Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 06 Июл 2018 Кӯришлар: 303
Печат

 

bog 20183 июл куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Душанбе шаҳри раиси Рустами Эмомали билан Исмоил Сомоний ноҳиясида “Болалар боғи”ни тантанали равишда фойдаланишга топширди.

«Болалар боғи»ни бунёд этиш ва Душанбе шаҳридаги “Болалар ва ўсмирлар маркази” давлат муассасаси биносини асосий таъмирдан чиқариш

Тожикистон Республикаси Ҳукуматининг 2017 йил 10 ноябрдаги фармойиши ижросини таъминлаш мақсадида ҳамда боғ ва хиёбонларни ободонлаштириш ва кўкаламзорлаштириш, шунингдек, Душанбе шаҳри ҳудудида спорт майдончаларини қуриш ишларига доир тадбирлар режасига мувофиқ, Тожикистон Республикаси Президенти Ижроия аппаратининг Ҳукумат иншоотлари қурилиш дирекцияси томонидан йўлга қўйилганди. 60 нафардан ортиқ киши қурилиш ишларига жалб қилинган.

«Болалар боғи» салкам 3 гектар майдонни эгаллаган. Бу ерда болаларнинг сайр қилишлари, ҳордиқ чиқаришлари ва маданий-спорт тадбирларида қатнашишлари учун 500 ўринли амфитеатр, фавворалар, гулзорлар, спорт майдончалари, теннис корти, шахмат ўйини учун махсус жой, қаҳвахона ва бошқа иншоотлар қурилган.

Ёзги амфитеатр ярим доира шаклида қурилган бўлиб, 680 квадрат метр майдонни эгаллайди. 350 квадрат метр майдонда қад ростлаган бир қаватли ёзги қаҳвахона биноси 100 кишига мўлжалланган.

Боғнинг асосий кириш қисмига баландлиги 10 метрга тенг дарвоза ўрнатилган. Унинг атрофига афсонавий ҳайкалчалар жойлаштирилган. Бундан ташқари, асосий кириш йўлининг икки томонида рангли фавворалар қурилган.

Боғнинг бир бурчагидан ўрин олган шахмат столининг ўлчами 15,6х13,2 метрдир.

Душанбе шаҳри «Болалар ва ўсмирлар маркази» биносининг кираверишида арка шаклидаги иккита пергола бор.  

Боғнинг шимолий-шарқий қисмида 60та транспорт воситасига мўлжалланган автотураргоҳ мавжуд. Шунингдек, боғ ҳудудини назорат қилиш учун 30та замонавий кузатув камералари ўрнатилган.

Бундан ташқари, боғнинг ичкарисида 5200 квадрат метр майдонда турли рангдаги тош плиталардан йўлаклар қурилган. Боғ ҳудудида 120тадан ортиқ турли шаклдаги ўриндиқлар бор.

Боғ 30та прожектор ёрдамида ёритилади. Дарахтлар ва биноларга ранг-баранг нур таратиш учун декоратив чироқлардан фойдаланилган.

15 минг квадрат метр майдон кўкаламзорлаштирилган. Боғ ҳудудига чет элдан келтирилган манзарали ва соя берувчи хилма-хил дарахт кўчатлари ўтқазилган. Қайин, сарв дарахти, қорақайин ёнғоғи, заранг дарахти, жўка дарахти, магнолия, арча, ҳинд сирени, “Вуди” олхўриси, оддий қарағай, туядарахт, канзан ва каталпа шулар жумласидандир.

Боғ ҳудудида болаларнинг вақтичоғлик қилишлари учун лойиҳага кўра, 40та турли афсонавий ўйинчоқлар, жумладан, тошбақа, оҳу, эчкича ва бўри, олмахон, каклик, товус, айиқ, бўри ва қуён сингари мултфилмлар қаҳрамонлари жойлаштирилган.

Қолаверса, Туркия ва Италиядан олиб келинган 115та турли чархпалаклар ўрнатилган. Жумладан, ҳаракатланувчи пружинали ўйинчоқлар, аттракционлар, ёғочдан ясалган уйчалар, темир йўл, занжирли кўприк, велосипедлар ва машқ қилиш учун махсус асбоблар бор.

Мазкур боғ Душанбе шаҳри “Болалар ва ўсмирлар маркази” давлат муассасаси олдида жойлашган. Эндиликда болажонлар яратилган барча шароитлардан баҳраманд бўладилар.

Мамлакат Президенти муҳтарам Эмомали Раҳмон танишув чоғида, боғ ҳудудини ободонлаштириш йўлида қилинган ишларга юқори баҳо берди.

«Ховар» ТМАА.

Украинанинг келажаги кандай?

КАЛЕНДАР

« Феврал 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

МАҚОЛАЛАР

Самимият муносабатлар гултожига айланди

 

Ўзбекистон Республикаси Президенти Шавкат Мирзиёвнинг Тожикистонга давлат ташрифи ҳамда олиймақом меҳмоннинг самимият билан дўстона кутиб олиниши Тожикистон ва Ўзбекистон республикалари муносабатлари тарихида зарҳал ҳарфлар билан битилади, десак муболаға бўлмайди.

Муфассал...

Қобилжон ТОЛИБОВ: - ФОСИЛАВИЙ ТАЪЛИМ - СИРТДАН ЎҚИШДАН АФЗАЛ

 

- Фосилавий таълим хориж тажрибасида синалган усул ҳисобланади, - деди Тожикистон Давлат тижорат университети проректори Қобилжон Толибов олийгоҳнинг ярим йиллик фаолияти якунига бағишланган матбуот конференциясида. – Жаҳон ҳамжамиятининг тенг ҳуқуқли аъзоси ҳисобланган мустақил Тожикистонимизда ҳам таълимнинг бу усулини қўллаш давр талабига айланиб бормоқда. Албатта, анъанавий таълим усулидан фосилавий тарзда

Муфассал...

СТАТИСТИКА

Сайтга кирганлар
1
Мақолалар
689
Мақолаларни кӯрганлар сони
366201

ӮҚУВЧИЛАР СОНИ

1937579
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
598
2217
11698
1910548
32814
73014
1937579

Сизнинг IPнгиз: 3.80.38.5
Бугун: 16-02-2019 05:50:57

ҲАМКОРЛАР

 

 

   

2015