Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 05 Апрел 2018 Кӯришлар: 474
Печат

 

s valizoda 2018- Соҳибистиқлол серқуёш юртимизда ободончилик ва бунёдкорлик ишларининг тобора ривожлантириб борилиши ёш авлод келажаги учун шароит яратиб бериш демакдир. Зеро, бу йўлда уларга мустаҳкам асослар яратиб берган ҳолдагина, қилинган меҳнатлар ўз самарасини кўрсатади. Биз фаолиятимизда Тинчлик ва миллий бирлик асосчиси - Миллат пешвоси, Тожикистон Республикаси Президентининг Олий Мажлисга йўллаган Паёми,

Давлат бошлиғининг дастур ва кўрсатмаларини бош мезон қилиб, кўзлаган мақсадларимизга эришмоқдамиз, - деди Фархор ноҳияси раиси Сулаймон Вализода.

Биз раис билан 2017 йилда қўлга киритилган ютуқлар борасида суҳбатлашдик.

-Биласизми, қадимий ва навқирон Фархор меҳнаткашлари ҳам ватанимизнинг бошқа фуқаролари каби Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг сиёсатини ҳаётга татбиқ этиб, ободончилик ҳамда бунёдкорлик ишларини амалга ошириб бормоқдалар.

Бу борада маҳаллий бюджет қисмини тўлалигича таъминлаш давлат ҳокимияти ноҳия ижроия органи олдида турган биринчи даражали вазифадир. Ноҳияда солиқлар режаси 100,1 фоизга бажарилиб, маҳаллий бюджетга кўзланган 26 миллион 327 минг сомоний ўрнига 26 миллион 342 минг сомоний маблағ киритилди. Ижтимоий соҳа бўйича бюджет маблағи 12 миллион 161 минг сомоний ўрнига 12 миллион 310 минг сомоний киритилди. Бу режага нисбатан 101,2 фоизни ташкил этади.

Ноҳиямиз меҳнаткашларининг соғлиғи йўлида Умумжаҳон банки маблағи ҳисобидан Сафармад, Навобод, Тожикистон ва Деҳқонариқ қишлоқларида қурилаётган саломатлик марказлари жорий йил фойдаланишга топширилади. Шунингдек, 2018 йили Нурмат Сафаров номли қишлоқ жамоатининг Ғалаба қишлоғида ҳам саломатлик маркази қурилиши кўзда тутилган. Ушбу йилда соҳибкор Тожидин Муҳидинов томонидан шаҳарча марказида уч қаватли бозор қурилиши назарда тутилган.

Қишлоқ хўжалиги маҳсулотларини ишлаб чиқариш соҳасида ҳам ютуқларимиз чакки эмас. Хўжалик маҳсулотларининг умумий ҳажми 741 миллион 339 минг сомонийга етдики, бу кўрсаткич 2016 йилга нисбатан 117 миллион 178 минг сомоний кўпдир. Деҳқонларимиз 2800,2 гектар ерга деҳқончилик қилди. 13930га ғалла, 11591га буғдой, 1578га арпа, 1134га шоли, 359га дуккакли экин ва 9978 гектар майдонга техник зироатлар экилди. Миришкорларимиз томонидан 510 гектарга картошка, 656га полиз экинлари ва 1378 гектар майдонга ерни алмашлаб экиш усули билан чорва учун беда ҳамда 1541 гектар ерга сабзавот экилиб, кўнгилдагидек хирмон кўтардилар.

Иккинчи нон ҳисобланмиш картошка етиштиришни янада ривожлантириш мақсадида, «Канакс» номли кўмак бериш хўжалиги томонидан 115 тонна сифатли картошка уруғи ёрдам тариқасида берилди.

