Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 17 Август 2017 Кӯришлар: 278
Печат

 

u usmonzoda 2017- 2017 йилнинг биринчи ярмида нефт қазиб олиш ҳажми 11 минг 742 тоннани ташкил этди. Бу эса, ўтган йилнинг шу даврига нисбатан 762 тоннага кам дегани, - деди Тожикистон Республикаси Энергетика ва сув захиралари вазири Усмонали Усмонзода вазирликнинг жорий йил олти ойлик фаолияти якунларига бағишланган матбуот конференциясида. – Газ қазиб олиш ишлари эса, 879,7 минг метр куб ҳажмида бажарилди.

Бу йўналишда ҳам ишлар ўтган йилдагидек бўлмади ҳамда 2016 йилнинг шу даврига нисбатан 543,8 минг метр куб газ кам қазиб олинди. 

Шу ўринда қайд этиш жоизки, бир неча йил олдин хорижий ширкатлар келиб, Тожикистонда нефт-газ қидириш ишларини бошлаб юборганлиги борасида хабарлар тарқалган эди. Ўшанда баъзилар биз ҳам бир неча йилдан сўнг  ўз нефт-газимиз билан таъминланамиз, деганди. Лекин мана йиллар ўтиши билан бу масала анча оқсаб қолди. Шу ўринда журналистларнинг дастлабки саволларидан бири ҳам мазкур масала юзасидан бўлди: -Айни пайтда Тожикистонда нефт-газ қидириш, бу ишларга хорижий сармоядорларни жалб этиш қандай вазиятда турибди?

- Нефт-газ соҳасидаги қидириш ишлари ва сармоялаштириш масалалари давом этаяпти. Ҳақиқатдан ҳам, биз «Сариқамиш» мавзесидаги ишчи гуруҳининг ишларидан катта умид қилгандик. Чунки биз ҳам саноат даражасида нефт қазиб олишни йўлга қўйиш ниятида эдик. Зеро,  Тожикистонда биринчи марта кенг миқёсдаги нефт қидириш ишлари олиб борилганди. Улар 6500 метр чуқурликкача бурғулашди. Бироқ иш натижалари шуни кўрсатдики, у ерда етарлича нефт-газ манбалари мавжуд эмас экан. Шунинг учун ҳам, бу ердаги ишларни давом эттириш мақсадга мувофиқ эмас, деган хулосага келинди. Шундай бўлса-да, Тожикистоннинг бошқа минтақаларида  бундай ишлар давом эттирилмоқда. Ва биз келажакда нефт-газ соҳасида хорижий сармоядорларни жалб этган ҳолда, ишларни тезлаштиришни мақсад қилганмиз,- деди Тожикистон Республикаси Энергетика ва сув захиралари вазири Усмонали Усмонзода.

Энергетика соҳасида кўпчиликни қизиқтирадиган масалалардан бири,  албатта, бу йилги қиш қандай бўлишидир. Бу йил ҳам аҳолига электр энергиясини бериш ҳолати яхши бўладими? Энергетика ва сув захиралари вазирлигининг матбуот конференциясида ҳам бу савол ўртага ташланди. Бу борада эса, Усмонали Усмонзода шундай деди:

- Албатта, ўтган йилги қиш мавсуми олдингиларига қараганда, анча яхши бўлди. Чунки электр энергиясига қўйилган чеклов январ ойи бошидан олиб ташланди. Бу йилнинг дастлабки олти ойи бадалида барча манбалар ҳисобидан 9 миллиард 141,9 миллион киловатт/соат электр энергияси ишлаб чиқарилган. Бу йил ҳам Тожикистон Президенти муҳтарам Эмомали Раҳмоннинг топшириғи асосида барча имкониятларимизни ишга солган ҳолда,  2017-2018 йиллардаги қиш фаслида аҳолини кўпроқ электр энергияси билан таъминлашни режалаштирганмиз. Агар факт-рақамларга эътибор қаратадиган бўлсак, ўтган йили биз октябр ойида «Душанбе-2» иссиқлик-энергия марказининг биринчи агрегатини ишга туширдик. Унинг иккинчи агрегати мамлакат Президенти иштирокида декабр ойида иш бошлади. Яъни биз  300 мегаватт/соат қўшимча электр энергияси билан таъминландик. Душанбе шаҳри аҳолисини октябр ойи охирлари ёки ноябр ойи бошларидан иссиқлик билан тўлиқ таъминлашимиз мумкин. Бундан ташқари, мамлакатнинг бошқа минтақаларини ҳам қиш фаслида электр энергияси билан таъминлаш мақсадида барча имкониятларимизни ишга солганмиз.

Матбуот конференциясида, шунингдек, CASA-1000 лойиҳаси, қўшни Ўзбекистон Республикаси билан энергетика соҳасидаги ҳамкорликлар ва бошқа долзарб масалалар юзасидан қизиқарли савол-жавоблар бўлиб ўтди.

 

Зуҳриддин УМАРОВ, «Халқ овози».

Иқтисодиётимиз учун Роғун ГЭСининг аҳамияти?

КАЛЕНДАР

« Август 2018 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Тамагир текширувчилар

 

ёхуд  тадбиркорлар  йўлидаги  тўсиқлар  хусусида

Сўнгги йилларда мамлакат олий раҳбарияти ташаббуси билан тадбиркорлик ҳамда хусусий сектор фаолиятини ривожлантириш,  уларнинг қонуний манфаатларини ҳимоялаш, ҳар томонлама қўллаб-қувватлаш ва қулай шарт-шароит яратиб бериш борасида қатор чора-тадбирлар кўрилаётганлиги барчага аён. Бу соҳага оид қонун ҳужжатлари ишлаб чиқилиб, қабул қилинмоқда.

Муфассал...

Кўнгил меҳри

 

Умр йўлдошим марҳума Турсуной Йўлли қизи хотирасига бағишлайман

Сўри ёнига кимдир дон сочиб кетди. Ўн чоғли товуқ қанот қоққанича шамол тўзғитган хазондек оёқлари ерга тегиб-тегмай келди-ю, донга ёпирилди. Товуқлар тумшуғи чангчининг чўпидек, донга кўз илғамас бориб-келарди. Чипор товуқ донга қизғанди, ёнидагисига  хезланиб қўйди.

Муфассал...

СТАТИСТИКА

Сайтга кирганлар
1
Мақолалар
535
Мақолаларни кӯрганлар сони
232657

ӮҚУВЧИЛАР СОНИ

1535132
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1410
2470
7829
1510594
35477
101076
1535132

Сизнинг IPнгиз: 54.81.196.35
Бугун: 16-08-2018 19:41:17

ҲАМКОРЛАР

 

 

   

2015