Биз билан боғланинг:

   

Бизга қӯшилинглар

ХАБАРЛАР

ИЛМ

Муаллиф: Super user Категория: ИЛМ
Чоп этилган 11 Октябр 2018 Кӯришлар: 723
Печат

 

til 2018Тил билиш барча давру замонларда муҳим бўлган. Айниқса, ахборот ва инновацион технологиялар асри – янги юз йилликда унинг аҳамияти янада ошди. Илму фан ютуқларидан бохабар бўлиш, турли соҳаларда қўлланиладиган замонавий техника ва ускуналарни ўзлаштириш ва чет эллик мутахассисларнинг бой тажрибасидан фойдаланиш учун биздан камида икки-учта хорижий тилни билиш талаб этилади.

Шунинг учун ҳам, сўнгги йилларда мамлакат Ҳукумати ёшларга таълим муассасаларида хорижий тилларни ўргатиш масаласига жиддий эътибор қаратиб келмоқда. Бунинг самараси ўлароқ, дунёнинг илғор мамлакатларидаги нуфузли олий ўқув юртларида таҳсил олаётган юртдошларимиз сафи кенгаймоқда. Бу эса, ёшларимиз хорижий тилларни ўрганишга астойдил бел боғлаганидан дарак беради. Бобожон Ғафуров ноҳиясининг маркази – Ғафуров шаҳарчасида жойлашган “Алфоз” тил ўрганиш маркази фаолияти билан танишарканмиз, бунга яна бир карра ишонч ҳосил қилдик.

“Алфоз” тил ўрганиш маркази 2013 йилнинг 1 августида очилган. Унга ҳозирда академик Бобожон Ғафуров номидаги Хўжанд Давлат дорилфунунининг хорижий тиллар факултетида фаолият юритаётган Гўзалхон Мирсаминова асос солган. Марказда дастлаб рус ва инглиз тиллари курси ташкил қилинди. Орадан икки йил ўтиб, хитой ва немис тиллари курси ҳам жорий этилди.

-Маълумки, ноҳия аҳолисининг бир қисмини ўзбеклар ташкил этади. Ўзбекзабон йигит-қизлар давлат тилини пухта ўрганиб, келгусида олий таълим муассасаларида қийналмай ўқишлари учун марказимизда тожик адабий тилини ўргатиш ҳам йўлга қўйилган, - дейди марказ раҳбари Г.Мирсаминова.

Бундан ташқари, айни пайтда марказда мактабга ва олий ўқув юртига тайёрлов, шунингдек, компютер курслари ҳам амал қилмоқда. Бу ерга ноҳиянинг Ғафуров шаҳарчаси, Хистеварз, Исфисор, Зарзамин, Овчиқалъача ва Унжи қишлоқ жамоатлари ҳамда Бўстон ва Гулистон шаҳарларидан болалар қатнашади. Эътиборли жиҳати шундаки, ўқув марказида камтаъминланган оилалар фарзандлари учун маълум имтиёзлар белгиланган.  

Бугун инглиз тили дунё миқёсида етакчи тил ҳисобланади. Уни ўрганишга бўлган эътиборнинг кун сайин ошиб бораётгани ана шундан. “Алфоз” ўқув маркази фаолиятида инглиз тили курси муҳим ўрин тутади. Бу ерда инглиз тили сабоқлари тажрибали ўқитувчилар томонидан олиб борилади.

-Бир йилдан бери ушбу ўқув марказида ишлаяпман. Инглиз тили бўйича турли босқичларда ўқувчиларга сабоқ бериб келмоқдаман. Болалардаги тил ўрганишга бўлган иштиёқни кўриб завқланаман, тўғриси. Дарсларни янада қизиқарли ва самарали ўтказиш учун барча имкониятларни ишга солишга ҳаракат қиламан. Натижа ёмон бўлмаяпти. Шогирдларимнинг инглиз тили грамматикасини пухта ўзлаштираётгани, аста-секин оғзаки ва ёзма нутқи шаклланаётгани меҳнатларимиз зое кетмаётганидан гувоҳлик беради,- дейди инглиз тили ўқитувчиси Илҳом Ашрапов. Марказ раҳбарининг айтишича, инглиз тилини ўзлаштириш бўйича самарадорликни янада ошириш мақсадида, хориждан ҳам мутахассислар жалб этилган. Полшадан келган икки ўқитувчи уч ой давомида бу ерда ишлаган. Улар учинчи ва тўртинчи босқичларда болаларга инглиз тилини ўргатишган.

