Жакартада Бутунжаҳон Ислом иқтисодий форуми ўтказилаётган кунларда Тожикистон Президенти Эмомали Раҳмон Шри-Ланка Демократик Социалистик Республикаси Бош вазири Ранил Шриян Викремесингҳ билан учрашди.

Суҳбат чоғида Тожикистон ва Шри-Ланканинг ўзаро манфаатга эга бўлган соҳалардаги икки томонлама ва кўп қиррали муносабатлари тараққиёти билан боғлиқ масалалар муҳокама қилинди.

Томонлар гидроэнергетика, кичик ва ўрта гидроэлектростанциялар қурилиши, Тожикистон фойдали қазилмаларини биргаликда қайта ишлаш соҳасида ҳамкорликнинг янги ва истиқболли йўналишларини амалга татбиқ этиш ҳамда кўп қиррали илмий-маданий алоқаларни мустаҳкамлаш бўйича батафсил фикр алмашишди.

Суҳбатдошлар, шунингдек, халқаро терроризм ва экстремизмга қарши икки томонлама ва кўп қиррали муштарак курашиш зарурлигини қайд қилишди.

Бугунги учрашув Тожикистон ва Шри-Ланка ўзаро фойдали ҳамкорликлари ҳозирги ҳолати ва тараққиёт истиқболлари билан боғлиқ масалаларни муҳокама қилиш учун муҳим ва ўз вақтидаги ташаббус, дея аталди.

«Ховар» ТМАА.