Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 23 Феврал 2018 Кӯришлар: 2287
Печат

 

xistevarz 2018Бобожон Ғафуров ноҳиясидаги Хистеварз қишлоқ жамоатида бўлиб ўтган ҳалқ ҳунармандчилиги кўргазмасига ўз маҳсулотларини қўйиш истагида бўлган ҳунармандлар сони кутилганидан камида икки баравар кўп бўлди. Кўргазмага деярли 50 турдаги халқ ҳунармандчилиги маҳсулотлари қўйилди. Улар орасида сўзаналар, заргарлик буюмлари, атлас ва адрас, чолғу асбоблари, ўйинчоқлар, тандир, қандолатчилик маҳсулотлари  бор эди.

Ноҳия раиси Зариф Назирий жорий йил мамлакатимизда Сайёҳлик ва халқ ҳунармандчилигини ривожлантириш йили, деб эълон қилинганини айтар экан,  аждодлар анъанасини давом этиб келаётган қўли гул инсонларга ғамхўрлик оширилишини маълум этди.  Ноҳияда халқ ҳунармандчилигини ривожлантириш,  бу соҳада янги иш жойлари барпо этиш, уйда меҳнат қиладиган ҳунармандларга шароит яратиш мақсадида маблағ ажратилишини айтди. Бу маблағ 200 минг сомонийдан иборат бўлади.

Зариф Назирийнинг билдиришича, давлат ҳокимияти ноҳия ижроия органи грантлари икки босқичда берилади. Ҳар бир ҳунарманд грант олиш учун ўз лойиҳасини таклиф эта олади. Муносиб топилган лойиҳалар эгаларига назарда тутилган маблағ - грант берилади.

Ҳозирда ноҳияда 7 минг нафардан ортиқ халқ ҳунармандлари фаолият юритмоқда.  Қадимий миллий анъаналарни сақлаб қолиш,  ҳунармандлар сонини кўпайтириш мақсадида янги таълим-ишлаб чиқариш марказлари таъсис этиш, устоз-шогирд мактабларига аҳамиятни кучайтириш кўзда тутилган.

 

Жасур ҳимоячи  - юз ёшда

Ашт ноҳиясида иккинчи жаҳон уруши қатнашчиси, жасур ҳимоячи  Маҳмутали Бобоевнинг табаррук 100 йиллиги нишонланди.  Отахон Меҳробод қишлоқ жамоатида яшайди. Урушдан эсон-омон қайтган Маҳмутали узоқ йиллар самарали меҳнат қилди. У 7 фарзанднинг отасидир. Невара ва эваралари сони эса, 150 нафардан ортган.

Давлат ҳокимияти Ашт ноҳияси ижроия органи раҳбарлари Маҳмутали Бобоевнинг ҳолидан хабар олиш мақсадида унинг хонадонида бўлишди. Бир асрлик умр кўрган отахонга  Суғд вилояти раиси вазифасини бажарувчи Ражаббой Аҳмадзоданинг ҳамда ноҳия раисининг Ёрлиқлари ва эсдалик совғалари топширилди.

Аштлик юзлаб йигитлар иккинчи жаҳон уруши фронтларида фашистларга қарши мардонавор жанг қилишган. Булоқ қишлоғида туғилиб-ўсган Тўйчи Эрйигитов Совет Иттифоқи Қаҳрамони унвонига сазовор бўлган. У душман дзотини кўкраги билан тўсиб, ўт очишни тўхтатган ва қуролдошларига ҳужумга ўтиш имкониятини яратиб берган эди.

 

"Биз Ватанга хизмат қиламиз!"

"Биз мактабни тугаллаганимиздан кейин йигитлик бурчимизни бажариш учун ҳарбий хизматга борамиз! Ватанга хизмат қиламиз, юртимизни қўриқлаб, элимизнинг осойишта, ота-оналаримизнинг тинч яшашлари учун сергак турамиз!"

Ҳарбий қисмлардан бирида ўтказилган "Очиқ эшиклар" тадбирида қатнашган спитаменлик ўсмирларнинг аксарияти  ана шундай аҳд қилишди. Бу тадбирда Спитамен ноҳиясидаги умумтаълим муассасаларида ўқиётган 250 нафар ўқувчи қатнашди.

"Очиқ эшиклар" тадбири Тожикистон Республикаси Қуролли кучлари ташкил этилганининг 25-йиллиги арафасида ўтказилди. Бу муҳим тадбирни ташкил этишга ноҳия ёшлар ва спорт, маориф бўлимлари ва ҳарбий нозирлиги бош қўшишди.

Ўсмирлар ҳарбий қисмдаги шароит билан танишишди, аскарлар билан суҳбатлашишди.

Ватанпарварлик тарбиясига қаратилган бу каби тадбирлар боис, Спитамен ноҳиясида кўнгилли равишда ҳарбий хизматга отланаётган йигитлар сони  йил сайин кўпайиб бораётир.

 

Ўз мухбир.

КАЛЕНДАР

« Июн 2025 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

МАҚОЛАЛАР

Навоий асарларида Жомий тимсоли

 

XV аср темурийлар сулоласи даврида яшаб ижод этган буюк мутафаккир сиймолар ва оламга машҳур зотлар Алишер Навоий ва Нуриддин Абдураҳмон Жомий муносабати илиқ, самимий, дўстона ва биродарлик нафаси билан йўғрилган, жумладан, устозу шогирдлик юзасидан келиб чиққан ажойиб маърифий-маданий ҳамкорликлари XV асрдан бошлаб то ҳалигача адабиётшунослик фанимизда тинимсиз ўрганиб келинмоқда. Аммо чуқурроқ

Муфассал...

ДИННИ НИҚОБ ҚИЛГАН ЭКСТРЕМИСТЛАР…

 

Тинчлик ва миллий бирлик асосчиси – Миллат пешвоси, муҳтарам Эмомали Раҳмон Жаноби олийларининг мамлакат Олий Мажлисига юборган навбатдаги Паёмини барча ватандошларимиз қатори биз Имом Абуҳанифа (р.) номли Тожикистон Ислом олийгоҳи ўқитувчилари жамоаси ҳам ҳамжиҳатлик билан ойнаи жаҳон орқали томоша қилиб, сўнгра чоп шаклидагисини мутолаа қилдик. У кишининг ҳар бир айтган маъноли сўзларида ҳаёт акс этаётганини

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2125753

ӮҚУВЧИЛАР СОНИ

8314202
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
498
4617
9052
8284046
62598
101124
8314202

Сизнинг IPнгиз: 216.73.216.54
Бугун: 18-06-2025 04:20:17

ҲАМКОРЛАР

 

 

   

2015