Тожикистон Республикаси Президенти қошидаги Миллий тест маркази фаолиятини Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг дастур ва кўрсатмалари асосида йўлга қўйган бўлиб, бир талай ишларни бажарган. Бу ҳақда жорий йил биринчи ярми якунига бағишланган матбуот конференциясида Миллий тест маркази бошлиғи ўринбосари Жамшед Азимов журналистларга маълумот берди.

- Албатта, фаолиятимизнинг асосини 2016 йил марказлаштирилган кириш имтиҳонларига тайёргарлик ва уни ўтказиш ташкил қилади, - деди Ж. Азимов. – Бу йўналишда, энг аввало, ота-оналар ва абитуриентлар ўртасида касб танлашда адашмаслик, шунингдек, тестларни ишлаш, имтиҳон топшириш қоидаларини пухта ўрганиш юзасидан тарғибот-ташвиқот ишлари олиб бордик. Бу тадбир икки давр – 2015 йилнинг октябридан декабригача ва 2016 йилнинг январидан март ойигача ташкил қилинди. Биринчи даврда марказ ходимлари 18та шаҳру ноҳиялардаги таълим муассасаларида 2015 йил марказлаштирилган кириш имтиҳонлари натижалари билан директор, ўқитувчи, ўқувчи ва ота-оналарни таништиришди. Шунингдек, давлат ҳокимияти маҳаллий ижроия органи масъуллари билан ҳам учрашувлар ўтказилди. Иккинчи даврда эса, мамлакатнинг 21 шаҳру ноҳияларида ташкил этилди. Умуман, марказ 277 марта учрашув ўтказиб, уларда 19480 нафар, жумладан, 18216 ўқувчи ва 1264 нафар ўқитувчи қатнашди.

Шунингдек, матбуот конференциясида Тожикистон Республикаси Президенти қошидаги Миллий тест маркази бошлиғи ўринбосари Жамшед Азимов журналистларга оммавий ахборот воситалари билан йўлга қўйилган самарали ҳамкорликлар ҳақида ҳам атрофлича маълумот берди.

Ҳисобот даврида Марказ томонидан қайдга олишнинг шаффофлигини таъминлаш мақсадида 26та шаҳру ноҳияларда 28та сайёр қайдга олиш нуқталари иш олиб борди. Жорий йил қайдга олиш нуқталари ўтган йилга нисбатан 6тага оширилиб, 48 шаҳар ва ноҳияда ташкил этилди.

Шунингдек, марказ 16 апрелдан 30 апрелгача такроран қайдга олиш даврини ўтказди.

Бундан ташқари, марказ айрим узрли сабабларга кўра, қайддан ўтолмаган абитуриентлар учун 20 июлдан 30 июлгача қўшимча қайдга олиш жараёнини ўтказди. Бу даврда 1001 нафар абитуриент берилган имкониятдан фойдаланди.

Ўтган йили Тожикистон Республикаси Президенти қошидаги Миллий тест марказида 73700 нафар абитуриент, жумладан, 45873 нафар ўғил ва 27827 нафар қиз болалар қайддан ўтган бўлса, жорий йил бу кўрсаткич 84628 нафарга етди.

Жорий йил Миллий тест марказида тақсимот танловида иштирок этиш ҳуқуқини 59260 нафар абитуриент қўлга киритди. Статистик маълумотларига кўра, танловда иштирок этган абитурентларнинг умумий сонидан 43807 нафари ўзлари танлаган ихтисослари бўйича олий таълим муассасаларига жалб қилинди.

Матбуот конференцияси давомида журналистлар  ўзларини қизиқтирган саволларга атрофлича жавоблар олишди.

С. Гулчеҳра,

 «Халқ овози».