29 август куни Миллат қасрида Тинчлик ва миллий бирлик асосчиси - Миллат пешвоси, Тожикистон Республикаси Президенти Эмомали Раҳмон Тожикистон Республикаси Давлат мустақиллигининг 25 йиллиги муносабати билан ўз фаолиятида сезиларли натижаларни қўлга киритган турли касб ходимлари катта гуруҳига давлат мукофотлари, ҳарбий ва махсус унвонлар, давлат совринларини топширди.

Давлат мукофотлари топшириш маросими аввалида Давлат бошлиғи йиғилганлар, мамлакат халқи, хориждаги ватандошлар, лауреатларни Тожикистон давлат мустақиллиги 25 йиллиги ва давлат мукофотларини олганликлари муносабати билан табриклади.  

Сўнгра ижтимоий-иқтисодий соҳалар, ишлаб чиқариш, хизмат кўрсатиш, илм, маданият, давлат ҳокимияти ижроия органи кўп сонли ходимлари ҳамда хусусий тадбиркорлар, ҳуқуқ ҳимояси органлари, суд ҳокимияти ходимлари, ҳарбий хизматчилар, Тожикистон жамоатчилик ҳаёти бошқа турли соҳалари намояндалари иккинчи даражали "Шараф" орденлари, "Муносиб хизматлари учун", "Шафақ" медаллари, Тожикистон халқ шоири, Тожикистон халқ артисти, Тожикистонда хизмат кўрсатган ходим фахрий унвонлари, Тожикистон Республикаси Ифтихорномалари, биринчи даражали "Спитамен" ордени, "Жасорат учун" медали, "Тожикистон жасур чегарачиси" медали, навбатдаги унвонлар, ёш олимлар эса, Исмоил Сомоний мукофотлари билан тақдирландилар.

Шундан кейин Миллат пешвоси Эмомали Раҳмон жамиятни ривожлантириш йўлидаги самарали фаолияти учун мамлакат ва Ҳукумат раҳбариятининг давлат мукофотларига муносиб топилган барча ходимларни яна бир марта самимий табриклаб, уларга муваффақиятлар ва фаровонлик тилади.

"Ховар" ТМАА.