Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 22 Декабр 2017 Кӯришлар: 326
Печат

 

a rahmonzoda 2017Жорий йилнинг 8 декабр куни Тожикистон Республикаси Маданият вазирлигида Тожикистон Республикаси Президентининг ижтимоий тараққиёт ва жамоатчилик билан алоқалар масалалари бўйича ёрдамчиси Абдужаббор Раҳмонзода мамлакат оммавий ахборот воситалари ва нашриётлари раҳбарлари билан мажлис ўтказди. Унда Тожикистон ахборот муҳитини янги замон таҳдидларидан ҳимоялаш ҳамда миллий

давлатчиликни шакллантиришда оммавий ахборот воситаларининг роли масалалари кўриб чиқилди.

- Оммавий ахборот воситалари, нашриёт, алоқа тизими ва бошқа тегишли тузилмаларнинг сифатли ва ишончли фаолияти мамлакат мудофаа имкониятини такомиллаштириш, иқтисодий-ижтимоий соҳаларнинг устувор тараққиёти, миллий қадриятлар ва мамлакат мустақиллигини ҳимоялаш учун муҳим аҳамиятга эга, - деди А.Раҳмонзода.

Абдужаббор Раҳмонзоданинг сўзларига кўра, ХХI асрни ахборот асри дейишлари жуда ўринлидир. Зеро, янги ахборот ва коммуникация технологиялари инсон ва жамият ҳаётидаги барча соҳаларга таъсир кўрсатаётир. Улар одамлар ҳаётини етарли даражада ўзгартириб, иқтисодиёт ва гуманитар муҳитнинг глобаллашувига ёрдам бермоқда. Шунинг баробарида, ахборот соҳасидаги мавжуд хатар ва таҳдидларни ҳам эсдан чиқармаслик лозим.

Баъзи гуруҳ ва ҳаракатлар доимий равишда ўзларининг иқтисодий, ғаразли сиёсий мақсадларига эришиш йўлида дунё ахборот муҳитидан фойдаланишга уринишлари таъкидланди. Шунингдек, улар оммавий ахборот воситалари ва ижтимоий тармоқлардан ўз манфаатларига эришиш воситаси сифатида фойдаланиб, интернет тармоқларида очиқ-ойдин террорчи ва экстремистик хусусиятга эга материалларни тарқатишади.

Тожикистон Республикаси Миллий хавфсизлик давлат комитети вакили Аҳтамшо Пиров охирги йилларда ахборот соҳасидаги мамлакат хавфсизлигини таъминлаш йўналишида амалга оширилган ишлар хусусида тўхталиб ўтди. Унинг маълум қилишича, мустақиллик йилларида Тожикистон Республикасининг «Даврий матбуот ва бошқа оммавий ахборот воситалари тўғрисида», «Телевидение ва радиоэшиттириш тўғрисида», «Ахборотни ҳимоя қилиш тўғрисида», «Ахборот тўғрисида»ги қонунлари қабул қилинди. Тожикистон Республикаси ахборот хавфсизлиги концепцияси амал қилмоқда. Тожикистон ўз шериклари билан жумладан, БМТ, КХШТ, ШҲТ ва бошқа халқаро ташкилотлар доирасида ахборот хавфсизлигини таъминлаш соҳасида фаол ҳамкорлик қилиб келади.

- Шу билан бирга, биз бугун ахборот хавфсизлигини таъминлаш йўналишида қўшимча чораларни ишлаб чиқиб, амалга оширишимиз лозим, - деди А.Пиров ва сўзида давом этар экан, - Биз баъзи интернет сайтлари орқали террорчилик, диний бузғунчилик ва кина-кудратни тарғиб этувчи материаллар билан мамлакатимизга нисбатан бўлаётган асоссиз ва ғаразли ҳужумларга жавоб қайтармасдан қараб тура олмаймиз.

Мажлисда, шунингдек, мазкур масала юзасидан Тожикистон Республикаси Маданият вазири Шамсиддин Орумбекзода, Тожикистон Миллий энциклопедияси илмий идораси бош муҳаррири Нурмуҳаммад Амиршоҳий, «Тожикистон» журнали бош муҳаррири Ҳабибулло Нозирий, Маданият вазирлиги табъу нашр бошқармаси бошлиғи Давлат Сафар аниқ тавсиялар беришди.

Билдирилган фикрларни инобатга олган ҳолда, Тожикистон Республикаси Президентининг ижтимоий тараққиёт ва жамоатчилик билан алоқалар масалалари бўйича ёрдамчиси Абдужаббор Раҳмонзода мажлис иштирокчиларининг барчасига мамлакат ахборот хавфсизлигини ҳимоя қилиш борасидаги ишларни яхшилаш бўйича биргаликда чора-тадбирлар ишлаб чиқиб, амалга оширишни тавсия этди.

Ўз мухбир.

Украинанинг келажаги кандай?

КАЛЕНДАР

« Ноябр 2018 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

МАҚОЛАЛАР

«ДЎСТЛИКДАН КИШИЛАР ТОПГАЙ САОДАТ…»

 

Устоз Мирзо Турсунзоданинг тинчликсевар ва инсонпарварлик руҳида ёзилган қуйидаги мисралари ҳеч қачон ўз аҳамиятини йўқотмайди. Зеро, улар бугунги кун, жамият ва халқнинг эзгу орзу-умидларини ифодалайди:

Дўстликдан кишилар топгай саодат,

Душманлик халқ узра келтирар офат…

Муфассал...

Надомат

 

Ҳикоя

Ёз шамоли димоққа чанг-ғубор ҳидини урар, ҳаво борган сайин қизиб, юз-кўзларни куйдирар эди. Қурғоқчилик ўз ҳукмини ўтказган: гул-гиёҳ, ўт-ўланлар аллақачон қуриб, сарғайиб қолган, гўё аланга тили ҳамма нарсани ялаб юборган эди. Ернинг ҳар-ҳар жойи ёрилиб, унчалик чуқур бўлмаган ариқчалар пайдо бўлган. Баланд-паст адирлар узра ўткинчи булутлар увадалари айланиб юрибди.

Муфассал...

СТАТИСТИКА

Сайтга кирганлар
1
Мақолалар
611
Мақолаларни кӯрганлар сони
297430

ӮҚУВЧИЛАР СОНИ

1733592
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
671
2117
5467
1711651
41037
66766
1733592

Сизнинг IPнгиз: 54.196.190.32
Бугун: 21-11-2018 04:40:00

ҲАМКОРЛАР

 

 

   

2015