана кеча сизни учратиб қолдим.  Ширинтой болажонларингиз атрофингизда парвона.

...Мен шу лаҳза ўз болалигим билан учрашгандай бўлдим.

 

ШАМОЛ ВА МУСИЧА

Шамолнинг қаҳри – қаттиқ. Бунча ҳам қаттиқ эсмасанг, деб ёлборарди мусича, ахир инимни бузиб, полапонларимни…

Мусичанинг илтижолари зое кетди. У бузилган уяси атрофида бир-икки айланди-да, ерга қўнди. Ўлиб ётган полапонларига боқаркан, яна гир айланди. Шамол ҳамон қутурар, хас-чўпларни турли томонларга  учирарди.

Орадан вақт ўтиб, мусича яна жўжа очди. Шамол эсарди. Энди мусича унга парво қилмайди – шамолдан панада полапонларига меҳр билан емиш улашади. Шамол қанча ғазаб отига минмасин, мусича хотиржам болаларига андармон бўлади. Тоза ҳаводан тўйиб-тўйиб нафас оларкан, мусича: -Бир вақтлар сизлардай полапонларим, акаларинг бор эди, бу шамол…- деб қўяди ғу-ғулаб. Ва панароқда ин қурганидан хурсанд бўлади. 

 

Раҳмат БЕК.

Айиқ билан курашган чўпон…

 

Бобоназар Янгибоевнинг истиқомат жойи - Ғаровўтидаги Ойхотин қишлоғи. Иш жойи - Шаҳритуз ноҳиясининг қўйчилик хўжалиги фермаси. Яқинда касалхонадан қайтган Бобоназарни қўллари бинт билан боғланган ҳолда учратдик. Машина ўриндиғида ўтирган қирқ беш ёшли бу инсон суратга туширишимизга розилик бермади. Ўриндиққа ўтирдик, Бобоназар бизга Ромит дарасида бўлиб ўтган воқеа-ҳодиса хусусида  сўзлаб берди:

Муфассал...

СТАТИСТИКА

Сайтга кирганлар
1
Мақолалар
675
Мақолаларни кӯрганлар сони
349950

ӮҚУВЧИЛАР СОНИ

1884949
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
258
2006
2264
1864499
53198
77394
1884949

Сизнинг IPнгиз: 18.205.246.238
Бугун: 22-01-2019 02:40:17

ҲАМКОРЛАР

 

 

   

2015