Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 02 Август 2019 Кӯришлар: 1671
Печат

 

tatil 2019Ўқувчиларнинг ёзги таътилларини қизиқарли ва мазмунли ўтказиш Тожикистон Республикаси Ҳукумати олиб бораётган ижтимоий сиёсатнинг асосий йўналишларидан ҳисобланади.

Шу боис ҳам, Тожикистон Республикаси Ҳукуматининг 2019 йил 1 мартда қабул қилинган 103-қарори талабаларнинг ёзги дам олиш мавсумини самарали ташкил этишга қаратилган.

Шаҳринав ноҳиясида мазкур қарор ижросига алоҳида эътибор берилиб, уни ҳаётга татбиқ этиш учун бир қатор тадбирлар ишлаб чиқилган.

Мамлакат Ҳукуматининг қарорига мувофиқ, ноҳия раисининг 401, Маориф ва илм бўлими мудирининг 67-қарорлари асосида истироҳат тадбирлари амалга оширилмоқда.

Дам олиш мавсуми қўшимча таълим муассасасида марказлаштирилган бўлиб, ноҳиянинг 8, 10, 14,15, 19-ўрта умумтаълим муассасаларида оромгоҳлар ташкил қилинган, уларда 350 нафар, жумладан, 167 нафар қизлар ёзги дам олишмоқда.

- Бу йил Тожикистон Республикаси Ички ишлар вазирлиги ноҳия бўлимининг 21 хонадан иборат собиқ биноси Маориф ва илм бўлими ихтиёрига берилгач, ўқувчиларнинг ёзги дам олиш мавсумини ўтказишда бир қатор қулайликларга эга бўлдик,- дейди маориф ва илм ходимлари касаба уюшмалари иттифоқи раиси Абдулоиқ Саидов. - Бунинг учун ноҳия ҳукумати томонидан 12 минг 344 сомоний маблағ ажратилган.

Шу билан бир қаторда, республикамизнинг сўлим оромгоҳларидан «Варзоб»да 17, «Қаратоғ»да 12, «Обшорон»да 6, «Лаби жар»да 34 нафар фаол ўқувчиларимиз мириқиб дам олишмоқда.

Ноҳияда дам олишнинг турли шакллари, хусусан, сайёҳлик кўринишидаги истироҳат ҳам йўлга қўйилган. Ҳар куни 11, 15-таълим муассасаларининг 30 нафардан ортиқ вакиллари Қаратоғ дарасининг энг сўлим гўшаларига саёҳат уюштириш йўли билан ҳордиқ чиқаришмоқда.

Тожикистон Республикаси Маориф ва илм вазирининг фармони бу йил дам олишнинг яна бир янги усули, яъни таълимий-истироҳат тажрибадан ўтказилмоқда.

Бундан 20-25 нафар ўқувчидан иборат гуруҳ табиатнинг хушманзара минтақаларида дам олиш баробарида, бадиий асарларни таҳлил қилиш, математика, физика, химия ва бошқа аниқ фанлардан мисол ҳамда масалалар ечиш билан машғул бўлади.

Шаҳринавда талабаларнинг ёзги дам олиш мавсумини кўнгилдагидек ўтказишда, ноҳия қишлоқ хўжалиги бошқармаси касаба уюшмалари иттифоқи маориф бўлимига яқиндан кўмаклашмоқда.

Шу ўринда маориф ва илм ходимлари касаба уюшмалари иттифоқи раисига бир неча саволлар билан мурожаат қилдик.

- Муҳтарам раис, илгари меҳнат-роҳат оромгоҳлари ташкил қилинарди. Ва улар мутахассисларнинг фикрича, ёшларда меҳнатга ижобий муносабат ҳиссини уйғотишда муҳим рол ўйнарди. Ҳозир нега ана шундай оромгоҳлар фаолияти йўлга қўйилмаяпти?

