31 январ куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон «Салини Импрежило» (Salini Impregilo) компанияси раҳбари Пиетро Салинини қабул қилди.

Учрашувда Тожикистоннинг «Салини Импрежило» компанияси билан гидроэнергетик иншоотлар, жумладан, Роғун ГЭСи қурилиши ва қайта тикланиши

бўйича ҳамкорликлари ҳозирги ҳолати ва келгусидаги истиқболлари муҳокама қилинди. 

Суҳбатдошлар ишлар даражаси ва сифати, муҳим гидроэнергетик иншоот қурилиши молиялаштирилиши жараёни борасида фикр алмашишиб, лойиҳавий ишлар режаси ҳамда молиялаштириш ва сармоялаштириш билан боғлиқ масалалар ижросини ўз вақтида таъминлашни гидроэлектростанция тўғони қурилишида ишларнинг илгарилаши муҳим омилларидан бири, дея аташди.

Роғун ГЭСи тўғони қурилишида иштирок этаётган ишончли ва етакчи «Салини Импрежило» халқаро компанияси томонидан иншоот қурилиши, бу йўналишдаги мавжуд камчиликларни бартараф этиш бўйича лойиҳавий ишларни ижро этиш йўлида зарур чора-тадбирлар қабул қилинаётганига ишонч билдирилди.

Учрашувда Роғун ГЭСи қурилиши ва қайта тикланиши бўйича икки томонлама мажбуриятлар, бу халқаро қурилиш корпорациясини Тожикистоннинг турли сармоявий лойиҳалари татбиқига жалб этиш билан боғлиқ бошқа масалалар ҳам муҳокама қилинди.

«Ховар» ТМАА.