31 май куни Тинчлик ва миллий бирлик асосчиси-Миллат пешвоси, мамлакат Ҳукумати Раиси муҳтарам Эмомали Раҳмон бошчилигида Тожикистон Республикаси Ҳукуматининг навбатдаги мажлиси бўлиб ўтди.

Мажлисда дастлаб кадрлар масаласи кўриб чиқилди. 

Кейин Хатлон вилояти Мир Сайид Али Ҳамадоний ноҳияси раисининг Тожикистон Республикаси «Давлат ҳокимияти маҳаллий органлари тўғрисида»ги

Конституцион қонуни ва Тожикистон Республикаси «Шаҳарча ва маҳаллий органларнинг ўз-ўзини бошқариши тўғрисида»ги қонуни ижроси борасидаги ҳисоботи тингланди.

Мажлис ишида Ҳукумат аъзолари томонидан бир қатор қонун лойиҳалари, жумладан, Тожикистон Республикаси «Тўлов хизматлари ва тўлов тизими тўғрисида»ги, Тожикистон Республикаси «Тожикистон Республикаси Божхона кодексига ўзгартиш ва қўшимчалар киритиш тўғрисида»ги, Тожикистон Республикаси «Тожикистон Республикаси Шаҳарсозлик кодексига қўшимчалар киритиш тўғрисида»ги қонунлар лойиҳалари маъқулланиб, Тожикистон Республикаси Олий Мажлиси Намояндалар мажлисига кўриб чиқиш учун юборилди.

Шунингдек, Тожикистон Республикаси Ҳукуматининг Тожикистон Республикаси «Саноат соҳасида давлат сиёсати тўғрисида»ги қонун лойиҳасига ва «Тожикистон Республикаси «Об-ҳавошунослик фаолияти тўғрисида»ги қонунига ўзгартиш ва қўшимчалар киритишга оид» хулосалари Намояндалар мажлисига кўриб чиқиш учун тавсия этилди.

Суғд вилояти халқ вакиллари мажлисининг «Суғд вилояти Спитамен ноҳияси Нов шаҳарчаси номини Навкат шаҳарчаси билан ўзгартиришга оид» ва Тожикистон Республикаси «Ўрта умумтаълим муассасалари намунавий низомномаси тўғрисида»ги тавсияларига оид қарорлар лойиҳалари кўриб чиқилди.

Тожикистон Республикаси Ҳукумати навбатдаги мажлисида кўриб чиқилган ва жамиятнинг бошқа муҳим масалаларини ўз вақтида ижро этиш борасида Тинчлик ва миллий бирлик асосчиси-Миллат пешвоси, мамлакат Ҳукумати Раиси муҳтарам Эмомали Раҳмон мажлис сўнгида Ҳукумат аъзолари ва бошқа тегишли вазирлигу идоралар раҳбарларига аниқ кўрсатма ва топшириқлар берди.

«Ховар» ТМАА.