Таъкидлаб ўтиш жоизки, деҳқонларимиз 2017 йилда 74074 тонна ғалла, 5005 тонна маккажўхори, 54098 тонна сабзавот, 29045 тонна полиз маҳсулотлари ва 21738 тонна «оқ олтин» хирмон уйдилар. Бу кўрсаткич 2016 йилга нисбатан 9978 тонна зиёддир. Ҳосилдорлик гектар бошига 29,7 центнерданга тўғри келди. Чорвачилик соҳасида 9407 тонна гўшт, 20803 тонна сут, 169 тонна жун, 39,5 тонна асал ва 93,0 тонна балиқ етиштирилди. Шу жумладан, 2220 тонна қишлоқ хўжалиги маҳсулотлари экспорт қилинди, бу 111,0 фоизни ташкил этади.

Маориф соҳасида ёшларга таълим ва тарбия бериш борасида ноҳияда 58та умумтаълим муассасалари фаолият кўрсатмоқда. 2017-2018 ўқув йилида 34828 нафар ўқувчиларга 2361 нафар устозлар таълим ва тарбия бериш билан машғул. Айни пайтда 296 нафар ўқувчи ёшлар Президент квотаси билан республикамизнинг турли олийгоҳларида таҳсил олмоқдаларки, уларнинг 138 нафари қизлар.

Ноҳия аҳолиси 162700 нафардан иборат бўлиб, 79834 нафарини аёллар ташкил этади. Шу жумладан, 42560 нафар аёлларимиз меҳнат қобилиятига эга.

-Мана шу ўзингиз кўриб турган жой, - дейди суҳбат давомида раис, - аввал ноҳия маданият-истироҳат боғи бўлиб, ташландиқ ҳолатига келиб қолган эди. «Яхшидан боғ қолади», - деганларидек, ноҳия фаоллари жамоатлар раислари билан маслаҳатлашиб, ҳашар йўли билан 5,80 сотихдан иборат замонавий истироҳат боғи яратмоқдамиз. Геометрик айлана шаклидаги йўлакчаларнинг икки бетига мавсумий гуллар, 700 туп кипарус ва мажавелни, 20 туп каштан, 250 туп сосна ҳамда соя берувчи декоратив дарахт кўчатлари экилди. Ҳатто, боғнинг марказида 200 квадрат метрлик ва баландлиги 6 метрга кўтариладиган фаввора ҳам қурилмоқда.

Биз ҳам ушбу ютуқлардан қувониб, саодатли келажакни кўзлаган Фархор ноҳияси раиси Сулаймон Вализоданинг хайрли ишларига ривож тилаб, ортга қайтдик.

Давронбек Каримов,

Фархор ноҳияси.

Иқтисодиётимиз учун Роғун ГЭСининг аҳамияти?

КАЛЕНДАР

« Декабр 2018 »
Дш Сш Чш Пш Жм Шб Яб
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

МАҚОЛАЛАР

МОЗИЙГА АЙЛАНГАН ЙИЛЛАРГА БОҚДИМ...

 

ЗЕБОСАНАМга

Бир зебосанамга бердим дилимни,

Четда қолди мени севган дилдорлар.

Мен уни жонимдан севардим ортиқ,

Ҳажридан дилимда қолди озорлар. Муфассал...

Надомат

 

Ҳикоя

Ёз шамоли димоққа чанг-ғубор ҳидини урар, ҳаво борган сайин қизиб, юз-кўзларни куйдирар эди. Қурғоқчилик ўз ҳукмини ўтказган: гул-гиёҳ, ўт-ўланлар аллақачон қуриб, сарғайиб қолган, гўё аланга тили ҳамма нарсани ялаб юборган эди. Ернинг ҳар-ҳар жойи ёрилиб, унчалик чуқур бўлмаган ариқчалар пайдо бўлган. Баланд-паст адирлар узра ўткинчи булутлар увадалари айланиб юрибди.

Муфассал...

СТАТИСТИКА

Сайтга кирганлар
1
Мақолалар
645
Мақолаларни кӯрганлар сони
316574

ӮҚУВЧИЛАР СОНИ

1789892
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1272
3164
13624
1759842
35535
61802
1789892

Сизнинг IPнгиз: 34.228.41.66
Бугун: 15-12-2018 11:21:17

ҲАМКОРЛАР

 

 

   

2015