17 феврали куни Душанбе шаҳри раиси Маҳмадсаид Убайдуллоев бошчилигида шаҳардорлик масаласига бағишланган мажлис бӯлиб ӯтди. Унда ӯта муҳим, ҳалталаб масалалар кӯриб чиқилди.

Биринчи навбатда, шаҳар раиси ӯтган ҳафталарда пойтахт аҳолисининг совуқ исканжасида қолиб кетиши ва шаҳар масъулларининг мунтазам равишда олиб борган тадбирлари оқибатида ижобий натижага эришилгани ҳамда шаҳардорлик режасига кӯра, аввали баҳордан кӯчат экиш, Наврӯз байрамига ҳамма томонлама тайёргарлик кӯриш, ободончилик борасидаги бир талай масалаларга тӯхталиб ӯтди.

Кӯриб чиқилган масалалардан яна бири бу, шаҳар транспорт воситаларининг аҳолига хизмат кӯрсатиши борасида бӯлди. Оммавий ахборот воситаларидаги чиқишлар ва аҳоли арзу шикоятлари шаҳар раиси Маҳмадсаид Убайдуллоевни бу масалага жиддий эътибор қаратишга жалб этиб, бу масалани 15 апрелгача ижобий ҳал этиш шаҳар ҳукумати раис ӯринбосари Б. Назаров зиммасига юклатилди.

Юқорида эслатиб ӯтилганидек, мажлисда Наврӯз халқаро байрамига ҳамма томонлама тайёргарлик, шунингдек, мамлакат пойтахти Душанбе шаҳрининг 90 йиллик юбилейини тантанали равишда муносиб кутиб олиш учун зарур саналган тадбирлар ташкил этиш борасида алоҳида топшириқлар берилди.

Шаҳар раиси, шунингдек, кутилаётган чора-тадбирларда кӯнгилли фаоллар ҳамда мутахассис кадрлар хизматидан кенг кӯламда фойдаланишни маслаҳат бериб, барча байрамларга олий даражада тайёргарлик кӯришга чорлади.

Шавкат САИДОВ,

Душанбе шаҳар ҳукумати раиси матбуот котиби