Биз билан боғланинг:

   

Бизга қӯшилинглар

ХАБАРЛАР

МАОРИФ

Муаллиф: Super user Категория: МАОРИФ
Чоп этилган 10 Январ 2019 Кӯришлар: 2300
Печат

 

muallim 2019Дунёда касб турлари жудаям кўп. Лекин уларнинг ичида энг шарафли, машаққатли ва масъулиятлиси бу, албатта, ўқитувчилик касбидир.

Бир синфда 25-30 нафар ўқувчи таълим олса, уларнинг табиати ҳар хил бўлади. Ҳар бир ўқувчини ўз фарзандидек қабул қилиб, улар билан ишлаш, уларни тушуниш, билим бериш ҳамда ҳар бирининг кўнглига йўл топа олиш юксак масъулият талаб қилади.

Умрини ана шундай шарафли касбга бағишлаган инсонлардан бири Фурқат Нарзиқуловдир. У 1939 йилнинг 10 мартида Спитамен ноҳиясининг Куруш жамоатига қарашли Ҳавотаг қишлоғида зиёлилар оиласида дунёга келган. Бир ёшида онасидан айрилган Фурқат Нарзиқуловнинг отаси уч ёшида урушга кетиб, қайтиб келмайди. У икки қисқа умрнинг ёлғиз ёдгори бўлиб, бувиси Ўғилбуви кампир қўлида қолади. Оғир, очарчилик, йўқчилик кунларини бошидан ўтказиб, азобларга бардош бериб, мардонавор курашиб яшашга ҳаёт уни ёш болалигидаёқ мажбур қилади. У бошига тушган азобу уқубатларга қарамай, 1959 йил ўрта мактабни иқтидорли ўқувчилар қаторида тугатади.

Фурқат Нарзиқулов мактабда ўқиб юрган вақтлариданоқ устозларига ҳавас қилиб, ўқитувчилик касбини эгаллашни орзу қиларди. Бу орзулари уни ҳозирги Б. Ғафуров номидаги Хўжанд Давлат университетининг тарих ва филология факултетига етаклайди. 1959 йил ўқишга кириб, 1965 йилда битиради.

Иш фаолиятини Ўзбекистоннинг Наманган шаҳар маданият техникумида ўқитувчиликдан бошлаб, 11 йил шу техникумда талабаларга сабоқ беради.

Ўша йилларда Фурқат Нарзиқулов Тошкент Маданият университетини сиртдан тамомлаб, 1976 йилда Суғд вилояти Спитамен ноҳиясининг маданият, кейинчалик маориф бўлимларида инспектор бўлиб фаолият юритади.

Ўқитувчилик касбига бўлган меҳри сабаб, 1980 йилдан Спитамен ноҳиясининг 23-ўрта умумтаълим муассасасида, кейинчалик Хавотаг қишлоғининг 29-ўрта умумтаълим муассасасида ёшларга тарих ва ҳуқуқ фанларидан сабоқ беришни давом эттиради.

Адабиётга бўлган кучли қизиқиши туфайли, шеър ва ҳикоялар ёзиб туради. Ёзган шеър ва ҳикоялари “Халқ овози” ва “Суғд ҳақиқати” газеталарида мунтазам чоп этилиб туради.

“Баҳорни соғиниб”, “Чаман ичра бир гул”, “Тожикистонни куйлайман”, “Гулдаста” номли тўпламларидан ўрин олган шеър ва ҳикоялари ўқувчиларга манзур бўлган.

У 2017 йилдан нафақага чиққан бўлса-да, тез-тез мактабга келиб, хабар олиб туради. Шогирдлари ҳам устозига боғланиб қолишган. Агар уч-тўрт кун мактабда кўринмай қолса, ўзлари устознинг хонадонига излаб боришади.

Фурқат Нарзиқулов халқимизнинг: - Бир йилдан кейинги ҳаёт ҳақида қайғурмоқчи бўлсанг, буғдой эк. Ўн йилдан кейинги ҳаёт ҳақида қайғурсанг, дарахт эк. Агар юз йилдан кейинги ҳаёт ҳақида қайғурмоқчи бўлсанг, таълим-тарбия бер, - деган нақлига доимо амал қилиб яшади. 52 йил маориф соҳасида фаолият юритиб, ярим асрдан кўпроқ умрини ёш авлоднинг таълиму тарбиясига бағишлаган Фурқат Нарзиқуловнинг меҳнатлари Тожикистон Халқ маорифи аълочиси унвони ва қатор ифтихорномалар билан қадрланган.

 

Садоқат Абдуразоқова,

«Халқ овози».

КАЛЕНДАР

« Май 2025 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

РАМАЗОН – НУР ВА ГЎЗАЛЛИК ОЙИ

 

Рамазон  - яхшилик ва поклик ойи. Рамазон -  гўзал хотиралар ойи. Бунда минг ойданда яхши Қадр кечаси мавжуд. Рамазон инсон қалбини чексиз нурга тўлдиради. Агар ҳаёт  яшаш билан курашдан иборат бўлса, бу ой тирикликнинг сирини  англаш ойидир. Бутун умр жисми учун бўлса, бу инсон руҳига озиқа беради. Дунёдаги барча курашлар ва адоватлар бир томон бўлса, бу ой дўстлик ва муҳаббат ойидир…

Муфассал...

Янги йил арчаси – қувончимиз омили. Хлопушкалар эса…

 

- Пойтахтимиз марказида ўрнатилган Янги йил арчаси, ҳақиқатдан ҳам, ҳашаматли ва гўзал бўлибди, - дейди Рўдакий ноҳияси, Фалакон қишлоғида яшовчи Даврон Ҳасанов. - Бундан ташқари, Душанбенинг тўртта ноҳиясида ҳам Янги йил арчалари безатилаётганлиги кўнгилларга қувонч улашади.

Дарҳақиқат, Душанбе шаҳри раиси Рустами Эмомалининг топшириғи билан пойтахт маркази - "Дўстий" майдонида ҳашаматли ва гўзал Янги йил арчаси

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2086562

ӮҚУВЧИЛАР СОНИ

8151639
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1159
2101
9565
8112414
1159
89570
8151639

Сизнинг IPнгиз: 3.16.160.142
Бугун: 01-05-2025 11:43:40

ҲАМКОРЛАР

 

 

   

2015