Ўқув марказида яратилган шарт-шароит ва дарс жараёни билан танишар эканмиз, инглиз тилини ўрганишни олдига мақсад қилиб қўйган бир неча ўқувчиларни суҳбатга тортдик.

-10 ёшдаман. Келажакда шифокор бўлмоқчиман. Катта бўлсам, Америкага бориб ўқийман. Шунинг учун, бу ерда инглиз тилини ўрганяпман,- дейди гулистонлик Муҳаммадшоҳ.

“Алфоз”да хитой тилини ўргатишга ҳам алоҳида эътибор қаратилади. Ушбу ўқув маркази хитой тили таълими бўйича Бўстон шаҳридаги Тожикистон Тоғ-металлургия институти қошида ташкил қилинган “Конфуций” мактаби билан яқиндан ҳамкорлик қилиб келади. Г.Мирсаминова хитой тили курси битирувчилари белгиланган халқаро имтиҳоннинг ҳар тўрттала босқичида яхши натижа кўрсатсалар, улар учун бевосита Хитой Халқ Республикасига бориб таҳсил олиш имкони пайдо бўлишини айтаркан, хитой тилини курсини муваффақиятли ўтаган Муҳаммаджон Яҳёев ана шундай имкониятни қўлга киритганини таъкидлайди.

-Қизим Хайринисо бир йил мобайнида рус тили курсига қатнади. Ҳозир ўз тенгқурлари билан рус тилида бемалол гаплаша олади. Эндиликда инглиз тилини ўрганмоқда. Ушбу марказда тил ўрганиш учун қулай муҳит яратилганлиги ҳамда ўқитувчи ва ўқувчи муносабати яхши йўлга қўйилганлиги учун ўғлим Муҳаммадалини ҳам инглиз тили курсига ёздирдим. Эндиликда улар вақтларини беҳуда ўтказишмайди. Фикрлари фақат ўқиш ва тил ўрганиш билан банд,- дейди Ғафуров шаҳарчасида истиқомат қилувчи Зарина Қурбонова.

“Алфоз” тил ўрганиш маркази томонидан шу кунгача 600га яқин ўқувчига сертификат берилган. Албатта, мазкур ўқув марказининг ёшларга хорижий тилларни ўргатиш йўлидаги хизмати диққатга сазовордир.

 

Н. ЭРГАШЕВ,

Б.Ғафуров ноҳияси.

КАЛЕНДАР

« Ноябр 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

МАҚОЛАЛАР

Тез ёрдам текинми-пуллик?

 

Ёки беш кунга етмайдиган бензин пули

Эрталаб ишга бораётган эдим. Кўчада бир танишимни учратиб қолдим. Кўриниши маъюс, тажанг, нимадандир норозига ўхшарди. Саломлашиб, ўтиб кетмоқчи эдим, у: -Шошаётганингизни кўриб турибман, лекин озгина вақтингизни оламан, - деди. Мен унинг гапларига қулоқ тутдим.

- Кеча тунда онам иссиқ чиқариб, қийналиб нафас ола бошлади. Уйдаги дорилардан бердик, лекин таъсир қилмади. Ҳароратини ўлчасак, ўттиз тўққизга

Муфассал...

Дилмурод ДАВЛАТЗОДА: - Республикада нафақанинг ўртача ҳажми 305 сомоний 30 дирамни ташкил этади

 

Тожикистон Республикаси Ҳукумати қошидаги Ижтимоий суғурта ва нафақа агентлиги раиси Дилмурод Давлатзода ҳисобот даврида ижтимоий суғурта ва нафақа бюджети 1 миллиард 366,2 миллион сомонийни ташкил қилиб, ўтган йилнинг шу даврига нисбатан 120,4 миллион сомоний ёки 9,6 фоиз зиёдлигини агентликнинг 2019 йил ярим йиллик фаолияти жамбастига бағишланган матбуот анжуманида таъкидлаб ўтди.

Муфассал...

СТАТИСТИКА

Сайтга кирганлар
1
Мақолалар
817
Мақолаларни кӯрганлар сони
530995

ӮҚУВЧИЛАР СОНИ

2415475
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1851
2779
6879
2392687
41428
67884
2415475

Сизнинг IPнгиз: 35.175.120.174
Бугун: 20-11-2019 20:10:48

ҲАМКОРЛАР

 

 

   

2015