Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 08 Июн 2018 Кӯришлар: 127
Печат

 

yordam 2018Суғд вилоятида яшаётган 7600та камтаъминланган оилага, қаровчисиз яшаётган кишилар ва ногиронларга моддий ёрдам кўрсатилди. Мазкур кўмак Тинчлик ва миллий бирлик асосчиси - Миллат пешвоси, Тожикистон Президенти муҳтарам Эмомали Раҳмоннинг Рамазон ойида муҳтож инсонларга ғамхўрлик кўрсатиш, уларни моддий қўллаб-қувватлаш борасидаги кўрсатма ва топшириқлари асосида амалга оширилди.

Биргина Бобожон Ғафуров ноҳиясида 925та, Панжакентда 920та, Истаравшанда 908та камтаъминланган оила ва муҳтож кишиларга моддий ёрдам берилди. Жумладан, муҳтож инсонларга ун, мой, шакар, гуруч каби кундалик турмуш учун зарур маҳсулотлар тақсимланди.

 

«Қайғурма, сенинг ғамхўринг бор!»

Умумтаълим муассасаларида ёзги таътил вақти яқинлашар экан, вилоят давлат ҳокимияти ижроия органи бошқа ўғил-қизлар қаторида етим ва қаровчисиз болалар, камтаъминланган оилалар фарзандларининг ёз фаслини кўнгилли ўтказишлари учун чора-тадбирлар кўрмоқда.

«Қайғурма, сенинг ғамхўринг бор!» Бу гапларни эшитган муҳтож болаларнинг кўнгли кўтарилди. Улар эса, оз эмас – 1000 нафардан ортиқ етим ва қаровчисиз бола, шунингдек, 7600та камтаъминланган оила фарзандлари ёзги лагер-жамлоқларда текинга дам олишади.

Айни бир пайтда, бошқа болаларнинг ҳам таътили хуш ўтиши учун режалар тузилмоқда. Бу йил 75 минг нафар бола шаҳар ташқарисидаги, мактаблар қошидаги, спорт-соғломлаштириш лагерларида ҳордиқ чиқаришади.

 

Тоза ичимлик сув таъминоти

Ашт ноҳиясидаги Меҳробод жамоатида яшайдиган 8000 минг нафар аҳоли тоза ичимлик сув билан таъминланади. Бу мақсадда «Меҳробод жамоати аҳолисини тоза ичимлик сув билан таъминлаш» лойиҳаси ишлаб чиқилди.

Ноҳия давлат ҳокимияти ижроия органида бўлиб ўтган йиғилишда сўзлаган «Қишлоқ аҳолисини ичимлик сув билан таъминлаш ва санитария, Фарғона водийси, Тожикистон» лойиҳаси директори жаноб Оливер Норманд меҳрободликларни ичимлик сув билан таъминлашнинг аҳамияти ҳақида гапирди.

Меҳрободда ичимлик сув масаласи муаммоси узоқ йиллардан буён мавжуд. Ерости сувининг шўрланиши натижасида, бу муаммо кучайганди. Янги лойиҳа амалга ошгач, меҳрободликлар олисдан ичимлик сув ташиш ташвишидан қутулишади. Шу билан бирга аҳоли саломатлиги яхшиланиши кўзда тутилган.

Меҳрободликлар янги лойиҳани амалга оширишда фаол иштирок этишларини билдиришди. Бу лойиҳа учун сарфланадиган маблағнинг 60 фоизи халқаро ташкилотлар томонидан ажратилади. 40 фоиз маблағ эса, аҳоли зиммасига тушади.

 

Энг яхши ихтиро учун мукофот

Вилоят ёшлари орасида энг яхши ихтиро ва янгилик учун танлов эълон қилинди. Унинг ғолиблари 2 минг сомонийдан 7 минг сомонийгача мукофотпули билан тақдирланадилар. Бу борада вилоят раиси Ражаббой Аҳмадзоданинг қарори эълон қилинди.

Танлов июн ойида бошланиб, ноябргача давом этади. Танлов ташкилотчиларининг билдиришларича, бу тадбир ёшлар орасида ихтирочилик йўлида ташаббускорликни кучайтириш, илм, ишлаб чиқаришда янги истеъдодларни топиш, йигит-қизлар ғайрат-шижоатини мамлакат тараққиёти учун изланишларга қаратиш мақсадида ўтказилмоқда.

Танлов қатнашчилари дастурлаш ва ахборот, дизайн ва меъморлик, қурилиш, экология, геология, машинасозлик жиҳозлари, металлургия, замонавий технология, табиатшунослик фани каби соҳаларда билим ва кучларини синаб кўрадилар.

 

Болакайларнинг «Орзу дунёси»

Хўжанд шаҳрида яна бир мактабгача таълим муассасаси очилди. «Жаҳони орзу», деб аталган янги муассаса тадбиркор Фарангис Исмоилова томонидан бунёд этилди.

Болакайларнинг таълим-тарбия олишлари учун барча шароитлар яратилган замонавий муассаса 80 нафар кичкинтой учун мўлжалланган. «Жаҳони орзу» 20 нафар кишини иш билан таъминлайди.

Фарангис Исмоилова муассаса очилиш маросимида сўзлар экан, янги муассасага энг тажрибали ва маҳоратли тарбиячилар танлаб олинганини айтди.

Хўжанд шаҳар раиси матбуот марказидан хабар беришларича, вилоят марказида мактабгача болалар муассасалари сони 42тага етган. Улардан 10таси хусусий муассасалардир.

 

Ўз мухбир.

КАЛЕНДАР

« Август 2018 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Бизнинг «ўзбек» холамиз

 

Тожик ва ўзбек халқлари этник нуқтаи назардан бир-бирига шунчалик яқинки, бундай ҳолатни дунёнинг бошқа халқларида учратиш мушкул. Яратган бу икки халқни жаннатмакон диёрда яратиб, кўнгилларига самимий меҳр-муҳаббатни жойлаганки, таърифига қалам ожиз. Биз мана шундай меҳр-муҳаббатга йўғрилган самимийликка Душанбе шаҳрида бўлиб ўтган икки дўст ва биродар мамлакат раҳбарлари - муҳтарам Эмомали Раҳмон ва муҳтарам Шавкат Мирзиёевлар учрашувида гувоҳ бўлдик.

Муфассал...

Ҳаёт гўзал

 

Нилуфар ишдан келди-ю, молхона томондан молларнинг “баа-бўў” қилаётган овозларини эшитиб шоша-пиша кийимларини алмаштирди.

Аввал сигир-бузоқларни, қўй-қўзиларни суғорди. Сўнг ҳафсала билан охур ичини тозалаб, майдалаб кесилган хашакдан солди. Ишлар якунига етгач, вужудида толиқиш, ҳорғинлик сезди. Тушлик қилишдан аввал иллиққина сувда ювинди.

Муфассал...

СТАТИСТИКА

Сайтга кирганлар
1
Мақолалар
535
Мақолаларни кӯрганлар сони
232689

ӮҚУВЧИЛАР СОНИ

1535174
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1452
2470
7871
1510594
35519
101076
1535174

Сизнинг IPнгиз: 54.81.196.35
Бугун: 16-08-2018 19:43:07

ҲАМКОРЛАР

 

 

   

2015