- Тўғри қайд қилдингиз. Олдинлари давлат ва жамоа хўжаликлари амал қиларди. Ва улар ҳомий сифатида оромгоҳларни озиқ-овқат маҳсулотлари билан таъминларди. Турли маданий тадбирларни ўтказишга, саёҳатлар уютиришга маблағ ажратарди.

Ҳозир эса, давлат ва жамоа хўжаликлари кичик-кичик деҳқон хўжаликларига бўлиниб кетди. Уларнинг ҳаммаси ҳам илгаригидек, моддий жиҳатдан қўллаб-қувватлашга қодир эмас.

Лекин шундай бўлса-да, биз бу йўлда изланишлар олиб бормоқдамиз. Ажаб эмас, ҳомийлар топилиб, шартномалар имзолашга муваффақ бўлсак…

- Кейинги йилларда ёшларни халқаро оромгоҳларга жалб этиш сусайгандек, назаримда. Бу тўғрида нима дея оласиз?

- Аслида, ёшларнинг халқаро оромгоҳларда дам олиши – кони фойда. Уларнинг дунёқараши ўсади, бошқа халқларнинг илм ва маданиятидан хабардор бўлади, тил ўрганади ва ҳоказолар.

Агар имкониятлар бўлганида, жон деб, қабул қилган бўлардик. Афсуски, ҳозирча биз ана шундай имкониятларга эга эмасмиз.

Масалан, жорий йилда ҳам қўшни Қирғизистон Республикасининг бир қатор оромгоҳларидан мактублар олдик. Бироқ улардаги нарх-наво бизни унчалик қониқтирмади. Жуда қиммат…

Ёшлар – миллат ва давлатнинг келажагини белгилайдиган қудратли куч. Улар маънан қанчалик етук, маданияти юксак бўлса, эртанги кунимиз шунчалик порлоқ бўлади.

- Ўқувчиларнинг ёзги дам олиш мавсумини қанчалик қизиқарли ва самарали ўтказсак, уларнинг руҳи тетик бўлади. Руҳан тетик ўқувчи билимнинг барча чўққиларини осонлик билан эгаллаши мумкин. Билими ўткир ёшлар эса, бугунги кунда бизга сув ва ҳаводек зарур. Чунки XXI аср ижтимоий ҳаётнинг барча соҳаларида ривожланишлар давридир. Замонавий билим, техника ва технологияларни пухта эгалламаган ёшларсиз ёрқин келажакни тасаввур этиш мумкин эмас,- дейди давлат ҳокимияти Шаҳринав ноҳияси ижроия органи Маориф ва илм бўлими мудири вазифасини ижро этувчи Мурсал Раҳимов.

 

Абдуҳафиз МИРЗААҲМЕДОВ.        

КАЛЕНДАР

« Март 2023 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Қадарга тош отолмасман...

 

(Устоз Саййид Неъматуллоҳ Иброҳимнинг сўнгги ғазалига шарҳ)

Борлиқни тун сукунати чулғаган. Шаҳарда, айниқса, касалхонада, тунда ҳам сокинлик бўлмаса-да, ҳар қалай, сершовқин кундузга қараганда, анча тинч. Шоир чуқур ўйга толганча шифтга қараб ётаркан, бутун умрини кўз олдидан ўтказди. "Кўпинча инсон ўзини барча ишларга қодир яратиқ санайди. Аммо ўзлигини англаган сари Яратганнинг наздида қанчалар ожизлигини тушуниб етади ва ўзининг тақдир аталмиш азалий битикка ризоликдан ўзга чораси

Муфассал...

КУМУШНИНГ НАБИРАЛАРИ

 

Сизга кўп битишган турфа «шиғир»лар,

Ғоратдир қофия  захиралари.

Энди қоғоз-қалам  беҳол шитирлар,

Қайдасиз, Кумушнинг набиралари?

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
1622912

ӮҚУВЧИЛАР СОНИ

6397038
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2711
5006
12032
6364354
69452
99774
6397038

Сизнинг IPнгиз: 3.239.6.58
Бугун: 23-03-2023 21:41:15

ҲАМКОРЛАР

 

 

   

2015